Dr. Erik Denison គឺជាអ្នកវិទ្យាសាស្ត្រខាងអាកប្បកិរិយានៅសាកលវិទ្យាល័យ Monash ដែលបានសិក្សាពីមូលហេតុដែលមនុស្សប្រុសប្រើប្រាស់ភាសាគួរឱ្យស្អប់ខ្ពើមអំពីប្រុសខ្ទើយ នៅក្នុងបរិយាកាសដែលគ្របដណ្ដប់ដោយបុរសភេទ រាប់ចាប់ពីក្លឹបកីឡា រហូតដល់កន្លែងរុករករ៉ែ។
លោកបាននិយាយថា បុរសមានទំនោរប្រើប្រាស់ភាសារើសអើងការស្រឡាញ់ភេទដូចគ្នានៅក្នុងបរិយាកាសទាំងនេះ ដើម្បីឱ្យចុះសម្រុងនឹងគេ និង បង្ហាញឱ្យឃើញពីអាកប្បកិរិយានៃការស្រឡាញ់ភេទផ្ទុយគ្នា។
លោកបាននិយាយថា "អ្វីដែលយើងបានរកឃើញគឺថា មិនថាតែជា យុវជនវ័យក្មេង ឬក៏ក្មេងប្រុស មានអាកប្បកិរិយាវិជ្ជមានជាខ្លាំង ឬមានអាកប្បកិរិយាអវិជ្ជមានខ្លាំងនោះទេ ពួកគេទំនងជាប្រើភាសារើងអើងការស្រឡាញ់ភេទដូចគ្នា"។
ពួកគេត្រូវបានជំរុញដោយបំណងប្រាថ្នារបស់យុវជន ដើម្បីធ្វើតាមអាកប្បកិរិយារបស់អ្នកដទៃ និងត្រូវបានគេទទួលយក។ ហើយប្រសិនបើពួកគេមិនប្រើភាសានេះទេ នោះពួកគេត្រូវបានគេចាត់ទុកថាចំលែក ហើយមិនមែនជាផ្នែកនៃក្រុមនេះទេ។
ទោះបីជានៅពេលដែលវាមិនមានបំណងស្អប់ខ្ពើមក៏ដោយ Dr. Denison បាននិយាយថា ភាសាប្រភេទនេះអាចធ្វើឱ្យអន្តរាយយ៉ាងធ្ងន់ធ្ងរដល់យុវជន LGBTQ។
របាយការណ៍ស្តីពីការស្វែងយល់ពីភាពស្អប់ខ្ពើម -“Understanding Hate” វគ្គនេះ ក្រលែកមើលលើមូលហេតុមួយចំនួននៃការប្រើប្រាស់ភាសារើសអើងអ្នកស្រឡាញ់ភេទដូចគ្នា និងហិង្សា ព្រមទាំងការជះឥទ្ធិពលមកលើបុរសខ្ទើយ។
