"យើងកំពុងនិយាយអំពីឧប្បត្តិហេតុរាប់ពាន់ រាប់ម៉ឺនករណី សម្រាប់ស្ត្រីមូស្លីមជាច្រើននាក់ដែលពាក់ក្រម៉ារុំក្បាល ពួកគេមានអារម្មណ៍ថាឧប្បត្តិហេតុនៃការស្អប់ខ្ពើមរើសអើងសាសនាឥស្លាម Islamophobia គឺជាអ្វីដែលវាមានន័យថា សម្រាប់ជនជាតិមូស្លីមនៅទីនេះ នៅក្នុងប្រទេសអូស្ត្រាលីនេះ"។
Dr Nora Amath នាយកប្រតិបត្តិនៃអង្គការ Islamophobia Register បានសង្កេតឃើញមាន "ការកើនឡើងយ៉ាងខ្លាំង" នៅក្នុងឧប្បត្តិហេតុនៃការស្អប់ខ្ពើមរើសអើងសាសនាឥស្លាម Islamophobic បន្ទាប់ពីការវាយប្រហារថ្ងៃទី ៧ ខែតុលាក្នុងឆ្នាំ ២០២៣។
លោកស្រីបាននិយាយថា ស្ត្រី និងកុមារីត្រូវបានគេកំណត់គោលដៅវិសមាមាត្រដែលមានប្រហែល ៧៥ ភាគរយនៃជនរងគ្រោះ។
វាគឺជាបញ្ហាយេនឌ័រ។
Dr. Amath បាននិយាយថា ព្រឹត្តិការណ៍ភូមិសាស្ត្រនយោបាយអាចដើរតួជាកក្តាជំរុញសម្រាប់ ការស្អប់ខ្ពើមរើសអើងសាសនាឥស្លាម នៅក្នុងប្រទេសអូស្ត្រាលី ប៉ុន្តែវាមិនមែនជាកត្តារួមចំណែកតែមួយគត់នោះទេ។
"វោហាសាស្ត្រនយោបាយមានសារៈសំខាន់ណាស់ចំពោះថាតើយើងឃើញការកើនឡើង ឬការថយចុះ នៃឧប្បត្តិហេតុដែលបានរាយការណ៍មកយើង"។
នៅក្នុងកម្មវិធីស្តីពីនៃការស្វែងយល់ពីការស្អប់ខ្ពើម Understanding Hate វគ្គនេះ យើងកំពុងសម្លឹងមើល លើការស្អប់ខ្ពើម រើសអើង ប្រកាន់ចំពោះជនជាតិមូស្លីម ឬសាសនាឥស្លាម ដែលភាសាអង់គ្លេសហៅថា Islamophobia នៅក្នុងប្រទេសអូស្ត្រាលីសព្វថ្ងៃនេះ។
