ម្ចាស់ពានរង្វាន់យុវជនអូស្រ្តាលីឆ្នើមរដ្ឋញូសៅវែលរៀបរាប់ពីផលអាក្រក់នៃទេសចរណ៍នៅមណ្ឌលកុមារកំព្រា

កញ្ញាTara Winkler គឺជាពលរដ្ឋអូស្រ្តាលីវ័យក្មេងមួយរូបដែលមិនត្រឹមតែមានរូបសម្ផស្សស្រស់ស្អាតនោះទេ ថែមទាំងមានចិត្តល្អ ក្លាហាន បានជួយសង្រ្គោះកុមារកំព្រាកម្ពុជាជាច្រើននាក់ឲ្យចៀសផុតពីការជិះជាន់ រំលោភបំពានពីសំណាក់ម្ចាស់មជ្ឈមណ្ឌលកុមារកំពា្រមួយកន្លែងនៅក្នុងប្រទេសកម្ពុជា។

Tara Winkler with Cambodian kids Source: Tara Winkler

នៅ​ថ្ងៃ​នេះ កញ្ញា Tara Winkler ដែល​ជា​ប្រធាន​នៃ​អង្គការ​ទំនុកចិត្ត​កុមារ​កម្ពុជា រូបនេះ​កំពុងតែ​មាន​វត្ត​មាន​នៅ​ក្នុង​ទឹកដី​កំណើត​របស់​ខ្លួន​ដើម្បី​បក​ស្រាយ​នៅ​ចំពោះ​មុខ​សភា​អូស្រ្តាលី​សុំ​ឲ្យ​ធ្វើការ​ហាម​ឃាត់​ពលរដ្ឋ​អូស្រ្តាលី​កុំ​ឲ្យ​ទៅ​ធ្វើ​ទេសចរណ៍​នៅ​មណ្ឌល​កុមារ​កំព្រា ព្រោះថា​វាជា​មូល​ហេតុ​ដែល​បណ្តាល​ឲ្យ​មានការ​ជិះជាន់​ កេងប្រវ័ញ្ច​លើ​កម្លាំង​ពលកម្មកុមារ ថែមទាំង​ជាការ​លើក​ទឹកចិត្ត​ឲ្យ​មាន​ការ​បំបែក​កុមារ​ចេញ​ពីក្រុមគ្រួសារ​មក​រស់​នៅ​ក្នុង​មណ្ឌល​កុមារ​កំព្រា​កាន់តែ​ច្រើន​ឡើង។