Dr. Clara Tuck Meng Soo គឺជាវេជ្ជបណ្ឌិតពិនិត្យជំងឺទូទៅមួយរូប ដែលមានមូលដ្ឋាននៅទីក្រុងខេនបេរ៉ា បាននិយាយថា មនុស្សកែភេទជាច្រើនមកពីមជ្ឈដ្ឋានអន្តោប្រវេសន៍ប្រឈមមុខនឹងការមិនអត់ឱន ពីសំណាក់ក្រុមគ្រួសាររបស់ពួកគេ ដែលអាចជឿថា អត្តសញ្ញាណជនប្តូរភេទគឺជាការច្នៃប្រឌិតឡើងរបស់លោកខាងលិច។
លោកស្រីបាននិយាយថា "ប្រសិនបើអ្នកនិយាយទៅកាន់មនុស្សកែភេទភាគច្រើនខ្លួនឯង ពួកគេនឹងនិយាយថា ការកែភេទគឺពិតជាផ្នែកមួយនៃអត្តសញ្ញាណពីកំណើតរបស់ពួកគេ"។
"ការធំដឹងក្តីឡើងនៅក្នុងប្រទេសអូស្ត្រាលី ពិតជាផ្តល់ឱកាសឱ្យពួកគេស្វែងរក និងបញ្ជាក់ពីអត្តសញ្ញាណរបស់ពួកគេយ៉ាងពិតប្រាកដ ... វាពិតជាមិនពាក់ព័ន្ធនឹងការក្លាយទៅជាបស្ចិមប្រទេស ឬការបដិសេធវប្បធម៌ដើមរបស់ពួកគេនោះទេ។"
វាគឺជាជំនឿមួយដែល Kim ជាបុរសកែភេទម្នាក់មកពីប្រទេសម៉ាឡេស៊ីដឹងច្បាស់។
លោកបានប្រាប់ SBS Examines ថា "រឿងនិទានជាច្រើនដែលគេបានប្រាប់ខ្ញុំ នៅពេលខ្ញុំចេញមកគឺថា ការកែភេទគឺជារឿងរបស់ពួកលោកខាងលិច"។
"ប៉ុន្តែពេញមួយជីវិតដែលយើងមាន នៅទូទាំងផ្នែកទាំងអស់នៃវប្បធម៌អាស៊ី។ មិនថានៅក្នុងប្រទេសឥណ្ឌា មិនថាយើងមាន Hijra នៅក្នុងប្រទេសឥណ្ឌូនេស៊ី យើងមានបងប្អូនប្រុសស្រីរបស់យើង រហូតដល់ Faʻafāfine របស់យើង ក៏ដូចជានៅក្នុងវប្បធម៌ Māori នៅក្នុងប្រទេសនូវែលសេឡង់ផងដែរ"។
យើងមាននៅគ្រប់ទីកន្លែង។ វាគ្រាន់តែមិនត្រូវបានគេហៅថាជាខ្ទើយប្តូរភេទនោះទេ ប៉ុន្តែយើងនៅទីនេះ។
ការស្វែងយល់ពីភាពស្អប់ខ្ពើម -“Understanding Hate” វគ្គនេះ ក្រលែកមើលលើផលប៉ះពាល់នៃការរើសអើងចំពោះមនុស្សកែភេទ “Transphobia” នៅក្នុងប្រទេសអូស្រ្តាលី។
