រដ្ឋាភិបាលសហព័ន្ធនិយាយថា ភ្នាក់ងារសន្តិសុខត្រូវបានបំពាក់បំប៉នបានយ៉ាងល្អដើម្បីឆ្លើយតបទៅនឹងការវិវឌ្ឍន៍នៃការគម្រាមកំហែងភេរវកម្មនានាបន្ទាប់ពីទស្សនាវដ្តីរបស់ក្រុមIS មួយផ្សាយថាអូស្រ្តាលីគឺជាគោលដៅសម្រាប់ការវាយប្រហារ។
នៅក្នុងទស្សនាវដ្តីអនឡាញជាភាសាអង់គ្លេសរបស់ខ្លួន ក្រុមIS អំពាវនាវឲ្យអ្នកគាំទ្រខ្លួននៅក្នុងប្រទេសអូស្រ្តាលីចាប់ផ្តើមធ្វើការវាយប្រហារនៅតាមតំបន់និងទីកន្លែងនិមិត្តរូបសំខាន់ៗក្នុងក្រុងស៊ីដនីយ៍និងម៉ែលប៊ិន។
ពួកគេបានរួមបញ្ចូលតំបន់មួយចំនួនដូចជា ឆ្នេរសមុទ្រBondi នៅស៊ីដនីយ៍ ដែលល្បីរន្ទឺលើពិភពលោក តំបន់ពហុវប្បធម៌ Bankstown នៅស៊ីដនីយ៍ Brunswick និង Broadmeadowsនៅម៉ែលប៊ិន ទីលានកីឡាគ្រីកឃីតក្នុងក្រុងទាំងពីរព្រមទាំង Sydney Opera House ផងដែរ។
អ្នកជំនាញមួយចំនួននិយាយថា ពលរដ្ឋអូស្រ្តាលីគួរមានការប្រុងប្រយ័ត្នប៉ុន្តែក៏គួរតែយល់ដឹងពីគោលបំណងនៅពីក្រោយអត្ថបទទស្សនាវដ្តីនេះផងដែរ។
ខ្លះទៀតបានផ្តល់ជាយោបល់ថា សាធារណជនទូទៅមិនគួរចំណាយពេលច្រើនពេកមកបារម្ភអំពីរឿងនេះនោះទេ។
សូមចុចសំឡេងដើម្បីស្តាប់របាយការណ៍ទាំងស្រុង៕
