ថ្នាំវ៉ាក់សាំងបង្ការកូវីដ-19
រដ្ឋាភិបាលអូស្រ្តាលីបានប្តេជ្ញាផ្តល់ជូនប្រជាជនអូស្រ្តាលីទាំងអស់នូវថ្នាំវ៉ាក់សាំងបង្ការកូវីដ-១៩ដែលមានសុវត្ថិភាព និងប្រសិទ្ធិភាពឲ្យបានឆាប់បំផុតតាមដែលអាចធ្វើទៅបាន។
ដើម្បីស្វែងយល់ថាតើអ្នកអាចចាក់វ៉ាក់សាំងបង្ការកូវីដ-១៩បានដែរឬទេ និងទីកន្លែងដែលអាចណាត់ជួបសម្រាប់ការចាក់វ៉ាក់សាំងបាន សូមចូលទៅកាន់៖ https://covid-vaccine.healthdirect.gov.au/។
COVID-19 vaccine national roll-out strategy Source: Australian Government - Department of Health
ប្រសិនបើអ្នកអាយុចាប់ពី៤០ឆ្នាំឡើងទៅ អ្នកមានសិទ្ធិអាចចាក់វ៉ាក់សាំងបាន។ ប្រជាជនមួយចំនួនដែលមានអាយុចន្លោះពី១៦ឆ្នាំដល់៣៩ឆ្នាំ ក៏អាចមានសិទ្ធិចាក់វ៉ាក់សាំងបានផងដែរ។ សូមសាកល្បងនៅលើវ៉ិបសាយថ៍នេះ ដើម្បីពិនិត្យមើលថាតើអ្នកសិទ្ធិទៅចាក់វ៉ាក់សាំងឬអត់។
អ្នកក៏អាចធ្វើការណាត់ជួបជាមួយគ្រូពេទ្យរបស់អ្នក និងទទួលបានព័ត៌មានអំពីវ៉ាក់សាំងនេះជាភាសារបស់អ្នកផងដែរ៖ https://www.health.gov.au/initiatives-and-programs/covid-19-vaccines/covid-19-vaccine-information-in-your-language
តើអ្វីជាអនុសាសន៍ណែនាំសម្រាប់ថ្នាំវ៉ាក់សាំង?
ក្រុមប្រឹក្សាបច្ចេកទេសអូស្រ្តាលីស្តីពីការចាក់ថ្នាំបង្ការ (ATAGI) ណែនាំថ្នាំវ៉ាក់សាំង COVID-19 Comirnaty (Pfizer) ជាវ៉ាក់សាំងដែលគួរចាក់សម្រាប់អ្នកដែលមានអាយុចន្លោះពី ១៦ ទៅ ៥៩ ឆ្នាំ។
វ៉ាក់សាំង COVID-19 AstraZeneca ក៏អាចចាក់ជូនដល់មនុស្សដែលមានអាយុពី ១៨ ទៅ ៥៩ ឆ្នាំបានផងដែរ។
ប្រសិនបើអ្នកមិនទាន់មានសិទ្ធិចាក់នៅឡើយទេ ហើយអ្នកមានអាយុលើសពី១៨ឆ្នាំ អ្នកអាចស្នើសុំឲ្យមានការជូនដំណឹងនៅពេលដែលអ្នកមានសិទ្ធិអាចចាក់បាន។
ប្រជាជនដែលមានអាយុក្រោម ១៦ ឆ្នាំ នៅតែមិនមានសិទ្ធិទទួលការចាក់វ៉ាក់សាំងនេះនៅឡើយទេ នៅក្នុងប្រទេសអូស្ត្រាលី។
ជំនួយសុខភាពផ្លូវចិត្តទាក់ទងនឹងកូវីដ-១៩
នៅឆ្នាំ ២០២០ រដ្ឋាភិបាលអូស្រ្តាលីបានបន្ថែមវគ្គព្យាបាលជំងឺផ្លូវចិត្តដែលឧបត្ថម្ភដោយ Medicare ចំនួន ១០ ដងក្នុងមួយឆ្នាំប្រតិទិន ដល់អ្នកជំងឺដែលមានសិទ្ធិទទួលបានទាំងអស់ ក្រោមផែនការថែទាំសុខភាពផ្លូវចិត្តនៃ(mental health care plan) ដើម្បីឲ្យមានការចូលទៅប្រើប្រាស់សេវាកម្មបានល្អប្រសើរជាងមុន ចំពោះ ពេទ្យសតិអារម្មណ៍ ពេទ្យចិត្តសាស្រ្ត និងវេជ្ជបណ្ឌិតពិនិត្យជំងឺទូទៅ តាមរយៈគំនិតផ្តួចផ្តើម MBS (Better Access) ។
រដ្ឋាភិបាលអូស្រ្តាលីបានដាក់ចេញនូវការគាំទ្រសុខភាពផ្លូវចិត្តដែលទាក់ទងនឹង Covid-19 តាមរយៈ "Head to Health" ដើម្បីផ្តល់ព័ត៌មាន និងការណែនាំអំពីវិធីថែរក្សាសុខភាពផ្លូវចិត្តឱ្យបានល្អក្នុងកំឡុងពេលមានការឆ្លងរាលដាលនៃវីរុសកូរ៉ូណា និងការផ្តាច់ខ្លួនឯងចេញឆ្ងាយពីគេ។
ប្រសិនបើអ្នកត្រូវការជំនួយផ្នែកសុខភាពផ្លូវចិត្តជាភាសារបស់អ្នក សូមទូរស័ព្ទទៅសេវាកម្មបកប្រែភាសាថ្នាក់ជាតិ TIS តាមលេខ ១៣១ ៤៥០ ឬចូលទៅកាន់៖ tisnational.gov.au ដើម្បីទទួលបានសេវាកម្មបកប្រែភាសា។ TIS មានបម្រើសេវាកម្មជាង ១០០ ភាសា ហើយអាចប្រើប្រាស់បាន ២៤ ម៉ោងក្នុងមួយថ្ងៃ ៧ ថ្ងៃក្នុងមួយសប្តាហ៍ ជាមួយនឹងថ្លៃទូរសព្ទហៅចេញក្នុងតំបន់។
Embrace Mental Health គឺជាគម្រោងមួយដែលគ្រប់គ្រងដោយ អង្គការសុខភាពផ្លូវចិត្តអូស្រ្តាលី ដែលផ្តោតសំខាន់លើសុខភាពផ្លូវចិត្តសម្រាប់ប្រជាជនមកពីសាវតាវប្បធម៌និងភាសាចម្រុះ (CALD) ដោយផ្តល់នូវលទ្ធភាពទទួលបាននូវធនធាន សេវាកម្ម និងព័ត៌មាន តាមទំរង់វប្បធម៌។
សូមចូលទៅកាន់៖ Mental health services in Australia in your language សម្រាប់ព័ត៌មានបន្ថែមស្តីអំពីសេវាកម្មសុខភាពផ្លូវចិត្តជាភាសារបស់លោកអ្នក។
ការលំបាកផ្នែកហិរញ្ញវត្ថុ(ប្រាក់ជំនួយគ្រោះមហន្តរាយឈប់សម្រាករោគរាតត្បាត)
ប្រសិនបើអ្នកកំពុងប្រឈមមុខនឹងការលំបាកផ្នែកហិរញ្ញវត្ថុ សូមចូលទៅកាន់ Covid19 Money Smart ឬទូរស័ព្ទមក ខ្សែជំនួយបំណុលជាតិដែលមានលេខ ១៨០០ ០០៧ ០០៧ ។
រដ្ឋាភិបាលសហព័ន្ធបានដាក់ចេញនូវប្រាក់ជំនួយគ្រោះមហន្តរាយ "Disaster Payment" សម្រាប់ការឈប់សម្រាកគ្រោះមហន្តរាយ។
ប្រាក់ជំនួយនេះមានសម្រាប់បុគ្គលិកកម្មករដែលមិនអាចរកប្រាក់ចំណូលបានដោយសារតែពួកគេត្រូវផ្តាច់ខ្លួនឯងចេញឆ្ងាយពីគេ ឬធ្វើចត្តាឡីស័ក ឬមើលថែទាំនរណាម្នាក់ដែលមានកូវីដ-១៩។
សូមចុចតំណភ្ជាប់ខាងក្រោមដើម្បីស្វែងរកព័ត៌មានស្តីពីប្រាក់ជំនួយគ្រោះមហន្តរាយឈប់សម្រាករោគរាតត្បាតនៅក្នុងរដ្ឋនិងដែនដីនីមួយៗ៖
តើ កូវីដ-១៩ ឆ្លងតាមរបៀបណា ហើយតើអ្នកអាចការពារខ្លួនបានតាមរបៀបណា?
កូវីដ-១៩ ឆ្លងពីមនុស្សម្នាក់ទៅមនុស្សម្នាក់ទៀតតាមរយៈ៖
- ទំនាក់ទំនងជិតស្និទ្ធជាមួយមនុស្សម្នាក់ នៅពេលពួកគេឆ្លង ឬសូម្បីតែមុនពេលគេចេញរោគសញ្ញា។
- ទំនាក់ទំនងជិតស្និទ្ធជាមួយមនុស្សម្នាក់ដែលបញ្ជាក់ថាឆ្លងមេរោគនេះ ហើយពួកគេក្អក ឬកណ្តាស់។
- ការប៉ះវត្ថុ ឬផ្ទៃផ្សេងៗ (ដូចជាបង្កាន់ដៃទ្វារ ឬតុ) ដែលមានមេរោគនេះចេញពីការក្អក ឬកណ្តាស់ ពីអ្នកដែលមានមេរោគនេះ ហើយបន្ទាប់មកប៉ះមាត់ឬមុខរបស់អ្នក។
លោកអ្នកអាចបង្ការការឆ្លងមេរោគនេះបានតាមរយៈការអនុវត្តអនាម័យដៃ និងអនាម័យនៅពេលក្អក/កណ្តាស់ និងរក្សាចម្ងាយពីអ្នកដទៃនៅពេលដែលអ្នកឈឺ គឺជាការការពារដ៏ល្អបំផុតប្រឆាំងនឹងវីរុសភាគច្រើន។ អ្នកគួរតែ
- រក្សាគម្លាតឲ្យបានយ៉ាងហោចណាស់១,៥ម៉ែត្រ និងអនុវត្តតាមច្បាប់ មនុស្សម្នាក់ក្នុង៤ម៉ែត្រការ៉េ។
- លាងសម្អាតដៃឲ្យបានញឹកញាប់ជាមួយនឹងសាប៊ូនិងទឹក នៅមុនពេលនិងក្រោយពេលទទួលទានអាហារ និងក្រោយពីទៅបង្គន់រួច។
- ខ្ទប់មាត់នៅពេលអ្នកក្អកនិងកណ្តាស់ រួចបោះក្រដាសអនាម័យចោល ហើយប្រើប្រាស់ទឹកអាល់កុលលាងសម្អាតដៃ។
- ប្រសិនបើអ្នកមិនស្រួលខ្លួន ចៀសវាងការជួបទាក់ទងជាមួយអ្នកដទៃ (នៅឲ្យឆ្ងាយពីគេឲ្យបានយ៉ាងហោចណាស់១,៥ម៉ែត្រ)
ប្រសិនបើអ្នកមានចេញរោគសញ្ញាណាមួយ សូមទៅធ្វើតេស្ត។
រោគសញ្ញារបស់វីរុសកូរ៉ូណា អាចមានរាប់ចាប់ពី អាការជំងឺស្រាល រហូតដល់ជំងឺរលាកសួត ហើយវាស្រដៀងទៅនឹងករណីផ្តាសាយ និងគ្រុនផ្តាសាយធំ ដទៃទៀតដែរ ដូចជា៖
- គ្រុន
- រោគសញ្ញាផ្លូវដង្ហើម
- ក្អក
- ឈឺក
- ដកដង្ហើមខ្លីៗ
- រោគសញ្ញាដទៃទៀតដែលអាចរួមទាំង ហៀរសំបោរ ឈឺក្បាល ឈឺសាច់ដុំឬឈឺសន្លាក់ ចង់ចង្អោរ រាករូស ក្អួត មិនធុំក្លិន មិនដឹងរសជាតិ មិនចង់ទទួលទានអាហារ និងហេវហត់។
អាជ្ញាធរបានបង្កើតកម្មវិធីត្រួតពិនិត្យរោគសញ្ញាកូវីដ-១៩ COVID19 Symptom Checkerដែលលោកអ្នកអាចចូលប្រើពីផ្ទះបាន។
មិនមានការព្យាបាលជាក់លាក់សម្រាប់ជំងឺកូវីដ-១៩នេះទេ ប៉ុន្តែរោគសញ្ញាភាគច្រើនអាចត្រូវបានព្យាបាលដោយជំនួយថែទាំតាមបែបវេជ្ជសាស្ត្រ។ ថ្នាំផ្សះមិនមានប្រសិទ្ធភាពប្រឆាំងនឹងវីរុសនេះទេ។
ប្រសិនបើអ្នកវិវត្តន៍រោគសញ្ញា សូមទៅធ្វើតេស្ត។
ប្រសិនបើអ្នកចង់និយាយទៅកាន់នរណាម្នាក់ពីអាការរបស់អ្នក សូមទូរសព្ទទៅកាន់ខ្សែទូរសព្ទជំនួយវីរុសកូរ៉ូណាជាតិតាមរយៈលេខ៖ ១៨០០ ០២០ ០៨០ ដើម្បីសុំដំបូន្មាន។ ខ្សែទូរស័ព្ទនេះដំណើរការ២៤ម៉ោងក្នុងមួយថ្ងៃ ៧ថ្ងៃក្នុងមួយសប្តាហ៍។
តើអ្នកអាចទៅធ្វើតេស្តនៅកន្លែងណាបាន?
សូមចុចតំណភ្ជាប់ខាងក្រោមដើម្បីស្វែងរកគ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖
ប្រសិនបើអ្នកត្រូវបានគេធ្វើរោគវិនិច្ឆ័យឃើញថាមានកូវីដ-១៩ អ្នកត្រូវតែផ្តាច់ខ្លួនឯងចេញឆ្ងាយពីគេ៖
- កុំទៅកន្លែងសាធារណៈដូចជា កន្លែងធ្វើការ សាលារៀន មជ្ឈមណ្ឌលផ្សារទំនើប កន្លែងមើលថែកុមារ ឬសាកលវិទ្យាល័យ
- សុំឲ្យនរណាម្នាក់ទៅទិញអាហារ និងរបស់របរចាំបាច់ផ្សេងៗសម្រាប់អ្នក ហើយទុកនៅមាត់ទ្វារផ្ទះរបស់អ្នក
- កុំអោយភ្ញៀវចូលមកលេងក្នុងផ្ទះ - មានតែអ្នកដែលរស់នៅជាមួយអ្នកប៉ុណ្ណោះ ដែលគួរតែនៅក្នុងផ្ទះរបស់អ្នក
តើនរណាជាអ្នកប្រឈមនឹងគ្រោះថ្នាក់នៃការឈឺធ្ងន់?
អ្នកខ្លះដែលឆ្លងវីរុសនេះអាចនឹងមិនឈឺទាល់តែសោះ អ្នកខ្លះទៀតមានអាការស្រាល ដែលនឹងជាទៅវិញយ៉ាងស្រួល ប៉ុន្តែអ្នកខ្លះទៀតអាចនឹងឈឺធ្ងន់ ហើយឆាប់ទៀតផង។ តាមបទពិសោធន៍មុនៗជាមួយនឹងអ្នកឆ្លងវីរុសកូរ៉ូណាដតៃទៀត អ្នកដែលប្រឈមនឹងគ្រោះថ្នាក់ធ្ងន់ជាងគេនោះគឺ
- ជនជាតិដើមភាគតិចAboriginal និង Torres Strait Islander ដែលមានអាយុ៥០ឆ្នាំឡើងទៅ និងមានជំងឺរ៉ាំរ៉ៃមួយឬច្រើន
- អ្នកដែលមានអាយុ៦៥ឆ្នាំឡើងទៅដែលមានលក្ខខណ្ឌជំងឺរ៉ារៃ។ លក្ខខណ្ឌនេះ រួមបញ្ចូលទាំងនិយមន័យនៃជំងឺរ៉ាំរ៉ៃ ដែលនឹងត្រូវកំណត់ឡើងវិញនៅពេលដែលមានភស្តុតាងកាន់តែច្រើន។
- មនុស្សចាស់ដែលមានអាយុ៧០ឆ្នាំឡើងទៅ
- អ្នកដែលមានប្រព័ន្ធភាពស៊ាំចុះខ្សោយ
តើខ្ញុំគួរពាក់ម៉ាសដែរឬទេ?
រដ្ឋនិងដែនដីមួយចំនួននៅក្នុងប្រទេសអូស្ត្រាលី ណែនាំ ឬតម្រូវឱ្យពាក់ម៉ាស។
ប្រសិនបើកាលៈទេសៈផ្លាស់ប្តូរនៅក្នុងរដ្ឋឬដែនដីដែលលោកអ្នករស់នៅ នោះដំបូន្មានស្តីពីការពាក់ម៉ាសមុខអាចនឹងត្រូវផ្លាស់ប្តូរ។ វាមានសារៈសំខាន់ណាស់ក្នុងការរក្សាបច្ចុប្បន្នភាពដំបូន្មាននៅក្នុងតំបន់របស់អ្នក។
ដើម្បីតាមដានស្តាប់ដំបូន្មានស្តីបីការពាក់ម៉ាសចុងក្រោយគេបំផុត សូមចូលទៅកាន់គេហទំព័រតាមរដ្ឋនិងដែនដីរបស់លោកអ្នកដូចខាងក្រោមនេះ៖
- Australian Capital Territory
- New South Wales
- Northern Territory
- Queensland
- South Australia
- Tasmania
- Victoria
- Western Australia
នៅពេលដែលអ្នកពាក់ម៉ាស វាជាការចាំបាច់ដែលអ្នកត្រូវតែពាក់ឲ្យបានត្រឹមត្រូវ៖
- លាង ឬប្រើទឹកអាល់កុលសម្អាតដៃអ្នកមុនពេលពាក់ ឬដោះវាចេញ
- ត្រូវប្រាកដថាម៉ាសគ្របលើច្រមុះនិងមាត់របស់អ្នក ហើយវាបិទក្រោមចង្ការរបស់អ្នក គ្របលើខ្ទង់ច្រមុះ និងផ្ទៃមុខសងខាងរបស់អ្នក។
- កុំប៉ះផ្ទៃខាងមុខម៉ាសរបស់អ្នកនៅពេលពាក់ និងពេលដោះវាចេញ
- កុំឲ្យម៉ាសពាក់ព្យួរនៅជុំវិញក ឬនៅខាងក្រោមច្រមុះរបស់អ្នក
- កុំប្រើម៉ាសដែលពាក់បានតែម្តងដដែលៗឡើងវិញ ត្រូវបោកនិងសម្ងួតម៉ាសដែលអាចប្រើប្រាស់បានច្រើនដងបន្ទាប់ពីប្រើរួច និងទុកនៅក្នុងកន្លែងដែលស្អាតហើយស្ងួត។
ធ្វើដំណើរចេញ ចូល ឬនៅក្នុងប្រទេសអូស្ត្រាលី
បណ្តារដ្ឋនិងដែនដីនិមួយៗអាចអនុវត្តការរឹតបន្តឹងរៀងៗខ្លួន រួមទាំងការបិទព្រំដែនរដ្ឋរបស់ពួកគេផងដែរ។
ការប្រមូលទិន្នន័យចាំបាច់
ចាប់ពីថ្ងៃទី ១ ខែតុលាឆ្នាំ ២០២០ មានការប្រមូលទិន្នន័យចាំបាច់ ពីជើងហោះហើរក្នុងស្រុក ដើម្បីជួយដល់រដ្ឋនិងដែនដីនានា នៅពេលតាមរកដានទំនាក់ទំនងដូចជា៖ ឈ្មោះ អាស័យដ្ឋាន អ៊ីម៉ែល លេខទូរស័ព្ទទំនាក់ទំនង និង រដ្ឋដែលរស់នៅ។
គោលការណ៍ជាតិសម្រាប់ការដឹកជញ្ជូនសាធារណៈ
សេវាកម្មដឹកជញ្ជូនសាធារណៈគឺជាទំនួលខុសត្រូវរបស់រដ្ឋនិងដែនដីនិមួយៗ ហើយគណៈរដ្ឋមន្រ្តីជាតិគាំទ្រគោលការណ៍ជាបន្តបន្ទាប់ដើម្បីជួយគ្រប់គ្រងសុខភាពនិងសុវត្ថិភាពរបស់បុគ្គលិកកម្មករ និងអ្នកដំណើរតាមបណ្តាញដឹកជញ្ជូនសាធារណៈ រួមមាន៖ កុំធ្វើដំណើរនៅពេលមានអារម្មណ៍មិនស្រួលខ្លួន រក្សាគម្លាតពីអ្នកបើកបរនិងអ្នកដំណើរផ្សេងទៀត និងជៀសវាងការការបង់ជាសាច់ប្រាក់។
ការធ្វើដំណើរក្រៅប្រទេស
មានវិធានការបណ្តោះអាសន្នសម្រាប់ជើងហោះហើរអន្តរជាតិ ដែលរដ្ឋាភិបាលបានធ្វើការពិនិត្យសើរើឡើងជាទៀតទាត់។
វាអាចប៉ះពាល់ដល់ការហោះហើរចូលមកក្នុងប្រទេសអូស្រ្តាលីរបស់អ្នក។ ព័ត៌មាននេះមានការផ្លាស់ប្តូរជាញឹកញាប់។
សម្រាប់ព័ត៌មានបន្ថែមសូមពិនិត្យមើលការធ្វើបច្ចុប្បន្នភាពចុងក្រោយនៃគេហទំព័រ Smart Traveller ។
ការធ្វើចត្តាឡីស័ក និងតម្រូវការធ្វើតេស្តត្រូវបានគ្រប់គ្រងនិងអនុវត្តដោយរដ្ឋាភិបាលរដ្ឋនិងដែនដី៖
- រដ្ឋញូសៅវែល៖ Travel & transport and Quarantine
- រដ្ឋវិចថូរៀ៖ Travel permit, Overseas travellers and Quarantine
- ដែនដីរដ្ឋធានីអូស្រ្តាលី៖ Transport and Quarantine
- ដែនដីភាគខាងជើង៖ Travel and Quarantine
- រដ្ឋគ្វីនស្លេន៖ Travel and Quarantine
- រដ្ឋអូស្រ្តាលីខាងត្បូង៖ Travel and Quarantine
- រដ្ឋតាសម៉ាញៀ៖ Travel and Quarantine
- រដ្ឋអូស្រ្តាលីខាងលិច៖ Travel and Quarantine
ប្រសិនបើអ្នកចង់ធ្វើដំណើរទៅក្រៅប្រទេស អ្នកប្រហែលជាអាចដាក់ពាក្យសុំតាមអនឡាញសម្រាប់ការលើកលែងក្នុងការធ្វើដំណើរ ប្រសិនបើអ្នកស្ថិតនៅក្នុងលក្ខខណ្ឌដូចខាងក្រោមនេះ៖
- ការធ្វើដំណើររបស់អ្នកគឺជាផ្នែកមួយនៃការឆ្លើយតបទៅនឹងការផ្ទុះឡើងនៃកូវីដ១៩ រួមទាំងការផ្តល់ជំនួយ
- ការធ្វើដំណើររបស់អ្នកគឺចាំបាច់សម្រាប់ការធ្វើឧស្សាហកម្ មនិងអាជីវកម្មសំខាន់ៗ (រួមទាំងឧស្សាហកម្មនាំចេញ និងនាំចូល)
- អ្នកកំពុងធ្វើដំណើរដើម្បីទៅទទួលការព្យាបាលបន្ទាន់ដែលមិនមាននៅក្នុងប្រទេសអូស្ត្រាលី
- អ្នកកំពុងធ្វើដំណើរដោយសារអាជីវកម្មផ្ទាល់ខ្លួនដែលបន្ទាន់និងមិនអាចចៀសវាងបាន
- ផ្អែកលើមូលដ្ឋានមនុស្សធម៌
- ការធ្វើដំណើររបស់អ្នកគឺដើម្បីផលប្រយោជន៍ជាតិ។
ព័ត៌មានរដ្ឋាភិបាល
- ដើម្បីស្វែងយល់ពីរបៀបដែលរដ្ឋាភិបាលអូស្ត្រាលីកំពុងគ្រប់គ្រងខូវីដ-១៩ សូមចូលទៅកាន់ការឆ្លើយតបរបស់រដ្ឋាភិបាល( Government response)ចំពោះការផ្ទុះឡើងនេះ។
- សម្រាប់ព័ត៌មានបន្ថែមជាភាសាអង់គ្លេសសូមចូលទៅកាន់៖ health.gov.au/news/health-alerts/novel-coronavirus-2019-ncov-health-alert ៕
- ព័ត៌មានបន្ថែមជាភាសាខ្មែរផ្តល់ជូនដោយក្រសួងមហាផ្ទៃ - information for the Australian community in Khmer ។
- ប្រជាជននៅក្នុងប្រទេសអូស្រ្តាលីត្រូវតែស្ថិតនៅឆ្ងាយពីគ្នាយ៉ាងហោចណាស់១,៥ម៉ែត្រ។ សូមពិនិត្យមើលបទបញ្ញត្តិរឹតបន្តឹងស្តីពីចំនួនកំណត់នៃការជួបជុំគ្នានៅក្នុងរដ្ឋរបស់លោកអ្នក។
- ប្រសិនបើអ្នកមានអាការគ្រុនផ្តាសាយ ឬផ្តាសាយធំ សូមចាត់ចែងការធ្វើតេស្ត ដោយទូរស័ព្ទទៅវេជ្ជបណ្ឌិតរបស់អ្នក ឬទាក់ទងទៅខ្សែទូរស័ព្ទព័ត៌មានសុខភាពវីរុសកូរ៉ូណាតាមរយៈលេខ៖ ១៨០០ ០២០ ០៨០។
- ដំណឹងនិងព័ត៌មានមាន៦៣ភាសានៅលើគេហទំព័រ៖ sbs.com.au/coronavirus។
- សូមពិនិត្យមើលគោលការណ៍ណែនាំពាក់ព័ន្ធនានាសម្រាប់រដ្ឋ ឬដែនដីរបស់លោកអ្នក៖ NSW, Victoria, Queensland, Western Australia, South Australia, Northern Territory, ACT, Tasmania ៕
