Coming Up Wed 3:00 PM  AEST
Coming Up Live in 
Live
Khmer radio

អ្វី​ដែល​អ្នក​ត្រូវ​ដឹង​អំពី​ "កូវីដ​-១៩" ជា​ភាសារបស់​អ្នក

Factsheet 2 photo Source: courtesy of Getty Images/ztockphotos

SBS ប្តេជ្ញាផ្តល់ជូននូវរបាយការណ៍ដែលទុកចិត្តបាន ដែលជូននូវ​ដំណឹង​អំពីការផ្ទុះឡើងនៃជំងឺ​កូវីដ-១៩ ជាភាសារបស់អ្នក។ សលាកប័ត្រនេះ​ចងក្រងនូវព័ត៌មាន​ដែលអ្នកគ្រប់គ្នានៅ​ក្នុង​សហគមន៍​​នេះ​ត្រូវ​យល់​ដឹង។

នៅផ្ទះ មានសុវត្ថិភាព រក្សា​ទំនាក់ទំនង ជួយ​សង្រ្គោះជីវិត  

វិធីសាស្រ្តដែលបណ្តារដ្ឋនិងដែនដីក្នុងប្រទេសអូស្រ្តាលីបន្ធូរបន្ថយការរឹតបន្តឹង​ដោយសារ​វីរុសកូរ៉ូណា សូមចុចនៅទីនេះ

ការលំបាក​ផ្នែក​ហិរញ្ញវត្ថុ

“ ប្រសិនបើអ្នកកំពុងប្រឈមមុខនឹងការលំបាកផ្នែកហិរញ្ញវត្ថុ សូមចូលទៅកាន់គេហទំព័រ៖ www.moneysmart.gov.au ឬទូរស័ព្ទមក ខ្សែរជំនួយបំណុលជាតិ​ដែល​មាន​លេខ ១៨០០ ០០៧ ០០៧ ។

ប្រាក់ជំនួយ Jobseeker និង Jobkeeper

ប្រាក់​ជំនួយ ​Jobkeeper នឹង​​បន្តផ្តល់​ជូន​រហូត​ដល់​ខែមីនា​ ឆ្នាំ២០២១ ហើយ Jobseeker បន្ត​រហូត​ដល់​ខែ​ធ្នូ​ ឆ្នាំ​២០២០។ នៅ​ក្នុង​ពេល​ប៉ុន្មាន​ខែ​ទៀតនេះ រដ្ឋាភិបាល​នឹង​ប្រកាស​ផែនការ​ឆ្នាំ​២០២១ សម្រាប់​ប្រាក់​ជំនួយ Jobseeker។

​ចំនួន​ប្រាក់​ជំនួយ​នឹង​ត្រូវ​កាត់បន្ថយ​ពី​ចុង​ខែ​កញ្ញា ឆ្នាំ​២០២០​ទៅ។

ប្រាក់​ជំនួយ Jobseeker

- បច្ចុប្បន្ន៖ $1,115

- ចាប់​ពី​ខែ​កញ្ញា ឆ្នាំ​២០២០៖ $815

ដូចគ្នានេះដែរ ចាប់ពីចុងខែកញ្ញា៖ ឥឡូវនេះអ្នកអាចរកចំណូល ៣០០ ដុល្លារក្នុងពីរសប្តាហ៍ ជំនួសឱ្យកាល​ពីមុន ១០៦ ដុល្លារមុនពេលប៉ះពាល់​ដល់​ប្រាក់​ជំនួយ Jobseeker របស់​អ្នក។ 

ចាប់ពីថ្ងៃទី ៤ សីហា អ្នកដែលទទួលបានអត្ថប្រយោជន៍ពីភាពអត់ការងារធ្វើ ត្រូវតែទាក់ទងជាមួយសេវាកម្មការងារ និងធ្វើការស្វែងរកការងារធ្វើ​ឲ្យ​បាន ៤ កន្លែងក្នុងមួយខែ ដើម្បីបន្តទទួលបានប្រាក់ជំនួយនេះ។

ប្រាក់​ជំនួយ Jobkeeper

បែងចែកចេញ​ជា​ពីរ​ថ្នាក់។ ទីមួយ​គឺសម្រាប់​អ្នក​ដែល​ធ្វើការ​ពេញ​ម៉ោង និង​មួយទៀត​សម្រាប់​អ្នក​ធ្វើការ​ក្រៅម៉ោង។

ប្រាក់​ជំនួយ​២សប្តាហ៍ម្តង​សម្រាប់​អ្នក​ធ្វើការ​ពេញម៉ោង៖

- បច្ចុប្បន្ន៖ $1,500

- ចាប់​ពី​ខែ​កញ្ញា ឆ្នាំ​២០២០៖ $1,200

- ចាប់​ពី​ខែ​មករា ឆ្នាំ​២០២១៖ $1,000

ប្រាក់​ជំនួយ​២សប្តាហ៍ម្តង​សម្រាប់​អ្នក​ធ្វើការ​ក្រៅម៉ោង៖

- បច្ចុប្បន្ន៖ $1,500

- ចាប់​ពី​ខែ​កញ្ញា ឆ្នាំ​២០២០៖ $750

- ចាប់​ពី​ខែ​មករា ឆ្នាំ​២០២១៖ $650

តើ​ កូវីដ-១៩ ​ឆ្លង​តាម​របៀបណា?

កូវីដ-​១៩ ​ឆ្លង​​ពី​មនុស្ស​ម្នាក់​ទៅ​មនុស្ស​ម្នាក់​ទៀត​តាម​រយៈ៖

  • ទំនាក់ទំនងជិតស្និទ្ធជាមួយមនុស្សម្នាក់ នៅពេលពួកគេ​ឆ្លង ឬក្នុងរយៈពេល២៤ម៉ោង មុនពេលគេ​ចេញរោគសញ្ញា។

  • ទំនាក់ទំនងជិតស្និទ្ធជាមួយមនុស្សម្នាក់ដែលបញ្ជាក់ថា​ឆ្លង​មេរោគនេះ ហើយ​ពួកគេក្អក ឬកណ្តាស់។

  • ការប៉ះវត្ថុ ឬផ្ទៃផ្សេងៗ (ដូចជាបង្កាន់​ដៃ​ទ្វារ ឬ​តុ) ដែលមានមេរោគនេះចេញពីការក្អក ឬកណ្តាស់ ពីអ្នកដែលមានមេរោគនេះ ហើយបន្ទាប់មកប៉ះមាត់ឬមុខរបស់អ្នក។

រដ្ឋាភិបាល​អូស្រ្តាលីស្នើឲ្យ​ប្រជាជន​ទាំង​អស់​ដោនឡូត​កម្មវិធី CovidSafe app។ ស្វែងយល់បន្ថែម

តើរោគសញ្ញារបស់ កូវីដ-១៩ មានអ្វីខ្លះ?

រោគសញ្ញារបស់វីរុសកូរ៉ូណា អាចមានរាប់ចាប់ពី អាការជំងឺស្រាល រហូតដល់ជំងឺរលាកសួត នេះបើយោងតាមគេហទំព័ររបស់រដ្ឋាភិបាលសហព័ន្ធ។

រោគសញ្ញានៃជំងឺ កូវីដ-១៩ ស្រដៀងនឹងករណីផ្តាសាយ និងគ្រុនផ្តាសាយធំ ដទៃទៀតដែរ ដូចជា៖

  • គ្រុន
  • រោគសញ្ញា​ផ្លូវ​ដង្ហើម
  • ក្អក
  • ឈឺក
  • ដកដង្ហើមខ្លីៗ
  • រោគសញ្ញា​ដទៃ​ទៀត​ដែល​អាច​រួម​ទាំង ហៀរសំបោរ ឈឺក្បាល ឈឺសាច់ដុំឬឈឺ​សន្លាក់ ចង់ចង្អោរ រាករូស ក្អួត​ មិនធុំ​ក្លិន មិនដឹង​រសជាតិ មិន​ចង់​ទទួលទាន​អាហារ និង​ហេវហត់។

អាជ្ញាធរបានបង្កើតកម្មវិធីត្រួតពិនិត្យរោគសញ្ញាកូវីដ-១៩ ដែលលោកអ្នកអាចចូលប្រើពីផ្ទះបាន៖  https://www.healthdirect.gov.au/symptom-checker/tool/basic-details ។

 តើខ្ញុំត្រូវធ្វើដូចម្តេច ប្រសិនបើខ្ញុំមានរោគសញ្ញានេះ?

ប្រសិនបើអ្នកវិវត្តន៍រោគសញ្ញាក្នុងរយៈពេល ១៤ ថ្ងៃនៃការមកដល់អូស្ត្រាលី ឬក្នុងរយៈពេល ១៤ ថ្ងៃនៃការទាក់ទងជាមួយអ្នកណាម្នាក់ដែលត្រូវបានបញ្ជាក់ថាមានជំងឺកូវីដ-១៩ អ្នកគួរតែទូរស័ព្ទ​ទៅវេជ្ជបណ្ឌិត​របស់​លោក​អ្នកដើម្បីរៀបចំពេលវេលា ឬទាក់ទងមកខ្សែទូរស័ព្ទព័ត៌មានសុខភាពជាតិស្តីពី​វីរុសកូរ៉ូណា តាមទូរស័ព្ទលេខ ១៨០០ ០២០ ០៨០ ។ សូមកុំទៅគ្លីនិកសុខភាព ឬមន្ទីរពេទ្យ​ដោយមិនបានជូនដំណឹងជាមុនថាអ្នកមានរោគសញ្ញាទាំងនេះ។

មុនពេលអ្នកមកដល់ សូមទូរស័ព្ទទៅគ្លីនិកសុខភាពឬមន្ទីរពេទ្យ ហើយប្រាប់ពួកគេពីប្រវត្តិធ្វើដំណើររបស់អ្នក ឬប្រាប់ថាអ្នកបានទាក់ទងនឹងករណីដែលបានបញ្ជាក់អំពីជំងឺ កូវីដ-១៩ ។ អ្នកត្រូវតែផ្តាច់ខ្លួន​ដាច់ឆ្ងាយពីគេ អាចថា​នៅ​ក្នុង​ផ្ទះ​ខ្លួនឯង នៅសណ្ឋាគារ ឬនៅ​ក្នុង​មណ្ឌល​មើល​ថែទាំ​សុខភាព រហូតដល់អាជ្ញាធរសុខភាពសាធារណៈបញ្ជាក់ថា អ្នកមានសុវត្ថិភាពក្នុងការត្រលប់ទៅធ្វើ​សកម្មភាពប្រចាំថ្ងៃ​តាម​ធម្មតារបស់អ្នកវិញបាន។

ប្រសិនបើអ្នក​ចង់​និយាយ​ទៅកាន់នរណាម្នាក់​ពី​អាការរបស់​អ្នក សូមទូរសព្ទ​ទៅ​កាន់​ខ្សែទូរសព្ទ​ជំនួយ​វីរុសកូរ៉ូណាជាតិតាមរយៈលេខ៖ ១៨០០ ០២០ ០៨០ ដើម្បី​សុំ​ដំបូន្មាន។ ខ្សែទូរស័ព្ទនេះ​ដំណើរ​ការ​២៤ម៉ោង​ក្នុង​មួយ​ថ្ងៃ ៧ថ្ងៃ​ក្នុង​មួយ​សប្តាហ៍។

រដ្ឋាភិបាល​អូស្រ្តាលី​កំពុងបង្កើត​គ្លីនីក​ផ្លូវដង្ហើមនៅ​ទូទាំង​ប្រទេស ដើម្បី​ពិនិត្យ​អ្នក​ដែល​មាន​អាការស្រាល​ទៅ​មធ្យម​នៃ​ជំងីកូវីដ​១៩ (គ្រុនក្តៅ ក្អក ដកដង្ហើមខ្លី ឈឺបំពង់ក និង/ឬ អស់កម្លាំង)។

ស្វែងរក​នៅ​ទីនេះ ប្រសិនបើ​មាន​គ្លីនីក​ផ្លូវដង្ហើម​នៅ​ក្នុង​រដ្ឋ​ ឬដែនដី ហើយ​នៅ​ជិត​តំបន់​របស់​អ្នក និង​របៀបនៃការ​ចុះ​ឈ្មោះ​ណាត់ជួប។ 

ប្រសិនបើ​មិន​ទាន់គ្លីនីកនេះ​មាននៅ​ក្នុង​តំបន់​របស់​អ្នកទេ សូមចូល​ទៅ​កាន់​គេហទំព័រ health direct ឬ គេហទំព័រ​នាយកដ្ឋានសុខាភិបាល​នៅ​ក្នុង​រដ្ឋ​ឬដែនដីលោកអ្នក។

ប្រសិនបើអ្នកពិបាកដកដង្ហើម ឬត្រូវ​ការ​ជំនួយ​វេជ្ជសាស្រ្តសង្គ្រោះបន្ទាន់ សូមទូរស័ព្ទទៅលេខ ០០០ ។

0:00

តើខ្ញុំគួរត្រូវធ្វើតេស្តរកមើល កូវីដ -១៩ ដែរឬទេ?

ខុទ្ទកាល័យ​ជាតិ​អូស្រ្តាលី​បាន​យល់​ព្រម​ឲ្យ​ពង្រីក​លក្ខខណ្ឌ​នៃការ​ធ្វើតេស្ត​នៅ​ទូទាំង​ប្រទេស​អូស្រ្តាលី​ ចំពោះ​ប្រជាជន​ទាំង​អស់​ដែល​មាន​អាការស្រាល​នៃ​កូវីដ១៩ ដើម្បី​កំណត់​ករណី​វិជ្ចមាន​ឲ្យ​បាន​ឆាប់​រហ័ស។ 

តើវីរុសត្រូវព្យាបាលយ៉ាងដូចម្តេច?

មិនមានការព្យាបាលជាក់លាក់សម្រាប់ជំងឺកូវីដ-១៩នេះទេ ប៉ុន្តែរោគសញ្ញាភាគច្រើនអាចត្រូវបានព្យាបាលដោយជំនួយថែទាំតាម​បែបវេជ្ជសាស្ត្រ។ ថ្នាំផ្សះមិនមានប្រសិទ្ធភាពប្រឆាំងនឹងវីរុសនេះ​ទេ។


តើអ្នកណាប្រឈមនឹងគ្រោះថ្នាក់​ធ្ងន់ធ្ងរនៃ​ជំងឺនេះ?

មនុស្សខ្លះដែលឆ្លងមេរោគនេះ អាចនឹងមិនឈឺទាល់តែសោះ។ អ្នកខ្លះនឹងមានរោគសញ្ញាស្រាល ដែល​អាច​នឹងជាសះស្បើយបានយ៉ាងងាយ ហើយអ្នកខ្លះទៀតអាចធ្លាក់ខ្លួនឈឺយ៉ាង​ខ្លាំង និងយ៉ាងឆាប់រហ័ស។ តាមបទពិសោធន៍ពីមុនៗជាមួយអ្នក​ឆ្លង​មេរោគកូរ៉ូណានេះ អ្នកដែលប្រឈមនឹងការឆ្លងមេរោគធ្ងន់ធ្ងរនោះគឺ៖

  • ជនជាតិ​ដើម​ភាគតិចAboriginal និង Torres Strait Islander ដែល​មាន​អាយុ​៥០​ឆ្នាំ​ឡើង​ទៅ និង​មាន​ជំងឺ​រ៉ាំរ៉ៃ​មួយ​ឬច្រើន
  • អ្នក​ដែល​មាន​អាយុ​៦៥​ឆ្នាំ​ឡើង​ទៅ​ដែល​មានលក្ខខណ្ឌ​ជំងឺ​រ៉ារៃ។ លក្ខខណ្ឌ​នេះ រួមបញ្ចូល​ទាំង​និយម​ន័យ​នៃ​ជំងឺ​រ៉ាំរ៉ៃ ដែល​នឹង​ត្រូវ​កំណត់​ឡើង​វិញ​នៅ​ពេល​ដែល​មាន​ភស្តុតាង​កាន់តែ​ច្រើន។
  • មនុស្ស​ចាស់​ដែល​មាន​អាយុ​៧០ឆ្នាំ​ឡើង​ទៅ
  • អ្នកដែលមានប្រព័ន្ធភាព​ស៊ាំ​ចុះខ្សោយ

តើអ្នកអាចជួយការពារការរីករាលដាលនៃ កូវីដ-១៩ យ៉ាងដូចម្តេច?

ការអនុវត្តអនាម័យដៃឲ្យបានស្អាត និងអនាម័យនៅ​ពេល​ក្អក / កណ្តាស់ និងរក្សាចម្ងាយរបស់អ្នកពីអ្នកដទៃនៅពេលអ្នកឈឺ គឺជាការការពារដ៏ល្អបំផុតប្រឆាំងនឹងវីរុស​ភាគច្រើន។ អ្នក​គួរតែ៖

  • កុំចេញពី​ផ្ទះ​ លុះត្រា​តែ​ចាំបាច់។
  • រក្សា​គម្លាត​ពីគ្នា​ឲ្យ​បាន​យ៉ាង​ហោចណាស់ ១ម៉ែត្រ​កន្លះ​ ហើយ​ប្រតិបត្តិតាម​បទបញ្ជា ៤ម៉ែត្រ​ការ៉េ​សម្រាប់​មនុស្ស​ម្នាក់។
  • លាងដៃរបស់អ្នកឱ្យបានញឹកញាប់ជាមួយសាប៊ូនិងទឹក នៅមុននិងក្រោយពេលបរិភោគ និងក្រោយពេលទៅបង្គន់។
  • ខ្ទប់មាត់នៅ​ពេល​ក្អក​និង​កណ្តាស់ បោះចោល​ក្រដាស​អនាម័យដែល​ប្រើរួច និង​ប្រើ​ទឹកលាង​ដៃដែល​មានជាតិអាល់កុល។
  • ប្រសិនបើអ្នកមិនស្រួលខ្លួន សូមចៀសវាងទំនាក់ទំនងជាមួយអ្នកដទៃ (នៅ​ឆ្ងាយ​ពី​គេ​ឲ្យ​បាន​យ៉ាងហោចណាស់ ១,៥ ម៉ែត្រ) ។
  • អនុវត្តទំនួលខុសត្រូវផ្ទាល់ខ្លួន និងនៅផ្ទះឲ្យ​បាន​ច្រើនតាមដែលអាចធ្វើទៅបាន។

តើអ្នកណាចាំបាច់ត្រូវ​នៅ​ដាច់​ឆ្ងាយ​ពី​គេ?

1) មនុស្សទាំងអស់ដែលមកដល់អូស្ត្រាលីចាប់ពីពាក់កណ្តាលអធ្រាត្រថ្ងៃទី ១៥ ខែមីនាឆ្នាំ ២០២០ ឬគិតថាពួកគេប្រហែលជាមានទំនាក់ទំនងជិតស្និទ្ធជាមួយអ្នកដែលបានបញ្ជាក់ថាមាន​កូវីដ-១៩ គឺ តម្រូវឲ្យ ផ្តាច់ខ្លួននៅឆ្ងាយ​ពី​គេដោយខ្លួន​ឯង​រយៈពេល ១៤ ថ្ងៃ។

2) អ្នក​ធ្វើ​ដំណើរ​ទាំង​អស់​ដែល​មក​ដល់​ក្នុង​ប្រទេស​អូស្រ្តាលី​ចាប់​ពី​ពាក់​កណ្តាលអធ្រាត្រ​ទី២៨ មីនា ២០២០ នឹងតម្រូវ​ឲ្យ​អនុវត្ត​តាមកាតព្វកិច្ចនៃ​ការ​ផ្តាច់​ខ្លួន​ឆ្ងាយ​ពី​គេ​រយៈពេល​១៤​ថ្ងៃ​នៅ​តាម​ទីកន្លែង​ដែល​គេ​រៀបចំទុក (ឧទាហរណ៍​ដូចជា សណ្ឋាគារ​ណាមួយ​ជាដើម)។

អ្នកដំណើរ​នឹង​ត្រូវ​ដឹកជញ្ជូន​​យក​ទៅ​កន្លែង​ដែល​គេ​រៀបចំទុក​នោះដោយផ្ទាល់ បន្ទាប់​ពី​ឆ្លង​កាត់​ការត្រួត​ពិនិត្យ​​ផ្នែក​អន្តោប្រវេសន៍ គយ និង​សុខភាព​រួចរាល់​ហើយ។

បុគ្គលិក​ក្រសួង​ការពារជាតិ​អូស្រ្តាលី​នឹងជួយពង្រឹងការងារ​​កងកម្លាំងប៉ូលីសក្នុងតំបន់ ក្នុងការចុះសួរតាមផ្ទះ និង​តាម​មូលដ្ឋានស្នាក់នៅ​របស់​ប្រជាជន​ ដែល​ត្រូវ​មានកាតព្វកិច្ច​ផ្តាច់​ខ្លួន​ចេញ​ឆ្ងាយ​ពី​គេ ​​តាមការណែនាំរបស់រដ្ឋាភិបាលថ្នាក់រដ្ឋនិងដែនដី ហើយនឹងរាយការណ៍ទៅប៉ូលីសក្នុងតំបន់ ថាតើបុគ្គលដែលត្រូវបានគេបញ្ជាក់អត្តសញ្ញាណនោះ ស្នាក់នៅក្នុងទីលំនៅនោះឬអត់។

3) ប្រសិន​បើអ្នកត្រូវបានគេធ្វើរោគវិនិច្ឆ័យឃើញថាមានខូវីដ-១៩ អ្នកត្រូវតែស្នាក់នៅក្នុងផ្ទះ៖

  • កុំទៅកន្លែងសាធារណៈដូចជា កន្លែង​ធ្វើការ សាលារៀន មជ្ឈមណ្ឌលផ្សារទំនើប កន្លែងមើលថែកុមារ ឬសាកលវិទ្យាល័យ
  • សុំ​ឲ្យ​នរណាម្នាក់​ទៅ​ទិញ​អាហារ និងរបស់របរ​ចាំបាច់ផ្សេងៗ​សម្រាប់អ្នក ហើយទុកនៅមាត់ទ្វារផ្ទះរបស់អ្នក
  • កុំអោយភ្ញៀវចូលមក​លេងក្នុង​ផ្ទះ - មានតែអ្នកដែលរស់នៅជាមួយអ្នកប៉ុណ្ណោះ ដែលគួរតែនៅក្នុងផ្ទះរបស់អ្នក

តើអ្វីទៅជាការ​រក្សា​គម្លាត​នៅ​ក្នុង​សង្គម? 

ការរក្សា​គម្លាត​នៅ​ក្នុង​សង្គម គឺជាវិធីមួយដែល​​ជួយកាត់​បន្ថយល្បឿន​នៃការឆ្លងរាលដាល​វីរុសដូចជា កូវីត-១៩ ។

គម្លាត​កាន់តែ​ឆ្ងាយ​រវាង​អ្នក និង​អ្នកដទៃ វាកាន់​តែ​ធ្វើ​ឲ្យ​វីរុសនេះ​ពិបាក​​ឆ្លង។

វា​រាប់​បញ្ចូល​ទាំង​ ការចៀសវាងការប៉ះវត្ថុឬផ្ទៃផ្សេងៗ (ដូចជាបង្កាន់ដៃទ្វារ ឬតុ) ដែលមាន​មេរោគ​ដោយសារតែការក្អកឬកណ្តាស់ ពីអ្នកដែលឆ្លងកូវីដ-១៩ ។

ស្នាក់នៅ​ផ្ទះ

ការ​ណែនាំយ៉ាង​មុតមាំ​ពី​ខុទ្ទកាល័យ​ជាតិ​ដល់​ប្រជាជន​អូស្រ្តាលីទាំង​អស់​ឲ្យ​ស្នាក់នៅ​ក្នុង​ផ្ទះ លុះត្រា​ណា​តែ៖

•ចេញ​ទៅទិញ​ឥវ៉ាន់​តែ​អ្នក​ត្រូវការ​ ដូចជា ម្ហូបអាហារ​គឺ​គ្រឿង​ប្រើប្រាស់​ចាំបាច់

•ចាំបាច់​ត្រូវ​ការ​ចេញ​ទៅ​ជួបពេទ្យ ឬ​ទិញ​ថ្នាំ​សង្កូវ​ជាដើម 

•ចេញ​ទៅហាត់ប្រាណ ដោយ​អនុលោមតាម​បម្រាម​ជួបជុំ​គ្នា​នៅ​ទីសាធារណៈ

•ចេញ​ទៅ​ធ្វើការ ឬចេញ​ទៅ​រៀន ប្រសិន​បើ​អ្នក​មិន​អាច​ធ្វើការ​ឬសិក្សា​ពី​ចម្ងាយ​បាន

 

តើខ្ញុំអាចទៅលេងគ្រួសារ និងមិត្តភក្តិ​នៅតាមមណ្ឌលមើលថែទាំមនុស្សចាស់បានដែរឬទេ?

តាមច្បាប់ទូទៅ សម្រាប់ប្រទេសអូស្រ្តាលីទាំងមូល សូមកុំទៅកន្លែងមើលថែទាំមនុស្ស​ចាស់ ប្រសិនបើអ្នកមាន៖

  • ត្រឡប់មកពីបរទេសក្នុងរយៈពេល ១៤ ថ្ងៃចុងក្រោយ។
  • មានទំនាក់ទំនងជាមួយអ្នកដែលបានបញ្ជាក់ថាមាន​ខូវីដ-១៩ ក្នុងរយៈពេល ១៤ ថ្ងៃចុងក្រោយ។
  • មានគ្រុនក្តៅ ឬរោគសញ្ញានៃការឆ្លងមេរោគផ្លូវដង្ហើម (ឧទាហរណ៍ ក្អក ឈឺបំពង់ក ដង្ហើមខ្លី) ។

ចាប់ពីថ្ងៃទី ១ ឧសភា អ្នកត្រូវចាក់ថ្នាំវ៉ាក់សាំងជំងឺគ្រុនផ្តាសាយជាមុន ទើបអាចចូលទៅមណ្ឌលមើលថែទាំមនុស្ស​ចាស់ណាមួយបាន។

សូមកត់សម្គាល់ថា រដ្ឋនិងដែនដីនានា មានបទប្បញ្ញត្តិជាក់លាក់នៅក្នុងដែនសមត្ថកិច្ចរបស់ពួកគេ ដែលមិនអាចផ្ទុយនឹងអនុសាសន៍របស់ខុទ្ទកាល័យជាតិឡើយ។

តើខ្ញុំគួរពាក់ម៉ាសដែរឬទេ?

ការកើនឡើងនៃការចម្លង​បន្តនៃ​កូវីដ-១៩នៅក្នុងសហគមន៍ នៅក្នុងប្រទេសអូស្ត្រាលីនាពេលថ្មីៗនេះ មានន័យថារដ្ឋនិងដែនដីមួយចំនួន ឥឡូវនេះណែនាំ ឬតម្រូវឱ្យពាក់ម៉ាស។
ម៉ាសមុខឥឡូវនេះតម្រូវឱ្យពាក់ នៅក្នុងរដ្ឋវិចថូរៀ  ដោយសារតែអត្រាខ្ពស់នៃការឆ្លងក្នុងសហគមន៍នៃវីរុសកូរ៉ូណានៅ​ទីកន្លែងនោះ។ https://www.dhhs.vic.gov.au/face-coverings-1159pm-wednesday-22-july
ប្រជាជននៅរដ្ឋញូវសៅវែលត្រូវបានគេសុំឱ្យពិចារណាពាក់ម៉ាសមុខ ប្រសិនបើពួកគេរស់នៅ ឬធ្វើការនៅតំបន់​ដែល​មាន​ករណី​ឆ្លង​ខ្ពស់ (hotspot) និងនៅកន្លែងដែលមិនអាច​រក្សា​គម្លាតពីគ្នាបាន។
ខណៈពេលដែលម៉ាសអាចត្រូវបានប្រើជាការប្រុងប្រយ័ត្នបន្ថែម អ្នកត្រូវតែបន្ត៖

  • នៅផ្ទះប្រសិនបើមិនស្រួលខ្លួន
  • រក្សាគម្លាត (លើសពី ១,៥ ម៉ែត្រ) ឆ្ងាយ​ពីអ្នកដទៃ នៅ​ពេល​ចេញ​ទៅ​ខាង​ក្រៅ
  • ចៀសវាងការជួបជុំធំ ៗ និងទីធ្លាខាងក្នុងដែលមានមនុស្សច្រើន
  • អនុវត្តអនាម័យដៃនិងផ្លូវដង្ហើម

ប្រសិនបើកាលៈទេសៈផ្លាស់ប្តូរនៅក្នុងរដ្ឋឬដែនដីដែល​លោក​អ្នករស់នៅ នោះដំបូន្មានស្តី​ពី​ការ​ពាក់​ម៉ាសមុខអាច​នឹងត្រូវ​ផ្លាស់ប្តូរ។ វាមានសារៈសំខាន់ណាស់ក្នុងការរក្សាបច្ចុប្បន្នភាពដំបូន្មាននៅក្នុងតំបន់របស់អ្នក។ រដ្ឋាភិបាលរដ្ឋឬដែនដីរបស់អ្នកនឹងផ្តល់ជូននេះព័ត៌មាន​ទាំងនេះ។ https://www.health.gov.au/news/health-alerts/novel-coronavirus-2019-ncov-health-alert/how-to-protect-yourself-and-others-from-coronavirus-covid-19 

ធ្វើដំណើរចេញ ចូល ឬនៅ​ក្នុងប្រទេសអូស្ត្រាលី

ប្រជាជន​អូស្រ្តាលី​ត្រូវ​ចៀសវាង​ការ​ធ្វើ​ដំណើរ​ដែល​មិន​ចាំបាច់​ទាំង​អស់នៅ​ក្នុង​ស្រុក។ បណ្តា​រដ្ឋ​និង​ដែនដីនិមួយ​ៗ​អាចអនុវត្ត​ការ​រឹតបន្តឹង​រៀងៗខ្លួន រួម​ទាំង​ការបិទព្រំដែន​រដ្ឋ​របស់​ពួកគេ​ផងដែរ។ 

គោលការណ៍​ជាតិសម្រាប់​ការ​ដឹកជញ្ជូន​សាធារណៈ

សេវាកម្មដឹកជញ្ជូនសាធារណៈគឺជាទំនួលខុសត្រូវរបស់រដ្ឋនិងដែនដីនិមួយៗ ហើយគណៈរដ្ឋមន្រ្តីជាតិគាំទ្រគោលការណ៍ជាបន្តបន្ទាប់ដើម្បីជួយគ្រប់គ្រងសុខភាពនិងសុវត្ថិភាពរបស់បុគ្គលិកកម្មករ និងអ្នកដំណើរតាមបណ្តាញដឹកជញ្ជូនសាធារណៈ រួមមាន៖ កុំធ្វើដំណើរនៅពេលមានអារម្មណ៍មិនស្រួលខ្លួន រក្សាគម្លាត​ពីអ្នកបើកបរនិងអ្នកដំណើរផ្សេងទៀត និងជៀសវាងការការ​បង់​ជាសាច់ប្រាក់។ អ្នកប្រើប្រាស់សេវាកម្មដឹកជញ្ជូនសាធារណៈមិនចាំបាច់ត្រូវពាក់ម៉ាស់នោះទេ ប៉ុន្តែអាចធ្វើបានដោយស្ម័គ្រចិត្ត។ ព័ត៌មានបន្ថែមអំពីគោលការណ៍កូវីដ-១៩សម្រាប់ប្រតិបត្តិការដឹកជញ្ជូនសាធារណៈ​ មាននៅទីនេះ៖ https://www.infrastructure.gov.au/transport/files/COVID19_public_transport_principles_29052020.pdf ។ 

ការ​ធ្វើដំណើរ​ក្រៅ​ប្រទេស

អ្នក​ធ្វើ​ដំណើរ​អន្តរជាតិ​ទាំង​អស់​ដែល​មក​ដល់​ប្រទេស​អូស្រ្តាលី​ មិនថា​ជា​ជន​ជាតិអ្វី ឬធ្វើដំណើរ​មក​ពី​ទីណានោះទេ ត្រូវ​អនុវត្ត​ន៍ការផ្តាច់ខ្លួន​ឯង​នៅ​ដាច់ដោយឡែកពីគេ​រយៈពេល​១៤ថ្ងៃ​នៅ​ក្នុង​កន្លែង​ដែល​អាជ្ញាធរ​បាន​ចាត់ចែងឲ្យ មុន​នឹង​ពួកគេ​អាច​ទៅ​ផ្ទះបាន។

អ្នក​ដំណើរ​គ្រប់​រូប​ដែល​ត្រឡប់​ចូល​មក​ប្រទេស​អូស្ត្រាលី​នឹង​ត្រូវ​ធ្វើ​តេស្ត​រក Coronavirus នៅ​ពេល​គេ​ចាត់​ចែង​ឲ្យ​ទៅ​ស្នាក់​នៅ​មណ្ឌល​ចត្តា​ឡីស័ក (កន្លែង​ស្នាក់​នៅ​ដាច់​ដោយ​ឡែក) និង​មុន​ពេល​ត្រូ​វគេ​អនុញ្ញាត​ឲ្យ​ចេញ​ពី​កន្លែង​នោះ។

អ្នកក៏ប្រហែលជាត្រូវចូលរួមចំណែកក្នុងការចំណាយលើការធ្វើចត្តាឡីស័ក។ សេចក្តី​តម្រូវទាំងនេះត្រូវបានគ្រប់គ្រងនិងអនុវត្តដោយរដ្ឋាភិបាលរដ្ឋនិងដែនដី៖

ពលរដ្ឋ​អូស្រ្តាលី និង​អ្នក​ដែល​មាន​សិទ្ធិរស់នៅជាអចិន្រ្តៃយ៍​​មិន​អាច​ធ្វើ​ដំណើរ​ទៅ​ក្រៅប្រទេស​បាន​ឡើយ ដោយសារតែ​ការ​រឹតបន្តឹង​កូវីដ១៩។

ទោះជាយ៉ាងណាក៏ដោយ ប្រសិនបើអ្នកចង់​ចាក​ចេញ​ពីប្រទេស​អូស្រ្តាលី អ្នក​ប្រហែល​ជា​អាច​ដាក់​ពាក្យ​សុំ​តាម​អនឡាញសម្រាប់​ការ​លើកលែង​ក្នុង​ការ​ធ្វើ​ដំណើរ ប្រសិនបើ​អ្នក​ស្ថិតនៅ​ក្នុង​លក្ខខណ្ឌ​ដូចខាង​ក្រោមនេះ៖

  • ការ​ធ្វើ​ដំណើរ​របស់​អ្នក​គឺ​ជាផ្នែក​មួយ​នៃ​ការ​ឆ្លើយតប​ទៅនឹង​ការ​ផ្ទុះឡើង​នៃ​កូវីដ១៩ រួមទាំង​ការ​ផ្តល់​ជំនួយ
  • ការ​ធ្វើ​ដំណើរ​របស់​អ្នក​គឺចាំបាច់​សម្រាប់ការធ្វើឧស្សាហកម្ មនិងអាជីវកម្មសំខាន់ៗ (រួមទាំងឧស្សាហកម្មនាំចេញ និងនាំចូល)
  • អ្នកកំពុងធ្វើដំណើរដើម្បីទៅទទួលការព្យាបាលបន្ទាន់ដែលមិនមាននៅក្នុងប្រទេសអូស្ត្រាលី
  • អ្នកកំពុងធ្វើដំណើរដោយសារអាជីវកម្មផ្ទាល់ខ្លួនដែលបន្ទាន់និងមិនអាចចៀសវាងបាន
  • ផ្អែកលើមូលដ្ឋានមនុស្ស​ធម៌
  • ការ​ធ្វើដំណើរ​របស់​អ្នក​គឺដើម្បី​ផលប្រយោជន៍ជាតិ។

ទីកន្លែង​ដែល​ត្រូវ​ឆ្លងកាត់

បទបញ្ញត្តធ្វើដំណើរកំពុងផ្លាស់ប្តូរ​ជាមួយ​នឹង​ការ​ជូនដំណឹងក្នុង​រយៈពេលខ្លី។ ប្រសិនបើអ្នកសម្រេចចិត្តត្រលប់មកប្រទេសអូស្ត្រាលីវិញ៖

  • ពិនិត្យមើលផ្លូវហោះហើររបស់អ្នកដោយប្រុងប្រយ័ត្ន ហើយទាក់ទងជាមួយក្រុមហ៊ុនអាកាសចរណ៍ឬភ្នាក់ងារទេសចរណ៍របស់អ្នកជាប់ជានិច្ច
  • អនុវត្តតាមសេចក្តីប្រកាសជាផ្លូវការពីព្រលានយន្តហោះដែលអ្នកត្រូវឆ្លងកាត់ និងអាជ្ញាធរគ្រប់គ្រង
  • ទាក់ទងស្ថានទូតឬស្ថានកុងស៊ុលជិតបំផុតនៃបណ្តាប្រទេសដែលអ្នកកំពុងឆ្លងកាត់ ប្រសិនបើអ្នកមានសំណួរអំពីតម្រូវការចូលឬចេញរបស់ពួកគេ

សូមចូលទៅកាន់គេហទំព័រ www.smartraveller.gov.au សម្រាប់ព័ត៌មានបន្ថែម។

តើអាជ្ញាធរនៅក្នុងប្រទេសអូស្ត្រាលី គ្រប់គ្រងការផ្ទុះឡើងនៃ​មេរោគនេះយ៉ាងដូចម្តេច?

នាយករដ្ឋមន្រ្តីបានអនុវត្តន៍​ផែនការឆ្លើយតបបន្ទាន់សម្រាប់មេរោគថ្មីវីរុសកូរ៉ូណា Emergency Response Plan for Novel Coronavirus (COVID-19) ។

អគ្កទេសាភិបាល​អូស្រ្តាលីពន្យារពេល​ប្រកាសអាសន្ននរជីវសន្តិសុខ​សម្រាប់​រយៈពេល​៣ខែ ពី​ថ្ងៃ​១៧ខែមិថុនាឆ្នាំ​២០២០ ដល់​ថ្ងៃទី​១៧ ខែកញ្ញា​ ឆ្នាំ​២០២០។

ការផ្តល់​ជូន​នៅ​គ្រាលំបាក​សម្រាប់ ថ្លៃ​អគ្គីសនី ថ្លៃទឹក ថ្លៃហ្គាស និង ពន្ធ​មូលដ្ឋាននានា

ផ្តល់​ជូន​នូវ​ជម្រើស​ទូទាត់​​ដែល​បត់បែន ដល់​ក្រុមគ្រួសារ​​ និង​អាជីវកម្ម​ខ្នាតតូច​ដែល​មាន​សម្ពាធ​ផ្នែក​ហិរញ្ញវត្ថុ។

  • មិនផ្តាច់​ការផ្គត់ផ្គង់ / សេវាកម្ម​ ដល់​អ្នក​ដែល​មាន​សម្ពាធ​ផ្នែក​ហិរញ្ញវត្ថុ
  • ពន្យាពេលការទារបំណុល និងការចុះបញ្ជី​អ្នកជំពាក់បំណុលជាដើម។

  • ទម្លាក់ចោល​ថ្លៃ​ពិន័យ​ក្នុងការ​បង់​យឺតយ៉ាវ និង ការប្រាក់លើបំណុល និង

  • បន្ថយការកាត់ផ្តា​ច់​ដែលបានគ្រោងទុកសម្រាប់ការងារសំខាន់ៗឲ្យ​នៅ​អប្បបរមា។

  • អ្នកទាំងឡាយណាដែលអាចបន្តទូទាត់វិក័យប័ត្ររបស់ពួកគេបាន ចាំបាច់ត្រូវបន្តទូទាត់ - វាមានសារៈសំខាន់ក្នុងការធានានូវលទ្ធភាពជោគជ័យទៅមុខសម្រាប់អ្នកផ្តល់សេវាចាំបាច់។

មានភាពបត់បែន​សម្រាប់​អ្នក​កាន់​ទិដ្ឋាការ​មួយ​ចំនួន

Working holiday visa holders៖ លើកលែង​ពី​ការ​កម្រិតការងារត្រឹម​រយៈពេល​៦ខែ​ជាមួយ​នឹង​និយោជក់ម្នាក់  ប្រសិន​បើ​ពួកគេ​ធ្វើ​ការ​នៅ​ក្នុង​ឧស្សាហកម្មសំខាន់ដូចជា វិស័យសុខាភិបាល មើលថែទាំមនុស្សចាស់ មើលថែទាំជនពិការ មើលថែទាំកុមារ កសិកម្ម និងវិស័យម្ហូបអាហារ ហើយនឹងមានសិទ្ធិទទួលបានទិដ្ឋាការបន្ថែម ប្រសិនបើទិដ្ឋាការបច្ចុប្បន្នផុតកំណត់ក្នុង​អំឡុង​ពេល​៦​ខែ​ទៀត។ 

Seasonal Worker Program and Pacific Labour Scheme participants៖ នឹង​អាំច​បន្ត​ទិដ្ឋាការ​បាន​រហូត​ដល់​ទៅ​មួយ​ឆ្នាំ។

Temporary Skilled visa holders៖ សម្រាប់​ទិដ្ឋាកា​ដែល​ធានា​ដោយ​និយោជក់ជា​បណ្តោះអាសន្ន រួមមាន ប្រភេទទិដ្ឋាការ​លេខ 457 និង 482 ប្រសិនបើ​ពួកគេ​បាត់​បង់​ការងារ​ធ្វើ ពួកគេ​មាន​ពេល​៦០ថ្ងៃ​ក្នុង​ការ​ស្វែង​រក​អ្នក​ធានា​ម្នាក់​ទៀត ឬចាក​ចេញ​ពី​ប្រទេស​អូស្រ្តាលី។

ប្រសិន​បើ​ពួកគេ​ត្រូវ​បញ្ឈរ​ជើង តែ​មិន​ត្រូវ​បញ្ឈប់​បីការងារ ឬត្រូវ​កាត់​បន្ថយ​ម៉ោង​ធ្វើការ​ងារ នោះនឹង​មិន​ត្រូវ​ចាត់​ទុក​ថា​ជា​ការ​បំពានលក្ខខណ្ឌ​ទិដ្ឋាការ​របស់​ពួកគេ​នោះទេ។ ពួកគេ​អាច​ប្រើប្រាស់​ប្រាក់​ស៊ុបភើរ​របស់​ពួកគេ​នៅ​ក្នុង​ឆ្នាំ​ហិរញ្ញវត្ថុ​នេះ​ រហូត​ដល់ ​១០ ០០០ ដុល្លារ។

និស្សិត​អន្តរជាតិ៖

  • ពួកគេ​អា​ចនៅបន្ត​ប្រសិន​បើ​ពួកគេ​មានការងារ​ធ្វើ។ ប្រសិនបើ​ពួកគេ​មិន​មាន​ការងារ​ធ្វើ គ្មាន​ជំនួយ​ពី​ក្រុមគ្រួសារ ឬក៏គ្មាន​ប្រាក់​សន្សំ ពូកគេ​គួរពិចារណា​លើ​ការ​រៀបចំ​ជ​ម្រើសផ្សេងទៀត។
  • និស្សិត​អន្តរជាតិ​​ដែល​កំពុងធ្វើការ​​នៅ​ក្នុង​វិស័យ​មើលថែទាំមនុស្ស​ចាស់ និង​ជា​គិលានុប្បដ្ឋាយិការ ត្រូវ​បាន​អនុញ្ញាតិ​ឲ្យ​ធ្វើ​ការ​ច្រើន​ជាង​២០ម៉ោង​ក្នុង​មួយ​សប្តាហ៍
  • ពួកគេ​អាច​ដក​ប្រើ​ប្រាក់​ស៊ុបភើ​របស់​ពួកគេ​បាន ប្រើសិន​បើ​ពួកគេ​រស់​នៅ​ក្នុង​ប្រទេស​អូស្រ្តាលី​បាន​យ៉ាង​ហោចណាស់​១២​ខែ។

នៅ​ក្នុង​រដ្ឋ​វិចថូរៀ និស្សិតអន្តរជាតិ​នឹង​ទទួលបាន​ប្រាក់​ជំនួយ​សង្រ្គោះ​រហូត​ដល់​ទៅ​១១០០ដុល្លារ ជា​ផ្នែក​មួយ​នៃ​កញ្ចប់​ជំនួយ​បន្ទាន់​របស់​រដ្ឋាភិបាល​រដ្ឋ​វិចថូរៀ ដែល​នឹង​ជួយ​ដល់​និស្សិតបរទេស​រាប់​ម៉ឺននាក់​នៅ​ទូទាំង​រដ្ឋ​នេះ។

ទេសចរ៖ គួរ​ត្រឡប់​ទៅ​ប្រទេស​កំណើត​របស់​ខ្លួន​វិញ ជាពិសេស​អ្នក​ដែល​មិនមាន​ជំនួយ​ពី​ក្រុមគ្រួសារ។

ជំនួយ​សុខភាព​ផ្លូវចិត្ត

  • រដ្ឋាភិបាល​បាន​បន្ថែម​ជំនួយព្យាបាល​ជំងឹ​ផ្លូវ​ចិត្ត​១០លើក​នៅ​ក្នុង​ Medicare សម្រាប់​អ្នក​​ដែល​ស្ថិតនៅ​ក្នុងតំបន់ដែល​ត្រូវមាន​ការ​រឹតបន្តឹងបន្ថែម​ទៀត ដោយសារតែ​ផលប៉ះពាល់​នៃ​វីរុសកូរ៉ូណារលកទីពីរ។
  • ដើម្បី​ប្រើប្រាស់​ជំនួយ​នេះបាន អ្នកត្រូវការ​ផែនការព្យាបាល​ជំងឺផ្លូវចិត្ត Mental Health Treatment Plan (https://www.healthdirect.gov.au/mental-health-care-plan) និង​ការ​ពិនិត្យ​ឡើងវិញ​របស់វេជ្ជបណ្ឌិត​ប្រចាំគ្រួសារ ដើម្បី​បន្តទទួលបាន​ការ​មើលថែទាំសុខភាព​ផ្លូវ​ចិត្ត​ពី​ពេទ្យ​ចិត្ត​សាស្រ្ត ពីវេជ្ជបណ្ឌិត ឬពីបុគ្គលិក​សុខាភិបាល​ដទៃទៀត។
  • ច្រកចូល​ទៅកាន់​សេវាកម្មសុខភាព​ផ្លូវ​ចិត្តតាម​ប្រព័ន្ធ​ឌីជីថល​របស់​រដ្ឋាភិបាល Head to Health (www.headtohealth.gov.au) ​ជាប្រភព​តែ​មួយ​នៃព័ត៌មាន​ និង​ការ​ណែនាំជាផ្លូវការ ស្តី​ពីវិធី​ក្នងការ​រក្សា​សុខភាព​ផ្លូវ​ចិត្ត​ក្នុង​អំឡុង​ពេល​ឆ្លងរាតត្បាត​នៃ​វីរុសកូរ៉ូណា និង​ការ​ផ្តាច់​ខ្លួនឯងនៅ​ឆ្ងាយ​ពីគេ វិធី​ក្នុងការ​ជួយគាំទ្រ​ដល់​កូនៗ និង​មនុស្ស​ជាទីស្រឡាញ់ និង​វិធី​ក្នុង​ការ​ចូល​ទៅ​ស្វែងរក​សេវាកម្ម និង​ការ​ថែរក្សា​សុខភាព​ផ្លូវ​ចិត្ត​បន្ថែម​ទៀត។

 

 

ដើម្បីស្វែងយល់ពីរបៀបដែលរដ្ឋាភិបាលអូស្ត្រាលីកំពុងគ្រប់គ្រងខូវីដ-១៩ សូមចូលទៅកាន់ការឆ្លើយតបរបស់រដ្ឋាភិបាល( Government response)ចំពោះការផ្ទុះឡើងនេះ។

សម្រាប់ព័ត៌មានបន្ថែមជាភាសាអង់គ្លេសសូមចូល​ទៅកាន់៖  health.gov.au/news/health-alerts/novel-coronavirus-2019-ncov-health-alert 

​ព័ត៌មាន​បន្ថែមជាភាសាខ្មែរ​ផ្តល់​ជូន​ដោយក្រសួង​មហាផ្ទៃ - information for the Australian community in Khmer ។