Coming Up Mon 4:00 PM  AEST
Coming Up Live in 
Live
Lao radio

ຂໍ້ມູນກ່ຽວກັບ ໂກໂຣນາໄວຣັສ (ໂກວິດ-19)***

Source: AAP

SBS ອູທິດໃ່ສ່ການບໍຣິການການລາຍງານຕ່າງໆທີ່ໄວ້ວາງໃຈນຳໄດ້ທີ່ເຮັດໃຫ້ທ່ານຊາບກ່ຽວກັບການຣະບາດຂອງ ໂກວິດ-19 ເປັນພາຂອງທ່ານເອງ. ເຈັ້ຍຂໍ້ມູນນີ້ຮຽບຮຽງເອົາຂໍ້ມູນທີ່ຈຳຕ້ອງຮູ້ສຳຮັບທຸກໆຄົນໃນຊຸມຊົນ.

ໂກວິດ-19 ແ​ພ່ຣະບາດແບບໃດ?

ໂກວິດ-19 ຕິດ​ແປດ ລະ​ຫວ່າງ​ຄົນ​ຕໍ່​ຄົນ:

  • ໂດຍການໄດ້ຢູ່ໃກ້ຊິດ​ພົວ​ພັນ ໄດ້ແຕະ​ຕ້ອງສຳ​ພັດ ກັບຄົນທີ່ຕິດແປດ ຫລື ​ມີ​ອາ​ການ ຂອງ ໂກວິດ-19 ຢູ່​ແລ້ວ ຫລື ໃນຣະຍະເວ​ລາ 24 ຊົ່ວໂມງ ກ່ອນ ທີ່ອາການຂອງ ໂກວິດ-19 ຈະປາກົດອອກມາ.
  • ໂດຍການໄດ້ຢູ່ໃກ້ຊິດພົວ​ພັນ ກັບບຸກຄົນທີ່ ໄດ້​ກວດ​ພົບ ແລະ ຖຶກຢັ້ງຢືນວ່າ ໄດ້​ຕິດ​ເຊື້ອ ໂກວິດ-19 ແລ້ວ ແລະ​ ຜູ້​ກ່ຽວ ກໍ​ມີອາ​ການ ໄອ ຫລື ຈາມ.
  • ໂດຍ​ໄດ້ ຈັບ​ບາຍແຕະຕ້ອງເຄື່ອງຂອງ ຫລື ພື້ນຜີວຕ່າງໆ (ເຊັ່ນ ໄລປະຕູຫລື ໜ້າ​ ໂ​ຕ໋ະ) ທີ່ ເປີະເປື້ອນ ຈາກໄອ ແລະ ຈາມ ຂອງຄົນຜູ້ທີ່ ໄດ້ຖຶກຢັ້ງຢືນວ່າ ຕີດ​ເຊື້ອ ໂກວິດ-19 ແລ້ວ ແລະ ​ຫລັງຈາກນັ້ນ ທ່ານກໍ​ໄດ້​ມາ ຈັບບາຍປາກ ຫລື ໜ້າຂອງທ່ານເອງ.

ອາການ ຂອງ ໂກວິດ-19 ມີຫຍັງແດ່?

ອີງຕາມ ແວບໄຊຕ໌ ຂອງຣັຖບານ ອອສເຕ​ຣເລັຍ ອາ​ການຂອງ ໂກໂຣນາໄວຣັສຕ໌ ອາດ ເປັນອາການເຈັບປ່ວຍແບບ ອ່ອນໆເບົາໆ ເຖິງຂັ້ນເປັນ ໂຣ​ຄປອດປວມໄດ້.

ອາ​ການຂອງ ໂກວິດ-19 ເປັນຄື​ກັນ​ກັບ ກໍ​ຣະ​ນີ ຂອງໄຂ້ຫວັດທັມ​ມະ​ດາ ແລະ ໄຂ້ຫວັດໃຫຍ່ ອື່ນໆຊຶ່ງຈະ​ປະ​ກອບ​ດ້ວຍ:

  • ຮູ້​ສຶກ​ໄຂ້ ຄີງຮ້ອນ
  • ເຈັບຄໍ ຣະ​ບົບ​ຫາຍ​ໃຈ ຜິດ​ປົກ​ກະ​ຕິ
  • ໄອ
  • ເມື່ອຍອ່ອນ​ເພັຽ
  • ຫາຍໃຈຍາກ, ຫາຍ​ໃຈ​ຝືດ

ສ່ວນ ອາ​ການອື່ນໆ ກໍ​ຈະ​ມີ​ຮວມ​ທັງ ນ້ຳ​ມູກ​ໄຫລ, ເຈັບ​ຫົວ, ເຈັບ​ຕາມ​ກ້າມ​ເນື້ອ ແລະ ຂໍ້​ຕໍ່, ວິນ​ຫົວ, ຖອກ​ທ້ອງ, ຮາກ, ເສັຍ​ຄວາມ​ຮູ້​ສຶກ​ໃນ​ການ​ດົມກິ່ນ ແລະ ຣົສຊາ​ດອາຫານ, ກິນບໍ່​ແຊບ ແລ້ວ ກໍ​ຮູ້​ສຶກ​ເມື່ອຍ.

ຂ້ອຍຈະເຮັດແນວໃດຖ້າຫາກຂ້ອຍ ເກີດ​ມີ ອາ​ການ ແບບນີ້?

ຖ້າຫາກທ່ານ ເກີດ​ມີອາ​ການ ຕ່າງໆ ແບບນີ້ ພາຍໃນເວ​ລາ 14​ ມື້ ຫລັງຈາກທີ່​ໄດ້ມາຮອດ ມາເຖິງ ອອສເຕຣເລັຍ ຫລື ພາຍໃນເວ​ລາ 14 ​ມື້ ທີ່ໄດ້ໃກ້ຊິດກັບຄົນທີ່ຖຶກຢັ້ງຢືນວ່າຕິດ​ເຊື້ອ ໂກວິດ-19 ທ່ານຄວນ ຕິດ​ຕໍ່​ຫາ​ທ່ານ​ໝໍປະ​ຈຳ​ຄອບ​ຄົວ ເພື່ອຂໍ​ເວ​ລາ​ພົບ ທ່ານໝໍ ໂດຍ​ດ່ວນ ຫລື ໂທຫາ National Coronavirus Health Information Hotline ເລກໂທ 1800 020 080. ຢ່າໄປຫາ ທ່ານໝໍ ຢູ່ health clinic ຫລື ໂຮງພະຍາບານ ໂດຍບໍ່ໄດ້ແຈ້ງບອກພວກຂະເຈົ້າ​ກ່ອນ ວ່າທ່ານມີອາ​ການ ຂອງ ໂກວິດ-19 ນີ້.

ກ່​ອນ​ທີ່​ທ່ານ​ຈະ​ໄປ​ຮອດ, ໃຫ້​ໂທ​ຫາ health clinic ຫລື ໂຮງ​ພະ​ຍາ​ບານ ແລະ ບອກ​ໃຫ້​ພວກ​ຂະ​ເຈົ້າ​ຮູ້ກ່ຽວ​ກັບປະຫັວດ ຂອງການເດີນທາງຂອງທ່ານ ຫລືວ່າ ຫາກທ່ານໄດ້​ພົວ​ພົນໃກ້ຊິດກັບ ກໍຣະນີຂອງຄົນ ທີ່ຖືກຢັ້ງຢືນ ວ່າ​ໄດ້​ຕິດ​ເຊື້ອ ໂກວິດ-19 ແລ້ວ. ທ່ານຈຳຕ້ອງໄດ້ແຍກໂຕ ບໍ່​ວ່າ​ຈະຢູ່ໃນ ບ້ານເຮືອນຂອງທ່ານເອງ, ໂຮງແຮມ ຫລື health care ຈົນກ່ວາວ່າ ທາງການ ສາທາຣະນະສຸຂ ຈະຢັ້ງຢຶນວ່າ ມີ​ຄວາມປອດພັຍແລ້ວ ທີ່ທ່ານຈະກັບຄືນໄປ ສູ່ກິຈກັມອັນປົກກະຕິ ຂອງທ່ານ. ຖ້າຫາກ ທ່ານຕ້ອງການ ຢາກປຶກ​ສາ ກ່ຽວ​ກັບ​ອາ​ການບໍ່​ສະ​ບາຍ​ຂອງ​ທ່ານ, ໃຫ້​ໂທຣະ​ສັບຫາ the National Coronavirus Helpline ເ​ພື່​ອຂໍ​ຄວາມ​ແນະ​ນຳ. ສາຍ​ໂທ​ຣະ​ສັບ​ນີ້ ໃຫ້​ບໍ​ຣິ​ການ 24 ຊົ່ວ​ໂມງ​ຕໍ່​ມື້, 7 ມື້​ຕໍ່​ອາ​ທິດ: 1800 020 080.

ຂ້ອຍຄວນໄປກວດເບິ່ງວ່າ​ຕິດ​ເຊື້ອ ໂກວິດ-19 ຫລືບໍ່?

(1) ​ທ່ານຈະຖຶກກວດເບິ່ງຖ້າຫາກທ່ານ:

  • ຫາກໍ່​ໄດ້ ກັບມາຈາກຕ່າງປະເທດພາຍໃນຣະຍະເວ​ລາ 14 ມື້ ແລະ ທ່ານຮູ້​ສຶກບໍ່   ​ສະ​ບາຍ ໂດຍ​ສະ​ເພາະ ກ່ຽວ​ກັບ​ຣະ​ບົບ​ຫາຍໃຈ ເຖິງວ່າ ຈະ​ບໍ່ມີ​ອາ​ການ​ໄຂ້ ຄີງຮ້ອນກໍ​ຕາມ.
  • ທ່ານ​ໄດ້​ຢູ່​ພົວ​ພັນໃກ້ຊິດກັບ ຄົນ​ທີ່ຖຶກຢັ້ງຢືນວ່າ ຕິດ​ເຊື້ອ ໂກວິດ-19 ແລ້ວໃນຣະຍະເວ​ລາ 14 ມື້ ຜ່ານມາ ແລະ ທ່ານຮູ້​ສຶກບໍ່​ສະ​ບາຍ ໂດຍ​ສະ​ເພາະ ກ່ຽວ​ກັບ​ຣະ​ບົບ​ຫາຍໃຈ ເຖິງວ່າຈະ​ບໍ່ມີ​ອາການ​ໄຂ້ ຄີງຮ້ອນກໍ​ຕາມ.
  • ທ່ານມີ​ອາ​ການ ຂອງ​ໂຣ​ຄປອດບວມທີ່ຮ້າຍແຮງ ຊຶ່ງ​ໄດ້ຕິດ​ເຊື້ອມາຈາກຊຸມຊົນ ແລະ ໂດຍ​ທີ່ບໍ່ມີສາເຫດອັນແຈ່ມແຈ້ງ.
  • ທ່ານເປັນພະນັກງານສາທາຣະນະສຸຂ ທີ່ເຮັດວຽກໂດຍກົງ ເບິ່ງແຍງຄົນປ່ວຍ ແລະ ທ່ານກໍ​ມີ​ອາ​ການ ເຈັບປ່ວຍ ໂດຍ​ສະ​ເພາະ ກ່ຽວ​ກັບ​ຣະ​ບົບ​ຫາຍໃຈ ທັງ​ມີອາການ​ໄຂ້ ຄີງຮ້ອນນຳ.

(2) ທ່ານກໍຈະຖຶກກວດເບິ່ງ ຖ້າຫາກທ່ານ ​ມີອາການ​ໄຂ້ ຄີງຮ້ອນ ແລະ ຕິດເຊື້ອ ທັງ​​ຫາຍ​ໃຈ​ຝືດ ຊຶ່ງ​ອາ​ການ ຂອງທ່ານ ຈະ​ກົງ​ກັບ ກໍຣະນີໃດ​ກໍ​ຣະ​ນີນຶ່ງດັ່ງ​ຕໍ່​ໄປນີ້:

  • ພະນັກງານ ສາ​ທາ​ຣະ​ນະສຸຂ ທຸກຄົນ.
  • ຜູ້​ສູງ​ອາ​ຍຸ ເຖົ້າແກ່ຊະຣາທຸກຄົນ.
  • ພະນັກງານທຸກຄົນ ທີ່​ເຮັດ​ວຽກຢູ່ຕາມ​ສະ​ຖານ​ທີ່ເບິ່ງ​ແຍງຄົນ.
  • ເຂດທ້ອງຖິ່ນທີ່ມີຄວາມສ່ຽງຫລາຍກັບການຕິດແປດຊຸມຊົນ ຕາມທີ່ໜ່ວຍງານ ສາທາຣະນະສຸຂ ທ້ອງຖິ່ນ ໄດ້​ຊີ້​ແຈງ​ໄວ້.

ບ່ອນທີ່ອາດມີການຕິດແປດຊຸມຊົນເກີດຂຶ້ນ ແລະ ເປັນບ່ອນທີ່ມີຄວາມສ່ຽງຫລາຍ ມີ ສອງ ກໍຣະນີ ຕົວຢ່າງ:

  • ບ່ອນ​ທີ່​ມີຜູ້​ສູງ​ອາ​ຍຸ ເຖົ້າແກ່ຊະຣາອາ​ສັຍ​ຢູ່, ຢູ່ຕາມ​ສະ​ຖານ​ທີ່ ເບິ່ງ​ແຍງ ຜູ້ສູງ​ອາ​ຍຸ.
  • ເຂດຊົນນະບົດ ຫ່າງ​ໄກ​ສອກ​ຫລີກ ທີ​ມີ ຊຸມຊົນຄົນເຜົ່າ​ພື້ນ​ເມືອງ ອາໂບຣີຊີນໂນນ ແລະ ຊາວເກາະ ຕໍແຣສສະເຕຣດ ໄອ​ແລນ​ເດີ້ ອາ​ສັຍ​ຢູ່.
  • ຄຸກ, ສູນກັກຂັງຄົນ​ທົ່ວ​ໄປ ແລະ ສະຖານການດັດສ້າງ ດັດສັນ​ດານ.
  • ຖານທັບທະຫານ(ຮວມທັງກຳປັ່ນເຮື​ອ​ຮົບ ຂອງກອງກຳ​ລັງທັບເຮືອ).

ຣັຖບານ ອອສເຕຣເລັຍ ໄດ້ຕົກລົງວ່າການກວດຈະຂະຫຍາຍໄປ​ກວມ​ເອົາຄົນເຈັບ ໃນໂຮງພະຍາບານ ທີ່ມີ​ອາ​ການ​ໄຂ້ຄີງຮ້ອນ ແລະ ອາ​ການ ຂອງຣະ​ບົບ ຫາຍ​ໃຈ​ຝືດ ໂດຍບໍ່ຮູ້ສາຍເຫດ ແຕ່​ກໍ​ຈະຂຶ້ນກັບ ທ່ານໜໍ ທີ່ປິ່ນປົວຢູ່. ແຜນ​ການ​ດັ່ງ​ກ່າວນີ້ ເປັນກົດເກນຂັ້ນຕ່ຳສຸດ.

ຣັຖ ແລະ ເຂດ​ປົກ​ຄອງ (territories) ມີອຳນາດຂະຫຍາຍກົດເກນຂອງພວກເພີ່ນເອງ ສຳຮັບ ການກວດ ຊຶ່ງ​ຈະອີງ​ຕາມຄວາມສາມາດ ຂອງ​ແຕ່​ລະ​ຣັ​ຖ ແລະ ເຂດ​ປົກ​ຄອງ.

ມີ​ການ​ປິ່ນ​ປົວ ໄວຣັສຕ໌ ແບບໃດ?

ປະ​ຈຸ​ບັນ ຍັງບໍ່ທັນມີການປິ່ນປົວສະເພາະ ສຳລັບ ໂກໂຣນາໄວຣັສຕ໌, ສ່ວນໃຫຍ່ ຫາກ​ມີອາການຕິດ​ເຊື້ອ ກໍ​ຈະຖຶກປິ່ນປົວ ໂດຍການເບີ່ງ​ແຍງດູແລ ຊູໄວ້ໃນດ້ານການແພດ. ຢາ ກັນ​ອັກ​ເສບ Antibiotics ກໍ​ໃຊ້ບໍ່ໄດ້ຜົນໃນການຕໍ່ສູ້ ປ້ອງ​ກັນ ໄວຣັສຕ໌ນີ້.

ໃຜແດ່​ຈະມີຄວາມສ່ຽງທີ່ສຸດກັບ ການທີ່ຈະຕິດ​ເຊື້ອ ແລະ ເຈັບປ່ວຍຮຸນ​ແແຮງ?

ບາງຄົນທີ່ ຕິດ​ເຊື້ອ ອາດຈະບໍ່ ມີ​ອາ​ການເຈັບປ່ວຍຈັກດີ້ເລີຍ, ບາງຄົນຈະມີອາການ ອ່ອນໆເບົາໆ ທີ່ພວກຂະເຈົ້າຈະ ຟື້ນດີຄືນໄດ້ຢ່າງງ່າຍດາຍ, ແລະ ຄົນອື່ນໆອາດເຈັບປ່ວຍຮຸນ​ແແຮງ ແລະ ໄວວາຫລາຍ.

ຈາກປະສົບການ ກ່ອນໜ້ານີ້ກ່ຽວກັບ ໂກໂຣນາໄວຣັສຕ໌, ຄົນທີ່ມີຄວາມສ່ຽງທີ່ສຸດ ກັບການ ຈະ​ຕິດ​ເຊື້ອ ແລະ ເຈັບ​ປ່ວຍ ແມ່ນ:

  • ຄົນທີ່ມີຣະບົບພູມຕ້ານທານ​ຕ່ຳ (ຄົນທີ່ເປັນໂຣ​ຄມະເຮັງ, ຜູ້​ສູງ​ອາ​ຍຸ ເຖົ້າແກ່ຊະຣາ)
  • ຄົນ ອາໂບຊີນໂນນ ແລະ ຊາວເກາະ ໂຕເຣສສະເຕຼດທ໌ ໄອ​ແລນ​ເດີ້, ເພາະພວກຂະເຈົ້າ ມັກມີຄົນ ປ່ວຍເຈັບໂຊ ແບບຊຳເຮື້ອຢູ່​ ຫລາຍແລ້​ວ.
  • ບັນ​ດາຄົນທີ່ມີອາການ ເປັນ​ໂຣ​ຄຊຳເຮື້ອ ຢູ່​ກ່ອນ​ແລ້ວ.
  • ບັນ​ດາ ຄົນທີ່ມີ ສະພາບການ​ຢູ່ຮ່ວມ​ກັນ ເປັນໝູ່ຄະນະ ໃກ້​ຊິດ​ແໜ້ນໜາ​ແອ​ອັດ.
  • ຄົນທີຢູ່ໃນບ່ອນຖືກກັກຂັງ.
  • ບັນ​ດາ ເດັກນ້ອຍ ແລະ ເດັກ​ທາ​ຣົກ.

ເຖິງ​ຢ່າງ​ໃດ​ກໍ​ຕາມ ຮອດ​ປະ​ຈຸ​ບັນ ຄວາມສ່ຽງຂອງການ​ຕິດ​ແປດ ຕໍ່ ເດັກນ້ອຍ ແລະ ເດັກ​ທາ​ຣົກ ຂອງ​ເຊື້ອ ໂກວິດ-19 ແມ່ນຍັງບໍ່ແຈ່ມແຈ້ງ. ແລະ​ຮອດ​ປະ​ຈຸ​ບັນ ມີກໍຣະນີ ໂກວິດ-19 ທີ່ຖືກຢັ້ງຢືນແລ້ວວ່າມີໜ້ອຍໃນກຸ່ມບັນ​ດາເດັກນ້ອຍໆ, ເມື່ອ​ທຽບ​ໃສ່ກັບຍາດຕິພີ່ນ້ອງໃກ້​ຄຽງ ​ແລະ ພົລະເມືອງ​ອື່ນໆທົ່ວໄປ ໃນ​ຊຸມ​ຊົນ.

ທ່ານຈະສາມາດປ້ອງກັນການແພ່ຣະ​ບາດ ຂອງ ໂກວິດ-19 ໄດ້ແບບໃດ?

​ຕ້ອງ​ຮັກ​ສາ ເຮັດໃຫ້ ມື​ສະ​ອາດ ຕ​ລອດ​ເວ​ລາ, ຕ້ອງ​ໃຊ້​ຄວາມ​ລະ​ມັດ​ລະ​ວັງ​​ເມື່ອ​ຈາມ ຫລື ໄອ ແລະ ຕ້ອງ​ຮັກ​ສາ​ລະ​ຍະ​ຫ່າງ​ຈາກຄົນ​ອື່ນ ໂດຍ​ສະ​ເພາະເມື່ອທ່ານເຈັບປ່ວຍບໍ່​ສະ​ບາຍ. ແລະ ນີ້ແມ່ນເປັນ ກິ​ຈ​ການ ອັນດີເລີດໃນການປ້ອງກັນ ໄວຣັສຕ໌.

ທ່ານຄວນ:

  • ລ້າງມືເລື້ອຍໆໂດຍໃຊ້ສະບູ ກ່ອນແລະຫລັງກິນອາຫານ ແລະ ຫລັງຈາກ​ທີ່​ໄດ້ໄປໃຊ້ຫ້ອງນ້ຳ.
  • ປົກປິດ ອັດ​ປາກ​ອັດ​ດັງ​ ເມື່ອໄອ ແລະ ຈາມ, ໃຊ້ເຈັ້ຍ ທິດຊີວ ແລ້ວ​ຖິ້ມ​ໃຫ້​ຖືກ​ສະ​ຖານ​ທີ່ ແລະ ໃຫ້ໃຊ້ນ້ຳຢາອະນາມັ​ຍ ລ້າງມື ທີ່ຮູ້​ວ່າ Hand Sanitiser ຫ​ລື ​ທີ່ ຄົນ​ລາວ​ເຮົາ ຮ້ອງວ່າ ເຫຼົາເກົ້າສິບ ເປັນພື້ນຖານ.

ຖ້າຫາກທ່ານບໍ່ສະບາຍ ໃຫ້ຫລີກລ້ຽງການແຕະຕ້ອງຈັບ​ບາຍຄົນອື່ນ (ຕ້ອງຢູ່​ຫ່າງ​ຈາກຄົນອື່ນຢ່າງ​ຕ່ຳ 1.5 ແມດ).

ໝົດ​ທຸກ​ຄົນ ຕ້ອງ​ມີຄວາມຮັບຜິດຊອບ ສ່ວນໂຕ ແລະ ຕ້ອງ​ພະ​ຍາ​ຍາມ ຢູ່​ໃນບ້ານໃນເຮືອນ ເປັນ​ສ່ວນ​ໃຫຍ່ ເທົ່າທີຈະເປັນໄປໄດ້.

ໃຜຈຳເປັນຕ້ອງແຍກໂຕຢູ່ ຜູ້​ດຽວ?

(ກ) ທຸກຄົນທີ່​ເຂົ້າມາຮອດ ອອສເຕຣເລັຍ ຫລັງເວ​ລາທ່ຽງຄືນຂອງວັນທີ 15 ມີນາ 2020 ຫລື ເຂົ້າ​ໃຈ​ວ່າພວກຂະເຈົ້າອາດໄດ້ ພົວ​ພັນໃກ້ຊິດກັບກໍຣະນີ ຜູ້​ປ່ວຍທີ່ໄດ້ຖຶກຢັ້ງຢືນວ່າຕິດເຊື້ອ ໂກວິດ-19 ແລ້ວ ແມ່ນຕ້ອງແຍກໂຕເອງຢູ່​ໂດດ​ດ່ຽວ ຫລື​ ທີ່​ຮູ້​ວ່າ self quarantine ເປັນເວລາ 14 ​ມື້.

(ຂ) ຄົນເດີນທາງທຸກໆຄົນທີ່ມາຮອດ ອອສເຕຣເລັຍ ຫລັງທ່ຽງຄືນຂອງວັນທີ 28 ມີນາ 2020 ຈຳເປັນຕ້ອງແຍກໂຕເອງ ເປັນເວລາ 14 ມື້ໄປຢູ່​ຕາມສະຖານທີ່ຊຶ່ງ​ທາງ​ການ​ໄດ້ບົ່ງໄວ້ (ຕົວຢ່າງ ໂຮງແຮມ).

(ຄ) ຖ້າຫາກທ່ານຖຶກກວດພົບ​ວ່າ ມີ​ອາ​ການ​ຂອງ​ໂຮ​ຄ ໂກວິດ-19 ທ່ານຈຳຕ້ອງຢູ່​ໃນ​ບ້ານ​ໃນເຮືອນ ຢ່າງ​ອັ​ຕະ​ໂນ​ມັດ:

ບໍ່ໃຫ້ໄປສະຖານທີ່ສາທາຣະນະ ເຊັ່ນໄປການ, ໂຮງ​ຮຽນ, ມະຫາວິທຍາລັຍ, ສູນກາງການຄ້າ, ຫລື ບ່ອນດູແລເດັກ.

ໃຫ້ຄົນອື່ນເອົາອາຫານ ແລະ ສິ່ງຂອງ​ເຄື່ອງ​ໃຊ້ ຈຳເປັນອື່ນໆ ມາໃຫ້ທ່ານ ໂດຍ​ປະໄວ້ ຢູ່ປະຕູໜ້າບ້ານ, ຫ້າມ ບໍ່ໃຫ້​ເຂົ້າ​ໄປ ໃນ​ເຮືອນ.

ຢ່າໃຫ້ຄົນມາຢາມເຂົ້າໄປ ໃນເຮືອນ - ມີ​ພຽງ​ແຕ່ ຄົນໃນ​ຄອບ​ຄົວ​ດຽວ ທີ່ຢູ່ກິນນຳທ່ານໂດຍປົກກະຕິເທົ່ານັ້ນ ຈຶ່ງຄວນຢູ່ໃນເຮືອນຂອງທ່ານໄດ້, ແຕ່​ກໍ​ຍັງ​ຕ້ອງ ເວັ້ນ​ລະ​ຍະ​ວ່າງ ລະ​ວ່າງ​ບຸກ​ຄົນ ຄື ຕ້ອງ keep social distancing.

ການເວັ້ນ​ລະ​ຍະ​ວ່າງ ລະ​ວ່າງ​ບຸກ​ຄົນ ຫລື social distancing ເປັນວິທີ ນຶ່ງ ທີ່​ຈະຊ່ວຍປ້ອງ​ກັນ ແລະ ເຮັດໃຫ້ ການແ​ພ່ຣະ​ບາດ ຂອງໄວຣັສຕ໌ ໂກວິດ-19 ຊ້າ​ລົງ..

ການ ເວັ້ນ​ລະ​ຍະ​ວ່າງ ລະ​ວ່າງ​ບຸກ​ຄົນ ຫາກມີຄວາມຫ່າງກັນຫລາຍເທົ່າໃດ ​ລະວ່າງທ່ານ ແລະ ຄົນອື່ນໆແມ່ນແຮງເຮັດໃຫ້ຍາກຊາຂຶ້ນຕື່ມ ທີ່ ໂກວິດ-19 ຈະແ​ພ່ຣະ​ບາດ.

ຊຶ່ງ​ເມື່ອ​ມີ social distancing ກໍ​ຈະຫລີກລ້ຽງການແຕະຕ້ອງຈັບ​ບາຍ ວັດຖຸສິ່ງ​ຂອງ ຫລື ພື້ນຜີວ ຕ່າງໆ (ເຊັ່ນ ໄລ​ປະ​ຕູ ຫລື ໜ້າໂຕ໋ະ) ທີ່ມີເຊື້ອພະຍາດ ຈາກການໄອ ຫລື ຈາມ ຂອງ​ຜູ້​ທີ່ ໄດ້​ຖືກ ຢັ້ງຢືນວ່າຕິດ​ເຊື້ອ ໂກວິດ-19 ແລ້ວນັ້ນ.

ຂ້ອຍສາມາດໄປຢ້ຽມຢາມສະ​ມາ​ຊິກຄອບຄົວ ຫລື ເພື່ອນໆທີ່ອາ​ສັຍຢູ່ໃນສະຖານທີ່ເບິ່ງ​ແຍງ​ຜູ້​ສູງ​ອາ​ຍຸ  ແລະ ຄົນແກ່ຊະຣາໄດ້ບໍ່?

ການຣະບາດຂອງເຊື້ອ ໄວຣັສຕ໌ ໃດໆ ຢູ່ໃນສະຖານທີ່ ເບິ່ງ​ແຍງ​ຜູ້​ສູງ​ອາ​ຍຸ  ແລະ ຄົນແກ່ຊະຣາ ກໍສາມາດສ້າງບັນຫາອັນ​ໃຫຍ່​ຫລວງມາກມາຍຂຶ້ນໄດ້ ຍ້ອນ​ວ່າ ໂກວິດ-19 ມີຄວາມສ່ຽງ ແລະ ເປັນ ອັນ​ຕະ​ລາຍ ຮ້າຍແຮງ ໂດຍສະເພາະ ຕໍ່ ຜູ້​ສູງ​ອາ​ຍຸ ແລະ ຄົນຊະຣາ.

ເພື່ອເປັນການປ້ອງກັນ ຜູ້​ສູງ​ອາ​ຍຸ ແລະ ຄົນຊະຣາທີ່​ອາ​ສັຍ​ຢູ່ ໃນສະຖານທີ່ ເບິ່ງແຍງດູແລຄົນຊະຣາ ຈຶ່ງ​ໄດ້​ມີກົດ​ເກນຕ້ອງຫ້າມຕ່າງໆ ຄື:

  • ຢ່າໄປຢ້ຽມຢາມສະຖານທີ່ ເບິ່ງແຍງດູແລຄົນຊະຣາ ຖ້າຫາກວ່າທ່ານ:

ກັບມາຈາກຕ່າງປະເທດໃນລະ​ຍະ​ເວ​ລາ 14 ມື້ຜ່ານມາ.

  • ໄດ້​ຕິດ​ຕໍ່​ພົວ​ພັນໃກ້ຊິດກັບ ຜູ້​ປ່ວຍທີ່ຖືກຢັ້ງຢືນວ່າ​ຕິດ​ເຊື້ອ ໂກວິດ-19 ໃນ 14 ມື້ທີ່ຜ່ານມາ.
  • ມີອາ​ການໄຂ້ ຄີງຮ້ອນ ຫລື ມີວີ່ແວວຂອງການຕິດເຊື້ອ ກ່ຽວ​ກັບ​ຣະ​ບົບ​ຫາຍ​ໃຈ (ຮວມ​ທັງ: ໄອ, ຈາມ, ເຈັບຄໍ, ຫາຍໃຈບໍ່​ສະ​ດວກ).

ຂ້ອຍຄວນໃສ່ໜ້າກາກອະ​ນາ​ມັຍ ຫລື face mask ບໍ່?

ການໃສ່ໜ້າກາກອະ​ນາ​ມັຍ ຫລື face mask ເມື່ອ​ຢູ່​ໃນສະ​ຖານ​ທີ່ ສາ​ທາ​ຣະ​ນະ ເປັນປະໂຫຍດ ໃນການປ້ອງກັນຄົນທີ່​ປ່ວຍເປັນ ໂກວິດ-19 ຈາກການແພ່ຣະ​ບາດ ຕໍ່ໃສ່ຄົນອື່ນເທົ່ານັ້ນ. ​ແຕ່ຖ້າຫາກທ່ານສະບາຍດີ ບໍ່​ມີ​ອາ​ການ​ປ່ວຍ ກໍບໍ່ຈຳເປັນຈະໃສ່ໜ້າກາກອະ​ນາ​ມັຍ ເພາະບໍ່ມີຫລັກຖານພຽງ​ພໍ ກ່ຽວກັບການໃສ່ໜ້າກາກ ໃນ​ໝູ່​ຄົນ ທີ່ມີສຸຂພາບດີ ວ່າ​ຈະ​ປ້ອງ​ກັນ ການ​ຕິດ​ແປດ ເຊື້ອ ໂກວິດ-19 ໃນສະ​ຖານ​ທີ່ ສາທາຣະນະ ໄດ້.

ຖ້າຫາກທ່ານຈຳ​ເປັນ​ຕ້ອງຖືກໃຫ້ແຍກໂຕຢູ່​ຫ່າງ​ຜູ້​ອື່ນ ຫລື​ ຊຸມ​ຊົນ ທ່ານຄວນໃຊ້ໜ້າກາກ ອະ​ນາ​ມັຍ (ຖ້າຫາກທ່ານມີ) ແລະ ຫາກ​ທ່ານ​ຢູ່ໃນສະຖານະພາບດັ່ງຕໍ່ໄປນີ້​:

  • ທ່ານຈຳ​ເປັນຕ້ອງອອກຈາກບ້ານເຮືອນໄປ ເພື່​ອ ປະ​ກອບ​ກິ​ຈ ຫລື ​ເພື່ອເຫດຜົນອັນໃດອັນນຶ່ງ ແລະ ຈຳ​ເປັນຈະຢູ່ໃນ ສະ​ຖານ​ທີ່ ສາທາຣະນະ.
  • ທ່ານໄປ ກວດ​ສຸ​ຂ​ພາບ ກັບ​ທ່ານ​ໝໍ.
  • ທ່ານຮູ້​ສຶກວ່າ ມີ​ອາ​ການ​ປ່ວຍ ແລະ ມີຄົນອື່ນຢູ່ໃນຫ້ອງ​ດຽວຮວມກັນກັບທ່ານ.

 

ການເດີນທາງອອກຈາກ ຫລື ເຂົ້າມາພາຍໃນ ປະເທດ ອອສເຕຣເລັຍ

  • ຄົນ ອອສເຕຣລຽນ ຈຳຕ້ອງ ຫລີກລ້ຽງການເດີນທາງພາຍໃນປະເທດ ທີ່ບໍ່ຈຳເປັນ.​ ທຸກໆຣັຖ ແລະ ເຂດ​ປົກ​ຄອງ Territories ສາມາດອອກ​ກົດ​ເກນ ຄຳ​ສັ່ງຫ້າມ ​ການ​ເດີນ​ທາງ ພາຍ​ໃນ​ອະ​ນາ​ເຂດ ອຳ​ນາດ​ປົກ​ຄອງ​ຂອງ​ຕົນເອງ, ຮວມດ້ວຍການ ອັດຊາຍແດນ ແລະ ອື່ນໆ.
  • ຄົນ ອອສເຕຣລຽນ ທຸກໆຄົນໄດ້ຖືກຫ້າມບໍ່ໃຫ້ເດີນທາງໄປ ຕ່າງປະເທດນັບ​ຕັ້ງແຕ່ມື້ວັນທີ 25 ມີນາ 2020 ເປັນ​ຕົ້ນ​ມາ, ໂດຍມີຂໍ້ຍົກເວັ້ນບາງຢ່າງ ເຊັ່ນ ຄົນສັນຊາດ ອອສເຕຣລຽນ ເທົ່ານັ້ນ. ຄົນທີ່ຢູ່ໃນ ອອສເຕຣເລັຍ ແລະ ສະມາຊິກໂດຍກົງຂອງຄອບຄົວ ຂອງຄົນ ອອສເຕຣລຽນ ສາມາດເດີນທາງເຂົ້າ​ມາ ອອສເຕຣເລັຍໄດ້.

ສຳຮັບຂໍ້ມູນຕື່ມອີກ ໃຫ້ເບິ່ງ http://www.homeaffairs.gov.au/news-media/current-alert/novel-coroavirus  

  • ຄົນທີ່ເດີນທາງເຂົ້າ​ມາ ອອສເຕຣເລັຍ ທຸກ​ຄົນ ຕ້ອງໄດ້ແຍກກັກໂຕ ເປັນ​ເວ​ລາ 14 ມື້ ຢູ່ບ້ານເຮືອນ ຫລື ​ຢູ່ໂຮງແຮມ ທີ່​ທາງການໄດ້ກຳ​ນົດ​ໄວ້.
  • ຖ້າຫາກຄົນເດີນທາງເຂົ້າ​ມາ ພາຍ​ໃນ​ປະ​ເທດ ຝ່າ​ຝືນບໍ່ປະຕິບັດຕາມ ກົດ​ເກນການໃຫ້ແຍກໂຕ 14 ​ມື້ ກໍ​ອາດຈະໄດ້ປະເຊີນກັບການຖືກປັບໃໝ ເປັນ​ເງີນຈຳນວນນຶ່ງ ຂຶ້ນຢູ່​ກັບ ແຕ່ລະ ຣັຖ ແລະ ​ເຂດ​ປົກ​ຄອງ Territory.

ໃຫ້ເບິ່ງ​ກົດ​ເກນ​ໃນ www.smartraveller.gov.au ສຳຮັບຂໍ້ມູນເພີ້ມຕື່ມ ແລະ

ອັບເດດຕ໌.

 

ໃນ ອອສເຕຣເລັຍ ທາງ​ການ ຄວບຄຸມການແພ່ຣະບາດ ເຊື້ອ ໂກວິດ-19 ແບບໃດ?

ນາຍົກຣັຖມົນຕຣີ ອອກ​ມາຕ​ການ Emergency Response Plan for Novel Coronavirus (COVID-19) ແລ້ວ.

ຫາກ​ຢາກ​ຮູ້ ວິທີ ເອົາ​ມາ​ຕການຄວບ​ຄຸມ ໂກວິດ-19 ຂອງ ຣັຖບານ ອອສເຕຣເລັຍ ໃຫ້ເບິ່ງຂໍ້​ມູນ Government response to the outbreak.

​ສ່ວນຂໍ້ມູນເພີ້ມເປັນພາສາອັງກິດ ໃຫ້ເບິ່ງ health.gov.au/news/health-alerts/novel-coronavirus-2019-ncov-health-alert