ໂກວິດ -19 ມັນເປັນພະຍາດທີ່ຮ້າຍແຮງແລະຮ້າຍກາດທີ່ມາຈາກ ສປປຈີນ.
ມັນບຸກຣຸກທຸກໆຄົນໄດ້ໂດຍມັນບໍ່ໄວ້ໜ້າໃຜຫຼືຖືຊາວ່າແມ່ນຜູ້ນັ້ນຜູ້ນີ້ແລະບໍ່ຍ້ານ
ບໍ່ກົວອຳນາດໃດໆທັງສິ້ນ.
ໃນວັນສຸກທີ 29 ສິງຫາ 2020 ກະຊວງສາທາຣະນະສຸກນີວຊາວແວນລ໌ເອົາຫໍ
ວັທນະທັມລາວ ນີວຊາວແລນລ໌ ເປັນບ່ອນກວດເບິ່ງພະຍາດ ໂກວິດ-19 ໃຫ້
ແກ່ຄົນທົ່ວໄປເພາະສະຖານທີ່ດັ່ງກ່າວເໜາະສົມຮອບດ້ານ.
ໃນການກະທຳດັ່ງນັ້ນ ຊຸມຊົລາວ ນີວຊາວແວນລ໌ກໍພາກັນໄປໃຫ້ກວດເບິ່ງພໍ
ສົມຄວນ.
ແຕ່ກະທັ້ງທີ່ວ່າທ່ານ ເດດ ສີແສງຣັດ ປະທານສະມາຄົມສົ່ງເສີມຊຸມຊົນລາວ
ໃນຣັດນີວຊາວແວນລ໌ ທີ່ເປັນເຈົ້າຂອງຂອງສະຖານທີ່ດັ່ງກ່າວ ຮຽກຮ້ອງໃຫ້
ຊຸມຊົນລາວເຮົາໄປໃຫ້ກວດເບິ່ງ ໂກວິດ-19 ຢູ່ທີ່ຫໍວັທນະທັມລາວນະທີ່ວັດພະ
ຍອດແກ້ວກໍຕາມ ແມ່ນວ່າມັນກໍຍັງມີບາງຜູ້ບາງຄົນຂອງຊຸມຊົນນັ້ນຍັງບໍ່ໄດ້
ໄປໃຫ້ກວດເບິ່ງເທື່ອ.
ທ່ານຮຽກຮ້ອງໃຫ້ທຸກໆຄົນຈົ່ງໄປໃຫ້ກວດເບິ່ງ ໂກວິດ-19 ເພື່ອຜົນປະໂຫຍດ
ຂອງທຸກໆຄົນ ທັງກໍກ່າວວ່າມີຄົນລາວນີວຊາວແວນລ໌ປະມານສິບຄົນເປັນ
ໂກວິດ-19 ແລ້ວ.
ຈັ່ງໃດກໍຕາມໃນວັນສຸກ ທີ 4 ກັນຍາ 2020 ນະທີ່ວັດພະຍອດແກ້ວກໍຈະມີການ
ກວດ ໂກວິດ-19 ໃຫ້ຄົນທັງຫຼາຍອີກ.
ໂກວິດ-19 ມັນຈະແອບແຝງຢູ່ກັບມະນຸດຢູ່ຕໍ່ໆໄປຢູ່ ໂດຍທີ່ວ່າມັນຈອບກິນຫົວ
ພວກເຮົາຢູ່ສເມີໄປ.
ດ້ວຍເຫດນີ້ຂໍໃຫ້ທຸກຄົນຈົ່ງຣະມັດຣະວັງກ່ຽວກັບ ໂກວິດ-19 ແທ້ໆແລະໄປໃຫ້
ກວດເບິ່ງ.
ແລະທາງການສາທາຣະນະສຸກນນີວຊາວແວນລ໌ກໍຮຽກຮ້ອງໃຫ້ຄົນທັງຫຼາຍຈົ່ງໃສ່
ໜ້າກາກອານາມັຍດ້ວຍ.
