(ນີ້ເປັນບົດຂຽນ. ກະຣຸນາ ຟັງບົດຄວາມເປັນສຽງດ້ວຍ. ຂອບໃຈ)
ເສຖກິດທົ່ວປະເທດອອສເຕຼເລັຍຕົກຕ່ຳຄຸກພື້ນ "ຣີເຊັດຊັນ" ທີ່ຈະໃຊ້ເວລາຍາວນານຈຶ່ງຈະຟື້ນຄືນໄດ້.
ສຳຮັບຣັດວິກຕໍເຣັຍແລ້ວອາດດູເດົາໄດ້ວ່າເສຖກິດຄົງເຮີະຮ້າຍກ່ວານັ້ນອີກເພາະວິກຕໍເຣັຍເປັນ ໂກວິດ-19 ຮອບສອງຈົນວ່າມີການບັນຍັດມາຕການສຸກເສີນຣະດັບສີ່ຂຶ້ນຍາວນານເຕີບສຳຮັບນະຄອນແມນລ໌ເບີນແລະບາງເຂດໃກ້ຄຽງ ໂດຍທີ່ວ່າທົວຣັດນັ້ນຖືກມາຕການສາມຄວບຄຸມ.
ໂຊກດີແດ່ ເພາະຍ້ອນມາຕການອັນເຂັມຮວດສອງຢ່າງນັ້ນ ບັດນີ້ ຊົນນະບົດວິກຕໍເຣັຍປັສຈາກຈາກມາຕການສາມແລ້ວ ຄືຫຼຸດໄປຢູ່ໃນມາຕການສອງແລ້ວ. ແມນລ໌ເບີນ ນັ້ນ ໃນມື້ນີ້ 23-9-20 ຍັງຄ່າຢູ່ໃນມາຕການສີ່ຢູ່ ແຕ່ມີຄາດຄະເນວ່ານັ້ນຈະຫຼຸດລົງໄປຢູ່ໃນມາຕການສາມຫຼັງຈາກວັນທີ່ 28-9-20...
ໃນຊົນນະບົດຣັດວິກຕໍເຣັຍ ມີຄົນລາວທຳມາຫາກິນ ໂດຍສະເພາະໃນເມືອງໃຫຍ່ຕ່າງໆ.
ພວກເຫຼົ່ານີ້ມີອາຊີບແຕກຕ່າງກັນຕາມຄວາມສຳນິສຳນານຂອງແຕ່ໃຜມັນ ແຕ່ກໍມີບາງຜູ້ບາງຄົນເຮັດທຸຣະກິດ ດັ່ງ ເຮັດຮ້ານອາຫານ.
ແຕ່ນີ້ບໍ່ແມ່ນຮ້ານອາຫານລາວ. ມັນແມ່ນຮ້ານອາຫານ ທີ່ບໍຣິການອາຫານໄທຍ໌.
ຮ້ານນຶ່ງນັ້ນແມ່ນ ຮ້ານ ໂບ ໄທຍ໌ ທີ່ຕັ້ງຢູ່ໃນເມືອງ ຈີ່ລອງ ວິກຕໍເຣັຍ.
ກ່ອນໜ້າວິກຕໍເຣັຍເກີດມີວິກິດ ໂກວິດ-19 ຮອບນຶ່ງແລະສອງ ໂບ ໄທຍ໌ ຄ້າໄດ້ຂາຍໜານພໍສົມຄວນ...
ແຕ່ເກີດມີບັນຫາຕ່າງໆດັ່ງທຸຣະກິດຮ້ານອາຫານທົ່ວໄປ ເຖິງວ່າ"ເກືອບຕາຍ"ຍ້ອນ...
ໃນເວລານີ້ ຍ້ອນຊົນນະບົດວິກຕໍເຣັຍຫັນໄປໃຊ້ມາຕການສອງຕໍ່ຕ້ານ ໂກວິດ-19 ແລ້ວ ໂບ ໄທຍ໌ ກໍຫັນທຸຣະກິດຂຶ້ນແລ້ວ ແຕ່ ໂກວິດ-19 ມັນຍັງອາຣະວາດໃນທຸກຫົນແຫ່ງຢູ່.
ດ້ວຍເຫດນີ້ໂຊກສະຕາກັມຂອງ ໂບໄທຍ໌ ຈະເປັນແນວໃດໃນອານາຄົດ?
ນີ້ຕອບໄດ້ຍາກແທ້ໆ...
(ນີ້ເປັນບົດຂຽນ. ກະຣຸນາ ຟັງບົດຄວາມເປັນສຽງດ້ວຍ. ຂອບໃຈ).
