Дејан Георгиевски освои "историско" прво сребро за Македонија на Олимписките игри

Она што го вети пред заминувањето на Олимписките игри во Токио, Дејан Георгиевски и го исполни. Во дисциплината таеквондо го освои сребрениот медал и на Mакедонија и го донесе вториот медал по осамостојувањето.

Silver medalist Dejan Georgievski raises the Macedonian flag after the finals at Tokyo 2020 Olympics Games Source: Valery Sharifulin\TASS via Getty Images

Дејан Георгиевски го оствари најголемиот успех за Македонија на Олимписките игри по осамостојувањето откако го освои сребрениот медал во дисциплината таеквондо.

Младиот 22-годишен таеквондист во финалето загуби од фаворитот на игрите Владислав Ларкин од Русија со 15:9. Пред Георгиевски, олимписки медал освои и Могамед Ибрагимов во борење на ЛОИ во Сиднеј 2000 година кога се закити со бронзениот медал.

Silver medalist Dejan Georgievski poses on the podium after the the taekwondo men's +80kg medal bouts during the Tokyo 2020 Olympic Games Source: JAVIER SORIANO/AFP via Getty Images

На патот до финалето, Георгиевски во еден ден забележа три победи. Најпрвин го совлада актуелниот светски првак Рафаел Алба Кастилјо од Куба, потоа го елиминира и Сајду Гбане од Брегот на Слоновата Коска а патот до финалето си го обезбеди со победата над Кјо Дон Ин од Јужна Кореја.

Дејан Георгиевски е член на таквондо клубот Бутел а досега во кариерата има освоено ѕлато и сребро на европските првенства.

Со освојувањето на сребрениот медал Дејан Георгиевски стана 11-от Македонец кој освојува медал на ЛОИ.