Нови врски за соработка меѓу македонската дијаспора и дипломатско конзуларните претставништа

Според Генералниот конзул на Р. Македонија во Мелбурн, Сања Зографска-Крстеска новите линкови на МНР ќе помогнат во соработката и споделувањето позитивни искуства на дијаспората со матичната држава особено со македонската заедница во Австралија.

Macedonian flags at Federation Square in Melbourne Source: SBS

Во врска со одложениот попис за септември 2021 година, Генералниот конзул Сања Зографска-Крстеска информира дека дијаспората ќе може да продолжи да се самопопишува до 30 септември 2021 година и дека досегашните реализирани самопопишувања остануваат валидни.

За подетално информирање, линк од измените на законот за попис.

https://dejure.mk/zakon-izmena/zakon-za-izmenuvanje-i-dopolnuvanje-na-zakonot-za-popis-na-naselenieto-domakjinstvata-i-stanovite-vo-republika-severna-makedonija-2021-godina

Почнувајќи од 16 април о.г. на веб страната на МНР е поставен линк

https://www.mfa.gov.mk/mk/page/1771/kolku-ste-zadovolni-od-konzularnite-uslugi 

со кој, преку прашалник и директен телефонски број, нашите граѓани ќе можат да ги споделат своите искуства при барање одредена конзуларна услуга и контакт со ДКП-то.

Почнувајќи од 20 април, на веб страната на МНР е поставен линк со прашалник за дијаспората https://www.mfa.gov.mk/mk/page/1772/anketa-dijaspora

Целта на прашалникот е преку одговори, поврзани со професијата, да се обезбеди поголема инклузивност и да се добие соодветен инпут за тоа како може да се подобри односот на нашата држава кон дијаспората и како дијаспората и секој нејзин претставник може, преку своите специфични знаења и вештини, да даде придонес во креирањето на внатрешните политики на земјава.