- Мнозинството нови случаи во Нов Јужен Велс се лица под 40 години
- Викторискиот премиер повикува на повисоки стапки на тестирање
- 17 нови, локално стекнати случаи во Aвстралиската капитална територија
- Нема нови случаи во Северната територија
Нов Јужен Велс
Нов Јужен Велс регистрираше 452 нови, локално стекнати случаи, од кои најмалку 50 биле во заедницата, додека биле заразни. Притоа, 75% од новите случаи се лица помлади од 40 години. Жена во доцните 70-ти години, која не беше вакцинирана, почина од КОВИД-19.
Се повикуваат жителите на Ленокс Хед да се тестираат, бидејќи се откриени фрагменти од КОВИД при тестирање на отпадни води во локален објект.
Премиерката Гладис Береџиклијан издаде специјален повик, да се вакцинираат лицата над 70 годишна возраст.
Викторија
Викторија забележа 24 нови, локално стекнати случаи, од кои три не се поврзани со познати епидемии. Десет случаи беа во заедницата додека беа заразни.
Премиерот Даниел Ендрјус, повикува на зголемување на тестирањето, особено во предградијата на областа Сент Килда, вклучувајќи ги Порт Филип и Бејсајд.
Последните 24 часа низ Австралија
- Aвстралиската капитална територија евидентира 17 нови, локално стекнати случаи, со што вкупниот број активни случаи во Канбера достигна 45. Сега во оваа територија има близу 100 места за изложеност.
- Северната територија бележи нула нови локално стекнати случаи од 1.846 тестови спроведени вчера.
- Квинсленд регистрира еден локално стекнат случај, кој бил во домашен карантин.
Source: ALC
Карантин и барања за тестирање управуваат и спроведуваат владите на државите и териториите:
Ако сакате да патувате во странство, можеби ќе можете да аплицирате преку Интернет за изземање. Кликнете овде за повеќе информации во врска со условите за напуштање на Австралија. Постојат привремени мерки за меѓународни летови кои редовно ги разгледува владата и ги ажурира на веб-страницата на Smart Traveller.
Релевантни упатства за Вашата држава или територија: NSW, Victoria, Queensland, Western Australia, South Australia, Northern Territory, ACT, Tasmania.
NSW Multicultural Health Communication Service - Мултикултурни здравствени комуникациски услуги на Нов Јужен Велс ги преведе:
Клиники за тестирање во секоја австралиска држава и територија
Информации за исплати поврзани со пандемијата во секоја држава и територија:
Посетете ја страницата на SBS на македонски на социјалната мрежа Фејсбук, за да бидете во тек со најновите информации за КОВИД-19 во Австралија.
