Денеска, понеделник, Австралија забележа 11 смртни случаи од КОВИД-19, вклучително, по пет во Нов Јужен Велс и Јужна Австралија. Исто така, Западна Австралија објави два историски смртни случаи.
Нов Јужен Велс сведочи пораст на бројот на лица примени во болница и на Одделот за интензивна нега во последните три недели. Пријавениот број хоспитализации денеска, понеделник, беше 1.470 наспроти 1.066 на 2 јуни. Приемите на Одделот за интензивна нега се зголемија од 28 на 58 во истиот период.
Слично на тоа, бројот на лица примени во болница се зголеми и во Квинсленд.
Проверете ги овде најновите трендови за нови случаи, хоспитализации и смртни случаи поврзани со КОВИД-19 во Австралија.
Студијата на Националниот центар за истражување и надзор за имунизација - the National Centre for Immunisation Research and Surveillance (NCIRS) и на Универзитетот на Нов Јужен Велс - UNSW Sydney, покажа дека процентот на луѓе заразени со KОВИД-19 е најмалку двапати pogolem од бројот на случаи пријавени кај властите.
Викторија ќе ги олесни тековните ограничувања за КОВИД-19 од петок, 24 јуни, во 24.59 часот.
Позитивните случаи сè уште треба да се изолираат седум дена, но можат да го напуштат домот за да возат член на домаќинството директно до или од образованата институција или на работа, без да го напуштат своето возило.
Тие исто така можат да излезат од дома за да добијат медицинска нега, тест за КОВИД-19 или во итен случај.
Од патниците повеќе нема да се бара да носат маски за лице на терминалите на аеродромот во Викторија. Сепак, маските сè уште се задолжителни во јавниот превоз, такси, споделен превоз, во авиони и во чувствителни услови како што се болниците и установите за нега.
Третата доза вакцината против КОВИД-19 повеќе нема да биде задолжителна за работниците во секторите образование, дистрибуција на храна, месо, преработка на морска храна и сместување во карантин.
Сепак, работниците кои комуницираат со ранливо лице, мора да примат три дози од вакцината против КОВИД-19. Таквите работници вклучуваат резиденцијална грижа за стари лица и грижа за лица со попреченост, здравствена заштита, служби за притвор, и итни случаи и полиција.
Со новите правила, ќе бидат отстранети ограничувањата на бројот на посетители во установите за нега, вклучително и резиденцијална нега на стари лица и инвалидитет. Нема да има ограничување на бројот на посетители што можат да ги видат и посетат жителите во овие објекти, доколку посетителите имаат негативен брз тест (RAT) тој ден.
Центрите за контрола и превенција на болести - The Centers for Disease Control and Prevention (CDC) во Соединетите американски држави одобрија вакцини против Ковид-19 за деца на возраст од шест месеци. Австралија дозволува вакцини против КОВИД-19 само кај деца на возраст од над пет години.
__________________________________________________________________________________________________________________________________
Прочитајте за вакцините против КОВИД-19 на македонски јазик
__________________________________________________________________________________________________________________________________
Најдете клиника за тестирање за КОВИД-19
Австралиската главна територија Нов Јужен Велс Северна Територија Квинсленд
Јужна Австралија Тасманија Викторија Западна Австралија
__________________________________________________________________________________________________________________________________
Доколку сте позитивни, регистрирајте ги вашите резултати од РАТ овде
Австралиската главна територија Нов Јужен Велс Северна Територија Квинсленд
Јужна Австралија Тасманија Викторија Западна Австралија
__________________________________________________________________________________________________________________________________
Дознајте што можете, а што не можете да правите насекаде во Австралија
Пред да тргнете во странство, проверете ги најновите барања и совети за патување
Ако ви треба финансиска помош, проверете кои се вашите опции
Еве помош за разбирање на стручните зборови поврзани со КОВИД-19 на македонски јазик
__________________________________________________________________________________________________________________________________
Прочитајте ги сите информации за КОВИД-19 на македонски јазик на порталот SBS Coronavirus
