Најнови информации за КОВИД-19: Нови заклучувања во околината на Сиднеј, западен Нов Јужен Велс и Aвстралиската капитална територија

Ова се најновите информации за Корона вирусот во Австралија, за 12 август 2021 година.

Overlooking Lake Burley Griffin with Dept. of Defence in the foreground, Captain Cook water jet centre and Black Mountain top right. (AAP Photo/Alan Porritt) Source: AAP Photo/Alan Porritt

Повеќе области во Нов Јужен Велс под построги заклучувања
Најавена е дополнителна поддршка за бизнисите во Мелбурн
Aвстралиската капитална територија влегува во заклучување денеска, од 17 часот
Јужноавстралијците можат да патуваат до Квинсленд со авион

Нов Јужен Велс

Нов Јужен Велс регистрираше 345 нови, локално стекнати случаи, од кои најмалку 60 активни во заедницата, додека биле заразни. Двајца мажи во 90-тите години од животот, починаа поради КОВИД-19.

Областите на локалната самоуправа Боган, Бурк, Бруарина, Кунамбл, Гилгандра, Наромин, Волгет и Ворен, преку ноќ беа додадени на списокот заклучени области во Нов Јужен Велс.

Бејсајд, Бурвуд и Стратфилд се предмет на дополнителни ограничувања за КОВИД-19, почнувајќи од денеска, од 17 часот, со што вкупниот број области на локалната самоуправа под заклучување во Сиднеј изнесува 12.

Најдете го тука списокот со клиники за вакцинација.

Викторија

Викторија регистрираше 21 нов, локално стекнат случај, од кои четири не се поврзани со познати епидемии. Шест случаи беа во заедницата додека беа заразни.

Министерот за работни места, иновации и трговија, Мартин Пакула, најави дополнителна поддршка за повеќе од 100,000 бизниси во Мелбурн, погодени од втората недела заклучување.

Најдете го тука списокот со центри за вакцинација.

Последните 24 часа низ Австралија

Територијата на главниот град на Австралија, го евидентира првиот локален случај со КОВИД-19 во текот на една година, и влегува во еднонеделно заклучување од денеска, во 17 часот.
Квинсленд регистрира 10 нови, локално стекнати случаи, сите поврзани со познати епидемии и ставени во карантин додека биле заразни.
Премиерката на Квинсленд, Палашчук, вели дека Јужноавстралијците можат да дојдат во Квинсленд со авион, и ги предупредува жителите да не ја преминуваат границата со Нов Јужен Велс.

Карантин, патувања, клиники за тестирање, исплати врзани за пандемски катастрофи

Карантин и барања за тестирање управуваат и спроведуваат владите на државите и териториите:

NSW Travel & transport and Quarantine

VIC Travel permit, Overseas travellers and Quarantine

ACT Transport and Quarantine

NT Travel and Quarantine

QLD Travel and Quarantine

SA Travel and Quarantine

TAS Travel and Quarantine

WA Travel and Quarantine

Ако сакате да патувате во странство, можеби ќе можете да аплицирате преку Интернет за изземање. Кликнете овде за повеќе информации во врска со условите за напуштање на Австралија. Постојат привремени мерки за меѓународни летови кои редовно ги разгледува владата и ги ажурира на веб-страницата на Smart Traveller.

Вести и информации на над 60 јазици на sbs.com.au/coronavirus

Релевантни упатства за Вашата држава или територија: NSW, Victoria, Queensland, Western Australia, South Australia, Northern Territory, ACT, Tasmania.