- Помладите луѓе се меѓу најпогодените во Нов Јужен Велс
- Викторија планира да вакцинира милион луѓе за пет недели
- Aвстралиската капитална територија (АКТ) забележа два локално стекнати случаи
- Патниците од АКТ во Квинсленд мора да одат во изолација
Нов Јужен Велс
Нов Јужен Велс регистрираше 390 нови, локално стекнати случаи и два смртни случаи. Најмалку 60 лица беа активни во заедницата за време на заразниот период.
Мнозинството од 25 ново-дијагностицирани случаи во Дабо и Волгет, се меѓу Абориџини, вклучително и деца.
Др. Мериен Гејл од NSW Health, вели дека во последните две недели, помладите возрасни лица, на возраст од 20-29 години, се меѓу најпогодените од КОВИД-19, и ги повикува сите да се вакцинираат.
Викторија
Викторија регистрираше 15 нови локално стекнати случаи, од кои четири не се поврзани со познати епидемии.
Премиерот Даниел Ендрјус, вели дека вакцината “АстраЗенека KОВИД-19” ќе биде достапна за сите на возраст над 18 години, во секој државен центар за вакцинација, и посочува дека владата сака еден милион луѓе да добијат вакцина во следните пет недели.
Последните 24 часа низ Австралија
- Квинсленд евидентираше седум нови, локално стекнати случаи. Од сабота, 14 август, секој што ќе пристигне од Aвстралиската капитална територија (АКТ) во Квинсленд, мора да оди во хотелски карантин.
- Властите на AКT потврдуваат над 3.000 блиски контакти и вкупно шест активни случаи.
- Бизнисите на Тасманија, кои погодени од затворање на границите и заклучувањата во други држави, од 17 август можат да аплицираат за грантови поради тешките услови.
Карантин, патувања, клиники за тестирање, исплати врзани за пандемски катастрофи
Карантин и барања за тестирање управуваат и спроведуваат владите на државите и териториите:
Ако сакате да патувате во странство, можеби ќе можете да аплицирате преку Интернет за изземање. Кликнете овде за повеќе информации во врска со условите за напуштање на Австралија. Постојат привремени мерки за меѓународни летови кои редовно ги разгледува владата и ги ажурира на веб-страницата на Smart Traveller.
Релевантни упатства за Вашата држава или територија: NSW, Victoria, Queensland, Western Australia, South Australia, Northern Territory, ACT, Tasmania.
NSW Multicultural Health Communication Service - Мултикултурни здравствени комуникациски услуги на Нов Јужен Велс ги преведе:
Клиники за тестирање во секоја австралиска држава и територија
Информации за исплати поврзани со пандемијата во секоја држава и територија:
Посетете ја страницата на SBS на македонски на социјалната мрежа Фејсбук, за да бидете во тек со најновите информации за КОВИД-19 во Австралија.
