На Македонскиот културен фестивал во Вилијамстаун пред присутните посетители во културно забавниот дел се претстави и младиот Никола Стојчевски со изведба на неколку ора на кларинет.
На неговата изведба никој не остана рамнодушен и сите прeпознаа иден талент на кларинет кој ќе продолжи да ги негува традицоналните македонски песни и ора.
За себе вели:
"Имам 14 години и ученик сум во Еммануел колеџ во Поинт Кук. Од пред 4 години започнав да вежбам на кларинет. Посетувам и музичко училиште во Хоторн. Во тајните на овој прекрасен музички инструмент ме упати мојот татко Горан кој исто така свири на кларинет и е моја инспирација.
Во музичкото училиште вежбам исклучиво класична музика но во слободното време ги вежбам и македонските песни и ора. Сакам и овде во Австралија да се слушат, да не се заборават, да продолжам да го негувам макеоднскиот мелос.
Во иднина сакам профисионално да се занимавам со музика и еден ден да станам учител по музика и тајните на кларинетот да им ги пренесувам на идните генерации" - вели Никола Стојчевски
