Саша Огненовски ќе настапи на Македонското Илинденско Дерби во недела на БТ Конор Резерв

Во недела на БТ Конор Резерв ќе се одигра Македонското Илинденско Дерби во Првата Државна Лига Северо-Запад помеѓу Престон Македонија и Сиденхем Македонија. За Лавовите од Резерво кои годинава слават 70 години од постоењето, најавено е дека ќе настапи и Саша Огненовски. Тоа ќе биде добра можност љубителите на фудбалот уште еднаш на дело да видат еден од најдобрите фудбалери во историјата на клубот кој последен пат настапи во 2004 година. 38 годишниот Огненовски својата кариера во Престон Македонија ја започна во 1999 година откако ги помина сите младински категории во клубот. Градејќи ја својата успешна кариера по настапите за Мелбурн Најтс, Грчкиот Паначаики па Фокна Блуз од 2006 година се сели во А-Лигата. Во Квинсланд Ро-денешен Бризбан Ро, останува две години, по што се сели во Аделаид Јунајтед. Во А-Лигата одигрува 77 натпревари. Во 2009 година Огненовски ја започнува меѓународната кариера во Сеонгхам Илхуа Чунма за да во 2010 година го предводи тимот како капитен, до освојувањето на титулата Азијски Шампион. Во финалето постигнува и еден гол и е прогласен за најдобар играч на финалниот натпревар но и за најдобар фудбалер на Азија за 2010 година. Во 2008 беше прогласен и за најдобар играч во Македонија, веднаш зад Горан Панчев.