Изложба на скулптури на македонскиот уметник од Австралија Роберт Михајловски

Ова е прва изложба на скулптури на Михајловски, кој е познат за австралиската и за македонската јавноста како графичар и сликар.

Македонскиот уметник од Австралија, Роберт Михајловски, се претстави пред австралиската јавност со четири скулпури, во рамките на групната изложба што одржува од 3 до 24 ноември, во галеријата Yarra Sculpture Gallery, во Аботсфорд, во Мелбурн. Михаловски изложува заедно со тројца други австралиски уметници.

Ова е прв скупторски обид на Михаловски, кој инаку е познат и етаблиран графичар и сликар.

"Обично не се сметам за скулптор, но ме интересираше страста за тродимензионална уметност и да сакав да преминам од дводимензионална кон концептуално ориентирана тродимензионална уметност.

„Домување“, во оваа скулптура Михaјловски користи цврсто дрво и други предмети, најдени во блокот стамбените згради социјални станови во Колингвуд. Намерното рудиментарното моделирање на објекти јасно покажува дека мојата намера е алегорична, вели авторот. (Дрво, метал, мермер, коска. Димензии: 39x19x14 cm)

Моите уметнички дела се создадени од предмети и парчиња дрво што ги најдов на пазарите.

Роберт Михаjловски

Михајловски комбинира елементи од класичните скулптури поставувајќи ги со кутии и материјали за пакување. На овој начин скулптурите и сликите едноставно станаа секојдневни алегориски уметнички дела.

„Седечки фигури“, тоа е скулптура инспирирана од „Децата седнати на клупа“ на Марисол Ескобар, вели Михаловски. Тоа е еклектичен пристап кон оваа скулптурална композиција која рефлектира многу лична интерпретација на современата фигуративна скулптура. (Дрво, метал, пластика. Димензии: 47x44x25 cm)

Како и со промената на статуата на Буда, јас намерно се обидувам да си поиграм со нашата желба за совршенство, целина и поим за вредност и естетика, користејќи напуштени и фрлени уметнички дела или артефакти, содавајќи ново уметничко дело.

Роберт Михаjловски

Тој исто така користеше предмет создаден од природата како инспирирација да создаде ново парче скулптура.

„Погранични војни“ - скулптура која одговора на палимпсестот каков што е австралиската историја. Откако ја прочитав книгата на Џеј Конор за војните на границата, создадов цврста скулптура од остатоци од дрво и разни материјали, што личи на мултиетнички објект со мулти-културни симболи, објаснува Михајловски. (Дрво, метал. Димензии: 64x97x45cm)

Јас сум графичар, но дводимензионалната слика не го задоволува мојот креативен импулс. Мојата намера беше да создадам уметничко дело со третата димензија.

Роберт Михаjловски

"Овоштарник“, Во оваа скулптура, Mихаловски вели дека ја соочува скулптурата на Буда со овошната кутија како повеќекратна алегорија на консумеристичкото општество во кое живееме сега. (Хартија, пластика, акрил. Димензии: 44x37x17cm)