Наградата за најдобар дебитант и беше доделена на Стефани Тодоровски , за најдобрата женска придружна улога на Татјана Нешковска, а за најдобра машка придружна улога на Васко Србиновски.
Избор на публиката беше младиот Антонио Нешковски.
Членовите на театарот наградата за животно дело му ја врачија на Стефо Нанцу кој во театарот членува осум години, а со глума и режија се занимава 35 години .
Наградата за уметност и култура под името Александар Македонски, за врвно културно остварување и промовирање на македонската култура и нација во Австралија ја доби познатиот поет и новинар Иван Трпоски за промовирање на македонскиот јазик и култура. Г-дин Трпоски скоро четири децении активно работи во Литературното друштво „Григор Прличев“.
И македонската православна општина Св Димитрија Солунски од Волонгонг како една од најактивните општини во Австралија која за последните 45 години активно ги негува и промовира македонскиот јазик, религија, спорт, фолклор и култура во Австралија беше добитник на наградата Александар Македонски. Наградата ја прими претседателот на Општината, Љупчо Стефановски.
