Пред почетокот на новата сезона во НПЛ на Викторија, оптимизмот на Пејсли Парк е на високо ниво и тренерот Марковски очекува успешен почеток на сезоната. Новата управа на клубот не само што очекува успех на зелениот терен туку и најавува повеќе зафати и враќање на навивачите на стадионот.
Во последните неколку сезони во Националната Премиер Лига на Викторија Алтона Меџик Вардар не успеваше да се избори за место меѓу шесте најдобри на табелата кои водат во разигрувањето за титулата.
Но, годинава во пресрет на почетокот на новата сезона за 2023 година, оптимизмот на Пејсли Парк е на високо ниво.
Тренерот Џон Марковски, играчите но и навивачите се надеваат дека конечно годинава ќе изборат место во финалната серија.
Оптимизмот го темелат на победите на традиционалниот Македонски фудбалски куп но и во подготвителните пријателски натпревари против Порт Мелбурн, Бентли Гринс и Мелбурн Виктори.
Тренерот Марковски вели дека имале добри и квалитетни подготовки и дека се подготвени за првиот натпревар против Хјум Сити.
И покрај тоа што имаме деветмина нови играчи за разлика од лани фудбалерите работеа напорно и се подготвени. Повеќето фудбалери се млади кои имаат добра шанса и можност да играат на високо ниво и да се докажат во најсилната лига во ВикторијаЏон Марковски, тренер на Алтона Меџик Вардар
И претседателот на клубот Џим Илиевски кој на оваа функција дојде по завршувањето на минатата сезона го потврдува оптимизмот.
За новата сезона се е подготвено за големи успеси. Верувам дека тренерот Марковски си ја заврши својата работа во подготовките. Иако немаме звучни имиња сепак тоа се млади фудбалери желни за докажување и секој си има своја улога во екипита а со тоа и ние како управа мислиме и на подолг период да градиме стабилна екипаЏим Илиевски, претседател на ФК. Алтона Меџик Вардар
Г-дин Илиевски додава:
Како клуб не само што сакаме успех на зелениот терен туку сакаме и публиката да се врати на стадионот, да се чуствуваат исто како дома и за таа цел планираме да преземеме повеќе активности и соработка со локалната општина и да го направиме Пејсли Парк пријатно место за гледанње фудбалЏим Илиевски, претседател на ФК. Алтона Меџик Вардар
Што се однесува до Втората Национална Лига на Австралија која е во фаза на формирање, Г-дин Илиевски вели:
Иако има доста услови за оваа лига ние како клуб сме способни сето тоа да го исполниме, но нашите мисли сега се свртени кон НПЛ на Викторија. Најважно е да има клуб од македонската заедница и кој и да биде ќе ја има целосната подршка од Алтона Меџик ВардарЏим Илиевски, претседател на ФК. Алтона Меџик Вардар
Алтона Меџик Вардар годинава се засили со играчи од Викторија но и од другите држави во Австралија.
Нови фудбалери се:
Сиан Куба - Олимпик ФК, Дарси Анастовски - Мелбурн Виктори, Чарли Лиич - Перт Глори, младиот голман Зак Боулинг - Броадмедоу Меџик, Џастин Микалеф - Мелбурн Најтс, Кристијан Роси - Вериби Сити, Џош Марковски - Есендон Ројалс, Арон Андерсон - Мелбурн Виктори и Паоло Бонани пораншен играч на Сиднеј ФК со фудбалско искуство и од Европа.
