Плановите и целта пред почетокот на сезоната во НПЛ 2 ФК. Алтона Меџик во целост ги исполни и убедливо го освои првото место. Во идната сезона ќе се натпреварува во НПЛ на Викторија. Првите луѓе на поранешниот петкратен шампион на Виктоија велат дека нема да играат епизодна улога. Напротив ветуваат дека победничкиот дух останува и најавуваат нови успеси.
Со доаѓањето на Игор Георгиевски во Алтона Меџик, клубот во последните години бележи само успеси. По освоеното на двапати прво место во State League 1, во штотуку завршената сезона во НПЛ 2 Алтона Меџик повторно убедливо го освои првото место. Во годината кога клубот слави 50 годни од постоењето поубав подарок за симпатизерите на Алтона не можеше и да се посака.
Претседателот на Алтона Меџик Игор Георгиевски кој живее за и со фудбалот вели дека до успесите се дојде со тешка работа заедно со своите соработници.
" Работевме макотрпно со моите соработници на кои сум им благодарен. Го имавме Горан Лозановски на клупата и вистинскиот избор на играчи кои дадоа се од себе во текот на целата сезона. Среќни сме по успехот но време за славење нема многу. Со мислите сме веќе за следната сезона и ветувам дека победничкиот дух и успесите ќе продолжат."
Радоста по освоената шампионска титула не ја криеше и капитенот Џони Стојчевски кој беше вистински водач на тимот на зелениот терен.
" Радосни сме по освоенто прво место и пласманот во НПЛ каде според квалитетот и традицијата на клубот и му е местото. Благодарност до управата за се што ни овозможи но и до нашите навивачи за подршката."
Задолжен за постигнување голови беше Џон Мекшејн. Како и минатите и сезонава беше прв стрелец со 17 постигнати голови. Задоволен од последниот успех најави дека и понатаму останува верен на Алтона.
" Добро ми е во клубот одлично сум прифатен од управата, соиграчите и навивачите. Останувам верен и понатаму на Алтона Меџик и се надевам дека и во НПЛ доколку ми дадат шанса ке бидам исто така ефикасен."
Искусниот Роберт Стамболџиев кој десетина години играше во Европа, го засили клубот во полусезоната и со своите добри игри и неколку постигнати голови беше вистинско освежување и даде полн придонес во освојувањето на шампионската титула.
" Радосен сум за овој успех со Алтона а посебно за тоа што по подолго врме повторно клуб од македонската заедница ќе се натпреварува во НПЛ. Благодарност до сите за несебичната подршка што ја имавме во текот на сезоната особено од нашите навивачи кои секогаш беа со нас. Последните три месеци ми беше убаво во клубот и засега не размислувам за враќање во Европа."
Фудбалерите на Алтона Меџик Вардар со аплауз од навивачите поздравени по одигрувањето на последниот натпревар сезонава.
