Чудесната Австралија видена низ објективот на познат македонски фотограф

- Австралија со нејзината чудесна флора, фауна, уникатни видови и неверојатен раскош на бои, е неисрпна инспирација за фотографирање. Јас сум импресиониран со нејзината убавина, и иако сум бил скоро на сите континенти, ваква убавина не сум видел, вели познатиот македонски автор Владимир Плавевски, кој во моментот е во посета на земјава. Својата фасцинација од убавините на петтиот континент, Плавески ја пренесува преку своите фото-приказни, коишто ги создава додека ја истражува Западна Австралија. Во разговорот за "СБС на македонски", Плавески, кој е пензиониран доктор-специјалист за уво, нос и грло, зборува за своите значајни достигнувања во сферата на македонската фотографија и литература.