Одлив на “мозоци” од Македонија – Не во случајот на магистер Симон Андов

“Чувствував должност да се вратам во Македонија и да ја понудам мојата помош”,вели младиот Неготинчанец кој се стекнал со титулата магистер по право на Европската Унија на универзитет во Франција. Тој, во време на “одлив на млади мозоци”од Македонија и кога многумина би сакале да се иселат и живеат во земја каква што е Франција, воден од љубовта и како што вели, должноста, се враќа да и помогне на татковината со своето меѓунароно искуство иако вели, не очекувал дека работите ќе бидат идеални.

Master of Europion Law Simon Andov Source: Image suplied

Симон е и истражувач и моментно работи на мерење и анализирање на факторите што најмногу влијаат врз одлуката на македонските студенти дали да се вратат во татковината или да останат во земјата во која студираат.

Тој се надева дека добиените податоци ќе и помогнат на македонската влада да креира стратегија за привлекување на младите да се вратат во татковината со обезбедување работни места во нивното поле на интерес и можности за нивно натамошно професионално усовршување.

Симон е исто така и хуманист со 10 годишно волонтерско искуство во Црвен крст, каде преку програмата “Промоција на хуманите вредности”, секоја година анимираат 1,200 млади луѓе да креираат проекти за помош на социјално ранливи лица.