ФК. Лалор Слога Јунајтед добива современ спортски комплекс

Со инвестиција во вредност од над 6 милиони долари, спортскиот комплекс на ФК. Лалор Слога Јунајтед во HR Uren Reserve во Томастаун наскоро со нов лик. Тренерот Тони Стерјовски ветува дека во претстојнатa сезона клубот ќе бори за место во горниот дел на табелата.

Инвестиција во вредност од над 6 милиони долари во спортскиот комплекс на ФК. Лалор Слога Јунајтед во HR Uren Reserve во Томастаун Credit: SBS

По реновирањето и поставувањето вештачка трева на еден од терените минатата година, во моментов се работи на изградба на нов социјален клуб и современ паркинг простор.

Исто така се очекува и поставување нови рефлектори со што ќе се создадат услови и за одигрување ноќни натпревари.

Претседателот на клубот, Емил Атанасов, не го крие задоволството од новите инфраструктурни зафати и вели дека ФК. Лалор Слога Јунајтед конечно ќе добие подобри услови за развој на фудбалот со привлекување на нови фудбалери, спонзори и навивачи.

Голема благодарност до локалната самоуправа и државата Викторија кои финасиски помогнаа за овие нови зафати кои очекувам во април да бидат предадени во употреба. Со тоа клубот добива модерни услови за работа на општо задоволство на сите наши подржувачи.

Емил Атансов, претседател на ФК. Лалор Слога Јунајтед

Емил Атансов, претседател на ФК. Лалор Слога Јунајтед Credit: SBS

И тренерот на Лалор Слога Јунајтед, познатото фудбалско име Тони Стерјовски - Бритиш, исто така вели дека условите за тренирање и играње натпревари се подобруваат но и дека тоа е обврска како за него така и за фудбалерите да постигнуваат забелижителни резултати во иднина во Втората државна лига на Викторија.

Секако сега имаме добри услови за работа. Тоа ќе биде мотив повеќе за нас стручниот штаб и фудбалерите. За претстојната сезона имаме потпишано со неколку нови фудбалери и мислам дека за разлика од минатата сезона сме посилни и ќе се бориме за место во горниот дел на табелата. Работиме напорно на тренинзите и верувам дека нема да ги разочараме нашите навивачи.

Тони Стерјовски - Бритиш тренер на Лалор Слога Јунајтед

Тренерот Тони Стерјовски со своите фудбалери на тренинг Credit: SBS

И верните навивачи на клубот особено со нетрпение го очекуваат новиот социјален клуб.

Слободан Петровски кој над триесет години е верен навивач на овој клуб од северните предградија на Мелбурн вели:

Голема благодарност до сите оние кои овозможија да се изгради новиот павилјон. Сега конечно ќе имаме пристојно место да се собираме и дружиме и заеднички да се радуваме на победите но и да тагуваме по поразите.

Навивачи на Лалор Слога Јунајтед Credit: SBS