Федералната влада се залага за намалување на мртвородени деца

Федералната влада се залага за справување со раѓањето на мртво-роденчињата во Австралија. Бладата инвестира 52 милиони долари во истражувањето и образованието, како и услуги за ужалување за семејствата кои ги загубиле бебињата. Во последните две децении се забележува значителен напредок во здравството и медицинските практики. Но, едно нешто остана исто - стапката на мртво-родени деца во Австралија. Од 1997 година повеќе од 2.000 бебиња починале секоја година, било пред или за време на породувањето. И нов извештај од Australian Institute of Health and Welfare AIHW покажува дека стапките на мртво-родени бебиња сè уште се значително повисоки кај домородните луѓе. Mајкл Фрост od институтот вели дека голем број фактори можат да придонесат за домородните перинатални смртни случаи - тоа се смртни случаи во неделите пред или по раѓањето. Министерот за здравство, Грег Хант, вели дека владата ќе изработи Национален акционен план за акција и имплементација во соработка со владите на државите и териториите, чија цел е намалување на стапката на мртвородени бебиња во Австралија за 20 отсто во текот на три години. Во согласност со препораките на извештајот, владата, исто така, се обидува да го подобри пристапот до државно финансираните аутопсии на мртвородени бебиња. Тие не се рутински изведувани на мртво-родени бебиња, и можат да чинат илјадници долари за погодените семејства. Центарот за Истражувaња на Mртвородени при Универзитетот во Квинсленд- Centre of Research Excellence in Stillbirth, ќе добие три милиони долари за проектот “Safe Baby Bundle”, кој има за цел да ја намали стапката на мртвородени бебиња после 28 недели гестација за најмалку 20 проценти.

Baby Carriage on a Dock Source: AAP