Александар "Велики" Волкановски од Рагби лига до борец во УФЦ

Како млад сонувал да заигра во националната рагби лига но Александар Волкановски се пронашол себе си на австралиската боречка сцена. Се смета за еден од најдобрите борци во мешани боречки вештини во Австралија без пораз во последните пет години. Поранешниот работник во семејниот бизнис со цемент цврсто е решен да и донесе на Aвстралија шампионски појас во УФЦ.

Source: Supplied

Приказната за Александар "Велики" Волкановски ја започнуваме со неговата последна победа.

На настанот UFC Fight Night 121 кој се одржа на 18 Ноември во Сиднеј, Волкановски не му го приреди очекуваното добредојде на Шејн Јанг од Нов Зеланд на УФЦ сцената.

Alexander The Great Volkanovski in action against Young Source: Supplied

Волкановски не победи со нокаут како што се очекуваше, но едногласната одлука на судиите од 30:27 и на двапати од 30:26 доволно зборува кој доминираше во октагонот.

Еве некои од најинтересните моменти од борбата меѓу Александар Волкановски и Шејн Јанг.

Продолжуваме со приказната ...

Александар Волкановски е роден и живее во Шелхарбр, Нов Јужен Велс.

Тој вели:

"Татко ми е од село Беранци, Македонија, а мајка ми е од Грција. Моето презиме Волкановски доаѓа од страната на татко ми, така што имам многу македонски поддржувачи и навистина го ценам тоа. Моето потекло беше една од причините за промена на прекарoт од "ХУЛК" во Александар "Велики" Волкановски.

Source: Supplied

Исто како и повеќето деца на мигранти, Александар почнува да тренира фудбал и борење грчко-римски и слободен стил. Тој беше особено успешен во борење.

" Тренирав напорно и се исплатеше, освоив две титули национален шампион на Австралија. Кога се борев, загубив само две борби, една од мојот постар брат".

Желбата да се докаже себеси во нови спортови и да стигне до нови подвизи беше причина да го напушти борењето и да почне да трча по топката во рагби лигата. Тој играше за повеќе клубови а со Варила Горилас, го освои New South Wales 2011 Country Group 7 . Тој беше прогласен за најдобар играч и ја освои наградата Мик Кронин. На изненадување на многумина тој ја напушта рагби лигата и одлучува да се натпреварува во мешани боречки вештини односно ММА.

"Иако играв Рагби, почнав да тренирам и ММА за да бидам колку што е можно подобро физички подготвен. Знам дека многумина беа изненадени и разочарани, но ги сакам мешаните боречки вештини и решив дека тие се мојот главен спорт. Знам дека е лудо, но тоа засега функционира. "

Alexander Volkanovski like a Rugby Player Source: Supplied

По неколкумесечни подготовки, Александар започнува во аматерска конкуренција. Четири борби и исто толку лесни и брзи победи со нокаут. Тоа беше препорака да премине во професионалци што е можно побрзо.

"Борбите и победите како аматер беа добро искуство за мене и да се преселам во професионални клубови што е можно побрзо и да заработам пари, бидејќи сум семеен човек, но и да се приклучам на УФЦ".

From 97 kg Rugby league player to 66 kg UFC Featherweight. What a dramatic transformation. Source: Supplied

Како професионалец во ММА, Волкановски победи во првите три бори а во четвртата го доживеа единствен пораз досега.

Минатата година во Ноември неговата желба беше исполнета. Во Мелбурн, тој ја имаше првата УФЦ борба и го победи Јусуке Касаи. Во Јуни оваа година, во Оукленд го победи вториот јапонски УФЦ борец Мизуто Хирота.

"Да бидам во УФЦ натпреварувањето значи многу за мене. Сега сум во УФЦ како професионалец и заработувам за живот. Да се биде во УФЦ е одлична промоција за мене, бидејќи имам повеќе навивачи од цела Австралија ", вели Волкановски

Volkanovski defeated Hirota in his second UFC fight Source: Supplied

Александар "Велики" Волкановски за време на неговата кариера поради килограмите промени неколку категории. Сега со 67 килограми тој се натпреварува во featherweight категорија . Покрај неговото име како професионалец во последните пет години, има 16 победи и само 1 пораз со 13 победи по ред.

За да ги постигне овие успеси, Александар вели дека тренира 6 дена во неделата.

"Секое утро трчам, потоа вежбам удари и бразилски ЈЈ. Потоа продолжувам попладне со борење и други вежби. Вежбам 6 дена во неделата и правам од 3 до 4 сесии дневно".

Како најсилно оружје за време на борбите, Александар Волкановски ја истакнува неговата десната рака.

"Мојата десна рака е мое најомилено оружје. Да го удрам и нокаутирам противникот. Десната рака со која заработувам пари дефинитивно е моето најсилно оружје".

Strike with Volkanovski's strong right hand. Source: Supplied

И со својата силна десна рака и скојдневно тренирање досега освои неколку титули:

PXC World Featherweight Champion, AFC Featherweight Champion 2X, WARS MMA Welterweight Champion, WARS MMA Featherweight Champion, RMMA Welterweight Champion, RMMA Lightweight Champion

Cage Conquest Welterweight Champion, Tapology Ranked pound for pound number 1 in Australia and New Zealand and South East Asia, Fight Matrix Number 1 ranked Featherweight and Lightweight in Oceania.

Alex Volkanovski has won a number of belts in Australia Source: SBS

Австралија никогаш досега немал УФЦ-шампион, но Волкановски сака да стане прв.

"Моите амбиции не се само да се борам во УФЦ , туку сакам да се искачам на врвот во мојата категорија и да го донесам во Австралија шампионскиот појас од УФЦ."

 

 Приказната продолжува....