Грција доби официјална Вербална нота од македонска страна за промена на името

Грчкиот премиер Алексис Ципрас го извести парламентот дека ја примил Вербалната нота од македонското министерство за надворешни работи за исполнетите обврски според Договорот од Преспа односно дека согласно членот 20 став 3 од Конечната Спогодба за решавање на разликите околу името, во земјата се исполнети внатрешно правните услови за стапување на сила на Конечната Спогодба.

Грчкиот премиер Алексис Ципрас говори за време на парламентарната седница во Атина на 15 јануари 2019 година Source: AP Photo/Petros Giannakouris

Ципрас во грчкиот парламент рече дека во нотата од соседите, меѓу другото се известува и дека терминот за определување на националноста (nationality) се однесува исклучиво на државјанството.