Како да исполните 80% од новогодишните цели поставени за 2021 година?

Маја Стојчевски е тренер за личен раст и развој за родители на деца со предизвик, со мисија да им помогне на родителите во надминување на негативните емоции и постигнување на целосно прифаќање и благосостојба за себе и своите деца.

Maya Stoychevski at her home for Christmas. Source: Supplied by Maya Stouchevski

Како ѝ успеа на Маја, од овогодишните цели што си ги поставила минатата година, да исполни 80%?

Во разговор со СБС на македонски таа објаснува за дел од чекорите што ги преземала во текот на оваа година за да ги исполни целите од листата. Меѓу другото, како најважно, го издвојува запишувањето на истите на хартија. „Ако имате цели што сакате да ги постигнете и не ги напишете, тогаш тоа се само желби. Но, ставете ги на хартија и стануваат акциски планови“ вели Маја.

Дел од советите коишто Маја ги сподели се:

- Поделете го вашиот план во распоред што ќе ви биде лесно да го следите

- Направете дополнителна листа во којашто ќе вклучите активности што ќе ви помогнат во исполнувањето на целите. Маја ве советува: станувајте рано, вежбајте, медитирајте, визуелизирајте ги своите цели, шетајте во природа, читајте книги и стручна литература, пишувајте дневник...

Промената на навиките, какошто објаснува Маја, е првиот чекор да ја промените состојбата на умот, што пак ќе доведе постојано и упорно да ги исполнувате вашите цели.

„Направете се вие центар на вашиот живот“