Процесот го водеа група жени против индустрискиот гигант, железарата во Порт Кембла, што доведе до историска промена во австралискиот закон за вработување и примена на еднакви можности, без разлика на родова припадност.
По повод годинешниот меѓународен ден на жената 8 Март, што светот ќе го одбележи оваа сабота, да се потсетиме дека сто и нешто години од првото одбележување на денот, се уште живееме во свет, во кој жените се обесправени и потчинети во низа теократските системи, помалку платени од своите машки колеги во развиените системи, а во некои од нив ги губат дури некогаш стекнатите репродуктивни права.
Сето тоа е причина повеќе да ја славиме секоја жена која се вградила во сите големи и мали битки за женските права.
Слушнете повеќе од разговорот со Слободанка Јончовска, Робин Марфи и Лу-ен Баркер кои во 2020 година го посетија студиото на СБС за да зборуваат за нивното искуство како дел од најголемиот и најдолгиот судски процес за родова дискриминација во Австралија.
