Македонија како непресушна ризница со богата традиција, историја, култура, фолклор и вкусна храна и годинава ќе има повторно можност да ја претстави истата пред австралиската јавност на традиционалниот фестивал на храната, во организација на македонската заедница во Мелбурн.
По тригодишна пауза поради пандемијата со Ковид-19, продолжува традицијата со одржување на традицоналниот Македонски фестивал на храната во Мелбурн.
Организаторот на фестивалот, Македонската организација на заедницата МАСО најавува богата културно уметничка програма и вкусна традиционална македонска храна.
Во културно уметничката програма се очекува настап на повеќе локални пејачи од заедницата и културно уметнички друштва од Викторија и Нов Јужен Велс со специјално подготвена кореографија на македонски ора. Покрај тоа ќе има и специјални гости како изнендување. За вкуснита традиционална македонска храна ќе се погрижи светски познат готвач од Македонија.Гордана Димовска, организациски одбор на фестивалот
Ова е уште еден голем настан и прилика каде со успех можеме да ја претставиме македонската традиција, култура, јазик, фолклор и вкусна храна во Австралија, својствена само за МакедонијаГордана Димовска, организациски одбор на фестивалот
Македонскиот фестивал на храната ќе се одржи на 30 октомври во познатиот Футцкрај парк.
Share
