Маестро Илија Ампевски – Поуки за кружното дишење за дувачки инструменти и вокали

При нормално дишење, најчесто вдишуваме преку носот и издишуваме со помош на белите дробови. Едноставно и природно, но, за свирачите на дувачки инструменти и за пејачите, овој начин на дишење понекогаш може да биде ограничувачки.

Маестро Илија Ампевски, корисник на древниот систем на непрекинато дишење или 'Кружно Дишење', кое се користи и во јога вежбите како и за вокални изведби и одржување на непрекинат звук. Credit: (Despina Band)

Кружното дишење е техника што овозможува истовремено издишување и вдишување, отворајќи сосема нови можности за музичарите.

Оваа метода не само што ја унапредува изведбата и овозможува подолги, непрекинати фрази, туку го има најдено своето место и во медитацијата каде што се користи како ефикасен начин за намалување на стресот и постигнување внатрешен баланс.

Дознајте како да го совладате кружното дишење – без разлика дали практикувате јога, свирите саксофон, изведувате бродвејски песни или едноставно сакате да го подобрите квалитетот на вашето секојдневно дишење.

Македонската музичка ѕвезда, маестро Илија Ампевски, кој редовно го практикува кружното дишење, во овој поткАст ни открива како ја применува оваа древна техника во својата уметничка и професионална работа.

За повеќе прилози, интервјуа и информации од СБС на македонски, проверете ја нашата колекција на поткасти овде:

Podcasts in Macedonian | SBS Audio

For more stories, interviews, and news from SBS Macedonian, explore our podcast collection here:

Podcasts in Macedonian | SBS Audio