Сиднеј домаќин на македонскиот фудбалски куп 2020

Традиционалниот македонски фудбалски куп на клубовите од македонската заедница во Австралија за 2020 година ќе се одржи во Сиднеј од 24 - 27 јануари. Организатори и домаќини се фудбалските клубови Рокдејл Илинден и Сиднеј Македонија. Традицијата продолжува и македонскиот фудбалски куп е ретка можност преку спортот и културните настани на едно место да се соберат скоро сите клубови од македонската заедница и гордо да се истакне македонското наследство и потекло токму на Денот на Австралија. Домаќините годинава решија влезот да биде слободен но ги замолуваат сите кои ќе ги посетат фудбалските натпревари ако се во можност да донираат финасиски средства како помош за катострафалните пожари што ја зафатија Австралија. За целосно да се информирате за сите настани поврзани со овој настан слушнете повеќе во аудио записот со Луи Белевски од ФК. Рокдејл Илинден и Гоце Јовевски од ФК. Сиднеј Македонија.

Sudney set to host 2020 MASO CUP Source: Maso Cup Facebook page