"Антев златник" е награда за необјавена поетска книга на македонски јазик, а востановена е во Македонија во 2019 година во чест на великанот на македонската книжевност и еден од најистакнатите македонски поети од втората генерација - Анте Поповски.
Наградата ја доделува меѓународната поетско-културна манифестација " Анте Поповски - Антево перо"и се состои од златник со ликот на поетот Анте Поповски.
Се доделува секогаш кога комисијата ќе констатира висок квалитет на пристигнати ракописи, а бројот на добитниците, вообичаено е двајца во една година.
Нашиот соговорник Владо Јаневски е писател, поет, сликар и стрип автор, родум од Прострање, Македонија, кој од 1989 година живее и работи во Сиднеј.
Литературниот опус на Јаневски се состои од 6 романи за возрасни, збирка раскази, поетски збирки и книги за деца.
Добитник е на бројни книжевни награди, меѓу кои и наградата "ПЕГАЗ" за најдобар необјавен роман на годината за "Мртвите знаат најдобро", наградата "Стојан Христов" за најдобра поетска збирка за "На грбот на неповратот", наградата Скрипт-фест за најдобро сценарио за долгометражен филм...
Добитник е и на наградата "Македонски корени" за постигнувања во литературното и ликовното творештво доделена на Меѓународниот фестивал "Книжевен круг" во 2024 година.
Јаневски беше и финалист за наградата "Стале Попов" на Друштвото на писателите на Македонија.
За повеќе прилози, интервјуа и информации од СБС на македонски, проверете ја нашата колекција на поткасти овде:
For more stories, interviews, and news from SBS Macedonian, explore our podcast collection here:
