Во книгата "Љубов по слика" авторката Јагода Здравеска-Котеска го обработува феноменот стапување во брак по слика. Книгата "Велика" која всушност е биографско етнографска сторија за нејзината мајка Велика опишува многу елементи од животот и обичаите не само на нејзиното семејство туку и на жителите од Пелагонискиот крај.
Во организација на Македонското литературно друштво "Кочо Рацин" од Мелбурн беа промовирани две книги од локалната авторка Јагода Здравеска-Котеска. Романот "Љубов по слика" и биографско-етнографската приказна "Велика".
Промотори на книгите беа Гордана Димовска и Крсте Наумовски-Мечкар.
Промовирајќи ја книгата "Љубов по слика" Гордана Димовска истакна:
Романот елаборира настани кои се случуваат во 60-те и 70-те години од минатиот век од животот на младите и миграцијата од Македонија во потрага по подобар живот и склучувањето "брак по слика". Токму тоа ја наведе авторката, да го разјасни но и да го запише и да може секој да го разбере овој феномен и да го поттикне на размислувањеГордана Димовска, поетеса од Мелбурн
Промоторот на книгата "Велика", Крсте Наумовски-Мечкар прочита дел од рецензијата напишана од Роза Костеска:
Ова дело е вистинско македонско етнографско богатство и ќе биде од голема вредност не само за потомците на Велика и Китан туку и за сите Македонци ширум светот за да научат нешто повеќе за македонската култура од прва ракаКрсте Наумовски-Мечкар, поет од Мелбурн
Авторката Јагода Здравеска-Котеска е по потекло од Прилеп. Во родниот град го завршува основното и средното образование а дипломирала на групата Социологија на Филозовскиот факултет во Скопје.
Во 1999 година со своето семејство се преселува во Австралија и денес живее во Мелбурн.
Зборувајќи за своите книги, авторката и се заблогодари на својата мајка Велика која и била голема инспирација да ги напише книгите а нејзината цел во книгата "Љубов по слика" била:
Сакав да ја опишам темата на склучување бракови "по слика" на девојките и момчињата од шесеетите и седумдесетите години од минатиот век . Тоа било тесно поврзано и со печалбарството кога обично момчето било на печалба во некоја прекуокеанска земја а девојката во родниот крајЈагода Здравеска-Котеска, авторка на книгите "Љубов по слика и "Велика"
За биографско-етонграфската сторија "Велика", Јагода Здравеска-Котеска рече дека е производ на вештината на раскажувањето на нејзината мајка која заслужила нејзината животна приказна да биде запишана.
Во книгата сакав да ја овековечам животната приказна на мајка ми. Да се опише животот во Македонија во минатото но и пристигнувањето во австралија со само неколку научени зборови на англиски јазик. Со тоа сакав идните генерации да се запознаат со тој живот од средината на минатиот век особено со животните потешкотии со кој се соочувале женитеЈагода Здравеска-Котеска, авторка на книгите "Љубов по слика и "Велика"
На промоцијата Снежана Џамбазова Попорданова и Лидија Стојаноска, прочитаа извадоци од книгите на Јагода Здравеска-Котеска.
