Познатиот австралиски писател, драматург и поет Том Петсинис се враќа пред публиката во Мелбурн вечерва со отворањето на втората сезона од неговата провокативна претстава „Последниот танц на Зорба“ во центарот на Мелбурн.
Во „Последниот танц на Зорба“, Пецинис го насочува своето внимание кон фасцинантниот однос меѓу вистинскиот Ѓоргис Зорбас и славниот писател Никос Казанѕакис, чиј роман „Гркот Зорба“ го претвори еден обичен човек во книжевна легенда.
Претставата ги истражува сложените прашања што се појавуваат кога историската стварност ќе се сретне со уметничкото творештво: Колку еден писател ѝ должи на вистината? Каде завршува фактот, а каде започнува имагинацијата? И каква одговорност има уметникот кон луѓето чии животи служат како инспирација за неговото дело?
Со спој на хумор, драма, музика и филозофска промисла, „Последниот танц на Зорба“ ја поканува публиката да размисли за трајната напнатост меѓу историската вистина и креативната слобода, истовремено славејќи ја моќта на раскажувањето приказни да ги обликува и колективната меморија и личниот идентитет.
Претставата 'Zorba's Last Dance' ќе се одржи во просториите на грчкиот центар на 168 Lonsdale Street, Melbourne.
Глумечката екипа на „Последниот танц на Зорба“ ја сочинуваат:
Евангелос Арабацис
Димитриос Куцукос
Дона Димовски-Кантаровски
Сценарист: Том Пецинис
Режисер: Розмари Џонс
Сценограф: Питер Мамфорд
Дизајнер на осветлување: Грег Керол
За повеќе прилози, интервјуа и вeсти од SBS на македонски, проверете ја нашата колекција на поткасти овде:
Podcasts in Macedonian | SBS Audio
For more stories, interviews, and news from SBS MACEDONIAN, explore our podcast collection here:
