Слободанка Јончовска и челичните жени од Порт Кембла

На Меѓународниот ден на жената - 8 Март, оваа година повторно се навраќаме на инспиративната приказна на Слободанка Јончовска – Македонка, родум од струмичко, која пристигнала во Австралија скоро без познавање на англискиот јазик, но со огромна решителност, што доведе да биде запишана во историјата на борбата за родова еднаквост при вработување во земјава.

Slobodanka Joncovska leaving her work at Port Kembla (left) in the 80's and Slobodanka with Robynne Murphy and Lou-Anne visiting SBS studio in 2019 ( Credi: Supplied/SBS)

Заедно со активистката и режисерка Робин Марфи и поддржувачката на кампањата Лу Ен — кои го посетија нашето студио пред снимањето за телевизиската серија на SBS "Women Firsts" во 2019 година — се потсетуваме на историската кампања „Jobs for Women“ во Волонгонг.

Во 1980-тите, Слободанка и стотици други жени се спротивставија на рударскиот гигант BHP, барајќи право да работат во челичарницата во Порт Кембла.

Нивната 14-годишна правна битка прерасна во еден од најголемите случаи на родова дискриминација во Австралија што стигна и до Врховниот суд, отворајќи им го патот на жените — многу од нив мигрантки — да работат во индустрии кои со децении им биле затворени.

Нивната храброст и истрајност продолжуваат да инспирираат нови генерации жени и денес.

За повеќе прилози, интервјуа и информации од СБС на македонски, проверете ја нашата колекција на поткасти овде:

Podcasts in Macedonian | SBS Audio

For more stories, interviews, and news from SBS Macedonian, explore our podcast collection here:

Podcasts in Macedonian | SBS Audio