മലയാളികൾ അറിഞ്ഞിരിക്കേണ്ട എല്ലാ ഓസ്ട്രേലിയൻ വാർത്തകളും വിശേഷങ്ങളും നിങ്ങളുടെ വിരൽത്തുമ്പിൽ - SBS മലയാളം വെബ്സൈറ്റ് ബുക്ക്മാർക്ക് ചെയ്യുക...
രാജ്യത്ത് തിങ്കളാഴ്ച ആരംഭിക്കാനിരിക്കുന്ന വാക്‌സിനേഷൻ പദ്ധതിക്ക് ആത്മവിശ്വാസം പകരുന്നതിനായാണ് പ്രധാനമന്ത്രി ഉൾപ്പെടെയുള്ള പ്രമുഖർ ഞായറാഴ്ച ആദ്യ ഡോസ് സ്വീകരിക്കുന്നത്.
ഏജ്ഡ് കെയറിൽ കഴിയുന്ന രണ്ട് പേർ, ഏജ്ഡ് കെയർ ജീവനക്കാർ, കൊവിഡ് പ്രതിരോധ രംഗത്തെ മുൻനിര ആരോഗ്യ പ്രവർത്തകർ എന്നിവരും ഞായറാഴ്ച ഫൈസർ വാക്‌സിന്റെ ആദ്യ ഡോസ് സ്വീകരിക്കും.
പ്രധാനമന്ത്രിക്കൊപ്പം ചീഫ് മെഡിക്കൽ ഓഫീസർ പോൾ കെല്ലി, ചീഫ് നഴ്‌സിംഗ് ഓഫീസർ ആലിസൺ മക് മിലൻ എന്നിവരും വാക്സിൻ എടുക്കുമെന്ന് ആരോഗ്യ മന്ത്രി ഗ്രെഗ് ഹണ്ട് അറിയിച്ചു.
സിഡ്‌നിയിലെ കാസിൽ ഹിൽ മെഡിക്കൽ സെന്ററിൽ വച്ച് രാവിലെ 11 മണിക്കാണ് ഇവർ വാക്‌സിനേഷൻ എടുക്കുന്നത്.
ഫെബ്രുവരി 22 തികളാഴ്‌ച മുതൽ രാജ്യവ്യാപകമായി വാക്സിൻ വിതരണം ചെയ്യും. വൈറസ് ബാധിക്കാൻ കൂടുതൽ സാധ്യതയുള്ളവർക്കാണ് ഒന്നാം ഘട്ടത്തിൽ വാക്‌സിനേഷൻ നൽകുന്നത്. മുൻഗണനാ പട്ടികയിലുള്ള ഏതാണ്ട് 678,000 പേർക്ക് ഈ ഘട്ടത്തിൽ വാക്‌സിനേഷൻ നൽകാൻ കഴിയുമെന്നാണ് സർക്കാർ കരുതുന്നത്.
ആദ്യ ഘട്ട വിതരണത്തിനായുള്ള ഫൈസർ വാക്‌സിന്റെ 142,000 ലേറെ ഡോസുകൾ തിങ്കളാഴ്ച ഉച്ചയോടെ യൂറോപ്പിൽ നിന്ന് സിഡ്‌നിയിൽ എത്തിയിരുന്നു.
പ്രതീക്ഷിച്ചതിലും നേരത്തെ വാക്സിൻ എത്തിയ സാഹചര്യത്തിലാണ് ആദ്യ ഡോസ് ഫെബ്രുവരി 22 മുതൽ വിതരണം ചെയ്യാൻ സർക്കാർ തീരുമാനിച്ചത്.
People in Australia must stay at least 1.5 metres away from others. Check your jurisdiction's restrictions on gathering limits. If you are experiencing cold or flu symptoms, stay home and arrange a test by calling your doctor or contact the Coronavirus Health Information Hotline on 1800 020 080. News and information is available in 63 languages at sbs.com.au/coronavirus.
Please check the relevant guidelines for your state or territory: NSW, Victoria, Queensland, Western Australia, South Australia, Northern Territory, ACT, Tasmania.
