കൊറോണവൈറസ് പ്രതിരോധത്തിനായി നടപ്പാക്കിയിരിക്കുന്ന ശക്തമായ സാമൂഹ്യ നിയന്ത്രണങ്ങളെക്കുറിച്ച് വിവിധ ആരാധനാലയങ്ങളിൽ നിന്നുള്ള അഭിപ്രായങ്ങൾ ലഭിച്ചിരുന്നുവെന്ന് പ്രധാനമന്ത്രി സ്കോട്ട് മോറിസൻ പറഞ്ഞു.
ചടങ്ങുകൾ തത്സമയം സ്ട്രീം ചെയ്യുന്നതിനുള്ള അവസരം നൽകുന്നതിനായി നിയന്ത്രണങ്ങളിൽ ഇളവു വരുത്തുകയാണെന്ന് ദേശീയ ക്യാബിനറ്റ് യോഗത്തിനു ശേഷം പ്രധാനമന്ത്രി അറിയിച്ചു.
പള്ളികളും മറ്റ് ആരാധനാലയങ്ങളും തൊഴിൽ സ്ഥലങ്ങളായാകും കണക്കാക്കുക. തൊഴിൽസ്ഥലങ്ങളിൽ ഉള്ള നിയന്ത്രണങ്ങളാകും ഇവയ്ക്കും ബാധകം.
ഈസ്റ്റർ സമയത്ത് പള്ളികളിൽ നിന്നുള്ള ശുശ്രൂഷകളും മറ്റും സ്ട്രീം ചെയ്യാൻ ഇതിലൂടെ കഴിയും. വൈദികർക്ക് പുറമേ ചടങ്ങുകൾക്ക് ആവശ്യമായ മറ്റു സഹായികൾക്കുമെല്ലാം ആരാധനാലയങ്ങളിൽ എത്താൻ അനുവദിക്കുകയും ചെയ്യും.
എന്നാൽ നാലു ചതുരശ്രമീറ്ററിൽ ഒരാൾ എന്ന നിയന്ത്രണം പാലിക്കണം.
എന്നാൽ ഇതിന്റെ അർത്ഥം ആരാധനാലയങ്ങൾ തുറക്കും എന്നല്ല എന്നും പ്രധാനമന്ത്രി വ്യക്തമാക്കി.
ജനങ്ങൾക്ക് പള്ളിയിൽ പോകാൻ കഴിയില്ല. പള്ളി തുറക്കുകയല്ല.
ഈസ്റ്റർ അവധിക്കാലത്ത് ജനങ്ങൾ യാത്ര ചെയ്യാനോ, ബന്ധുക്കളെ സന്ദർശിക്കാനോ പാടില്ലെന്നും പ്രധാനമന്ത്രി നിർദ്ദേശിച്ചു.
“ഈ ഈസ്റ്റർ വീട്ടിലിയാരിക്കണം. ആരും കാറിൽ കയറി യാത്ര ചെയ്യാനോ മറ്റു സ്ഥലങ്ങളിലേക്ക് പോകാനോ ശ്രമിക്കരുത്.”
അത്യാവശ്യത്തിനല്ലാതെ വീടിനു പുറത്തിറങ്ങുന്നവർക്ക് കനത്ത പിഴ ചുമത്താൻ വിവിധ സംസ്ഥാന സർക്കാരുകൾ തീരുമാനിച്ചിട്ടുണ്ട്.
Australians must stay at least 1.5 metres away from other people. Indoors, there must be a density of no more than one person per four square metres of floor space.
If you believe you may have contracted the virus, call your doctor, don’t visit, or contact the national Coronavirus Health Information Hotline on 1800 020 080.
If you are struggling to breathe or experiencing a medical emergency, call 000.
