ഓസ്ട്രേലിയയിൽ പൊതുഭരണ രംഗത്തെ ഏറ്റവും ഉന്നതമായ പദവികളിൽ ഒന്നായ വിദേശ വാണിജ്യകാര്യ സെക്രട്ടറി സ്ഥാനം 2012 ഡിസംബർ മുതൽ വഹിച്ചിരുന്നത് പീറ്റർ വർഗീസാണ്.. ക്വീൻസ്ലാൻഡ് സർവകലാശാല ചാൻസലർ ആയി നിയമനം ലഭിച്ചതോടെയാണ് അദ്ദേഹം ഈ സർക്കാർ പദവിയിൽ നിന്നും രാജിവച്ചത്.
നേരത്തെ ഇന്ത്യയിലേക്കുള്ള ഓസ്ട്രേലിയൻ ഹൈകമ്മിഷണർ ആയിരുന്നു പീറ്റർ വർഗീസ്. ഈ സ്ഥാനത്തിരിക്കുമ്പോൾ ഇന്ത്യ-ഓസ്ട്രേലിയ ബന്ധം ശക്തിപ്പെടുത്തുന്നതിൽ അദ്ദേഹം വലിയൊരു പങ്ക് വഹിച്ചിട്ടുണ്ട്.
ഓസ്ട്രേലിയൻ സർക്കാരിൽ ഏറ്റവും ഉന്നത സ്ഥാനത്തെത്തിയ മലയാളിയാണ് പീറ്റർ വർഗീസ് . മല്ലപ്പള്ളിയിലെ നൂഴുമുറി കുടുംബാംഗമായ അദ്ദേഹം, 1964- ൽ കുടുംബത്തോടൊപ്പം വൈറ്റ് ഓസ്ട്രേലിയൻ പോളിസി സമയത്താണ് ഓസ്ട്രേലിയയിൽ എത്തിയത്.
പീറ്റർ വർഗീസുമായി എസ് ബി എസ് മലയാളം നടത്തിയ അഭിമുഖങ്ങൾ താഴെ കൊടുത്തിരിക്കുന്ന ലിങ്കിൽ നിന്നും കേൾക്കാം ..
