വിക്ടോറിയൻ ഹോട്ട്സ്പോട്ടുകളിൽ നിന്നുള്ളവരേ വീട്ടിലേക്ക് ക്ഷണിക്കരുതെന്ന് പ്രീമിയർ ഗ്ലാഡിസ് ബെറജക്ലിയൻ അറിയിച്ചിരുന്നു.
ഇവർ ന്യൂ സൗത്ത് വെയിൽസ് സന്ദർശിക്കരുതെന്ന കർശന നിർദ്ദേശവും പ്രീമിയർ ചൊവ്വാഴ്ച നൽകിയിരുന്നു.
ഇതിന് പിന്നാലെയാണ് ഹോട്ട്സ്പോട്ടുകളിൽ നിന്ന് സംസ്ഥാനം സന്ദർശിക്കുന്നവർക്കെതിരെ കൂടുതൽ കർശന നടപടികൾ ന്യൂ സൗത്ത് വെയിൽസ് ആരോഗ്യ മന്ത്രി ബ്രാഡ് ഹസാഡ് പ്രഖ്യാപിച്ചത്.
ലോക്ക്ഡൗൺ ചെയ്ത പത്ത് പോസ്റ്റ് കോഡുകളിൽ നിന്ന് ന്യൂ സൗത്ത് വെയിൽസ് സന്ദർശിച്ചാൽ 11,000 ഡോളർ പിഴയോ ആറ് മാസം വരെ ജയിൽ ശിക്ഷയോ ലഭിക്കുമെന്ന് മന്ത്രി അറിയിച്ചു.
ഈ പ്രദേശങ്ങൾ സന്ദർശിച്ച ശേഷം സംസ്ഥാനത്തേക്ക് തിരിച്ചെത്തുന്ന ന്യൂ സൗത്ത് വെയിൽസുകാർക്കും, ഹോട്ട്സ്പോട്ട് സന്ദർശിച്ച ശേഷം സംസ്ഥാനത്ത് 14 ദിവസം നിർബന്ധിത ഐസൊലേഷൻ ചെയ്യാത്തവർക്കും ശിക്ഷ ബാധകമാണെന്ന് ഹസാഡ് പറഞ്ഞു.
ഈ പുതിയ മാറ്റങ്ങൾ നടപ്പിലാക്കുന്നതുമായി ബന്ധപ്പെട്ട പബ്ലിക് ഹെൽത്ത് ഓർഡർ മന്ത്രി ബുധനാഴ്ച ഒപ്പ് വയ്ക്കുമെന്നാണ് റിപ്പോർട്ടുകൾ.
ഹോട്ട്സ്പോട്ടുകൾ സന്ദർശിച്ച ശേഷം സംസ്ഥാനത്തേക്കെത്തുന്നവർ ഏജ്ഡ് കെയറോ മറ്റ് ആരോഗ്യ സേവനങ്ങളോ സന്ദർശിക്കരുതെന്നും സർക്കാർ അറിയിച്ചിട്ടുണ്ട്.
മെൽബണിലെ 10 പോസ്റ്റ് കോഡുകളാണ് ബുധനാഴ്ച അർധരാത്രി മുതൽ ലോക്ക് ഡൗൺ ചെയ്യുമെന്ന് പ്രീമിയർ ഡാനിയേൽ ആൻഡ്രൂസ് അറിയിച്ചത്. ഇതേതുടർന്ന് 36 സബർബുകളാണ് ലോക്ക് ഡൗൺ ആകുന്നത്.
ഈ പ്രദേശങ്ങളിലുള്ള മൂന്ന് ലക്ഷത്തിലേറെ പേരെ ഇത് ബാധിക്കുമെന്നാണ് റിപ്പോർട്ടുകൾ.
വിക്ടോറിയയിൽ പുതുതായി 73 പേർക്ക് രോഗം സ്ഥിരീകരിച്ചിട്ടുണ്ട്.
ന്യൂ സൗത്ത് വെയിൽസിൽ 14 പേർക്കാണ് ബുധനാഴ്ച പുതുതായി രോഗം സ്ഥിരീകരിച്ചിരിക്കുന്നത്. ഇവരെല്ലാവരും വിദേശത്തു നിന്ന് തിരിച്ചെത്തിയവരാണ്.
People in Australia must stay at least 1.5 metres away from others. Check your state’s restrictions on gathering limits.
Testing for coronavirus is now widely available across Australia. If you are experiencing cold or flu symptoms, arrange a test by calling your doctor or contact the Coronavirus Health Information Hotline on 1800 020 080.
The federal government's coronavirus tracing app COVIDSafe is available for download from your phone's app store.
SBS is committed to informing Australia’s diverse communities about the latest COVID-19 developments. News and information is available in 63 languages at sbs.com.au/coronavirus.
