2022 മെയിൽ പലിശ നിരക്ക് ഉയർത്താൻ തുടങ്ങിയ റിസർവ് ബാങ്ക് ഈ വർഷത്തെ അവസാന വർദ്ധനവും ഇന്ന് പ്രഖ്യാപിച്ചു.
0.25 ശതമാനത്തിന്റെ വർദ്ധനവാണ് ചൊവ്വാഴ്ച സ്ഥിരീകരിച്ചത്.
ഈ വിലക്കയറ്റം എന്ന് കുറയും? റിസർവ് ബാങ്കിൻെറ പ്രവചനം ഇവിടെയറിയാം..
മെയിൽ 0.1 ശതമാനമായിരുന്ന ബാങ്കിംഗ് പലിശ നിരക്ക് ഇന്നത്തെ വർദ്ധനവോടെ 3.1 ശതമാനത്തിലേക്ക് ഉയർന്നു.
ബാങ്കുകൾ ഈ വർദ്ധനവ് ഉപഭോക്താക്കളിലേക്ക് കൈമാറിയാൽ, അഞ്ച് ലക്ഷം ഡോളർ വീട് വായ്പയുള്ളവർക്ക് പ്രതിമാസ തിരിച്ചടവിൽ 75 ഡോളർ വർദ്ധനവുണ്ടാകും.
ഏപ്രിലിന് ശേഷം പ്രതിമാസ തിരിച്ചടവിൽ ഏകദേശം 910 ഡോളറാണ് അഞ്ച് ലക്ഷം ഡോളർ വായ്പയുള്ളവർക്ക് കൂടിയിരിക്കുന്നത്. 25 വർഷം വായ്പ ബാക്കിയുള്ളവർക്കാണ് ഈ കണക്കുകൾ.
ഈ വർഷത്തെ വർദ്ധനവ് മൂലമുള്ള പ്രതിസന്ധികൾ സാധാരണക്കാരെ ബാധിച്ചുതുടങ്ങിയിട്ടേയുള്ളൂ.
നിരവധിപ്പേർക്ക് 2023 ലായിരിക്കും ഇതുവരെയുള്ള വർദ്ധനവിന്റെ ആഘാതം കൂടുതൽ ബാധിക്കാൻ തുടങ്ങുക എന്ന് വിദഗ്ദ്ധർ ചൂണ്ടിക്കാട്ടി.
