കൊറോണവൈറസ് നിയന്ത്രണങ്ങൾ പിൻവലിക്കുന്നതിന് മൂന്നു ഘട്ട പദ്ധതിയാണ് ദേശീയ ക്യാബിനറ്റ് പുറത്തിറക്കിയതെങ്കിലും, വെസ്റ്റേൺ ഓസ്ട്രേലിയയിൽ നാലു ഘട്ടങ്ങളായി ഇതു നടപ്പാക്കുമെന്ന് പ്രീമിയർ മാർക്ക് മക്ഗവൻ പ്രഖ്യാപിച്ചു.
അതേസമയം, സംസ്ഥാനത്തിന്റെ അതിർത്തികൾ ഇപ്പോൾ തുറക്കുന്ന കാര്യം പരിഗണനയിലില്ലെന്നും, ഏറ്റവും അവസാനം മാത്രമേ അത് നടപ്പാക്കൂ എന്നും അദ്ദേഹം അറിയിച്ചു.
സംസ്ഥാന അതിർത്തികൾ പൂർണമായി അടയ്ക്കാൻ ആദ്യം തീരുമാനമെടുത്ത സംസ്ഥാനമായിരുന്നു വെസ്റ്റേൺ ഓസ്ട്രേലിയ.
ഒന്നാം ഘട്ട ഇളവുകൾ ഏപ്രിൽ 27 മുതൽ നടപ്പാക്കി തുടങ്ങിയിരുന്നു.
രണ്ട് പേർക്ക് മാത്രം പുറത്ത് ഒത്തുചേരാൻ അനുവാദം ഉണ്ടായിരുന്നത് പത്ത് പേർക്ക് എന്ന നിലയിലേക്ക് ഇളവു ചെയ്തിരുന്നു. രണ്ടാം ടേമിൽ സ്കൂളുകളിൽ കുട്ടികളെ അനുവദിക്കുകയും ചെയ്തിരുന്നു.
ഇതിന് പിന്നാലെ രണ്ടാം ഘട്ട ഇളവുകൾ മേയ്18 തിങ്കളാഴ്ച മുതലാകും പ്രാബല്യത്തിൽ വരിക.
രണ്ടാം ഘട്ട ഇളവുകൾ ഇവയാണ്:
- 20 പേർക്ക് വരെ ഒത്തുകൂടാം
- ജനങ്ങൾക്ക് തൊഴിലിടങ്ങളിലേക്ക് മടങ്ങാം (രോഗ ലക്ഷണങ്ങൾ ഇല്ലാത്ത സാഹചര്യത്തിൽ)
- സംസ്ഥാനത്തെ ചില ഉൾനാടൻ പ്രദേശങ്ങളിലേക്ക് യാത്ര ചെയ്യാം
- റസ്റ്റോറന്റുകൾ, കഫേകൾ തുറന്നു പ്രവർത്തിക്കും (20 പേർക്ക് മാത്രം)
- ആരാധാനാലയങ്ങൾ, ലൈബ്രറികൾ, കമ്മ്യൂണിറ്റി സെന്ററുകൾ തുറക്കും (20 പേർക്ക്)
- കെട്ടിടത്തിനകത്തും പുറത്തുമുള്ള ഫിറ്റ്നസ് ക്ലാസ്സുകളും ഡാൻസ് ക്ലാസ്സുകളും അനുവദിക്കും (20 പേർക്ക്)
- കർശന നിയന്ത്രണത്തോടെ പൊതുഇടങ്ങളിലെ നീന്തൽക്കുളങ്ങൾ തുറന്നു പ്രവർത്തിക്കും
- വിവാഹം, മരണാനന്തര ചടങ്ങുകൾ (കെട്ടിടത്തിനുള്ളിൽ 20 പേർ, പുറത്ത് 30 പേർ)
- പരസ്പര സമ്പർക്കമില്ലാത്ത സാമൂഹ്യ കായികവിനോദങ്ങൾ അനുവദിക്കും
Source: WA Premier
ചില ഉൾപ്രദേശങ്ങളിലേക്കുള്ള യാത്രകൾ അനുവദനീയമാണെങ്കിലും ബയോസെക്യൂരിറ്റി സോണുകളിലേക്കും റിമോട്ട് കമ്മ്യൂണിറ്റികളിലേക്കുമുള്ള യാത്രയ്ക്കുള്ള വിലക്ക് നിലനിൽക്കും.
രണ്ടാം ഘട്ട ഇളവുകൾ നടപ്പിലാക്കി നാല് ആഴ്ചക്ക് ശേഷമായിരിക്കും മൂന്നാം ഘട്ട ഇളവുകൾ നടപ്പിലാക്കുക.
മൂന്നാം ഘട്ടത്തിൽ കൂടൂതൽ പേരെ ഒത്തുകൂടാൻ അനുവദിക്കുകയും സംസ്ഥാനത്തിനുള്ളിൽ തന്നെ കൂടുതൽ യാത്രകൾ അനുവദിക്കുകയും ചെയ്യും.
- ജിം, ഹെൽത്ത് ക്ലബുകൾ തുടങ്ങിയവയിൽ കൂടുതൽ ഇളവുകൾ നൽകും.
- പരസ്പര സമ്പർക്കമുണ്ടാകുന്ന സാമൂഹ്യ കായിക വിനോദങ്ങളും അനുവദിക്കും.
- ബ്യൂട്ടി തെറാപ്പി അനുവദിക്കും
- വീടുകളുടെ ഓക്ഷനും മറ്റ് ഓക്ഷനുകളും തുടങ്ങും
- പൊതു കളിസ്ഥലങ്ങൾ, ഔട്ട്ഡോർ ജിം, പാർക്കുകൾ, മൃഗശാലകൾ, തിയറ്ററുകൾ തുടങ്ങിയവ തുറക്കും
ന്യൂ സൗത്ത് വെയിൽസ് ഞായറാഴ്ച രാവിലെ നിയന്ത്രണങ്ങളിൽ കൂടുതൽ അയവ് പ്രഖ്യാപിച്ചിരുന്നു. വിക്ടോറിയൻ സർക്കാർ ഇളവുകൾ നൽകുന്ന കാര്യം തിങ്കളാഴ്ചപ്രഖ്യാപിക്കും എന്നാണ് അറിയിച്ചിരിക്കുന്നത്.
People in Australia must stay at least 1.5 metres away from others. Check your state’s restrictions on gathering limits. Testing for coronavirus is now widely available across Australia.
If you are experiencing cold or flu symptoms, arrange a test by calling your doctor or contact the Coronavirus Health Information Hotline on 1800 020 080. The federal government's coronavirus tracing app COVIDSafe is available for download from your phone's app store.
SBS is committed to informing Australia’s diverse communities about the latest COVID-19 developments. News and information is available in 63 languages at sbs.com.au/coronavirus.
