NSWൽ വെള്ളിയാഴ്ച മുതൽ ഇളവുകൾ: 10 പേർക്ക് ഒത്തുകൂടാം; റെസ്റ്റോറന്റുകൾ തുറക്കും

കൊറോണവൈറസ് നിയന്ത്രണങ്ങളിൽ ഘട്ടംഘട്ടമായി ഇളവുകൾ നൽകാനുള്ള ദേശീയ ക്യാബിനറ്റ് തീരുമാനം ന്യൂ സൗത്ത് വെയിൽസ് അടുത്ത വെള്ളിയാഴ്ച മുതൽ നടപ്പാക്കി തുടങ്ങും. എന്നാൽ ഉൾനാടൻ ന്യൂ സൗത്ത് വെയിൽസിലേക്കുള്ള യാത്ര ഇപ്പോൾ അനുവദിക്കില്ലെന്ന് പ്രീമിയർ ഗ്ലാഡിസ് ബെറെജെക്ലിയൻ വ്യക്തമാക്കി.

NSW Premier Gladys Berejiklian speaks to the media in Sydney.

NSW Premier Gladys Berejiklian will announce changes to COVID-19 restrictions. (AAP) Source: AAP

കൊവിഡ്-സുരക്ഷിത ഓസ്ട്രേലിയയ്ക്കായി ദേശീയ ക്യാബിനറ്റ് മൂന്നു-ഘട്ട പദ്ധതി അംഗീകരിച്ച് രണ്ടു ദിവസത്തിനു ശേഷമാണ് ഇത് നടപ്പാക്കുന്ന കാര്യം ന്യൂ സൗത്ത് വെയിൽസ് പ്രഖ്യാപിക്കുന്നത്.

മറ്റു പല സംസ്ഥാനങ്ങളും നേരത്തേ തന്നെ ഇളവുകൾ പ്രഖ്യാപിച്ചിരുന്നു.
മേയ് 15 വെള്ളിയാഴ്ച മുതലായിരിക്കും ന്യൂ സൗത്ത് വെയിൽസിൽ ഇളവുകൾ പ്രാബല്യത്തിൽ വന്നുതുടങ്ങുക.  

സംസ്ഥാനത്ത് പൊതുസ്ഥലങ്ങളിൽ പത്തു പേർക്ക് വരെ ഒത്തുചേരാൻ അനുവാദം നൽകും. കുട്ടികൾ ഉൾപ്പെടെയായിരിക്കും പത്തു പേർ. നിലവിൽ രണ്ടു പേർക്ക് മാത്രമാണ് പൊതുസ്ഥലത്ത് ഒരുമിച്ചുനിൽക്കാൻ അനുവാദമുള്ളത്. 

അഞ്ചു പേർക്കു വരെ ഒരേസമയം ഒരു വീട് സന്ദർശിക്കാം. ഇതുവരെ വീടുകൾ സന്ദർശിക്കാൻ മുതിർന്ന രണ്ടു പേർക്ക് മാത്രമേ അനുവാദമുണ്ടായിരുന്നുള്ളൂ. രണ്ട് മുതിർന്നവർക്കൊപ്പം വീട്ടിലെ കുട്ടികൾക്കും ഒപ്പം പോകാമായിരുന്നു.

ഇളവു നൽകുമ്പോൾ ആകെ അഞ്ചു പേർക്കാണ് അനുമതി. അത് കുട്ടികളോ, മുതിർന്നവരോ ആയാലും പരമാവധി അഞ്ചു പേർ.

റെസ്റ്റോറന്റുകളും കഫെകളും തുറക്കും. ഒരു സമയം പത്തു പേരെ മാത്രമേ പരമാവധി അനുവദിക്കൂ.
Three step plan released by National Cabinet
Three step plan released by National Cabinet Source: SBS Malayalam
ആരാധനാലയങ്ങളും അടുത്ത വെള്ളിയാഴ്ച മുതൽ തുറക്കും. ഇതിനും പത്തു പേർ എന്ന നിയന്ത്രണം ബാധകമായിരിക്കും.

ഔട്ട്ഡോർ ജിമ്മുകളും കുട്ടികളുടെ കളിസ്ഥലങ്ങളും തുറന്നു പ്രവർത്തിക്കും. ഇവിടെയും എണ്ണം ബാധകമാണ്.

മാത്രമല്ല, ഉപയോഗിക്കുന്നവർ തന്നെ ഉപകരണങ്ങൾ സാനിട്ടൈസ് ചെയ്യണം എന്നാണ് സർക്കാർ നിർദ്ദേശം.

വിവാഹ ചടങ്ങുകൾക്ക് പത്ത് പേരെയും, മരണാനന്തര ചടങ്ങുകൾക്ക് കെട്ടിടങ്ങൾക്കുള്ളിൽ 20 പേരെയും, കെട്ടിടങ്ങൾക്ക് പുറത്ത് 30 പേരെയും അനുവദിക്കും.

ഔട്ട്ഡോർ നീന്തൽക്കുളങ്ങളും അനുവദിക്കും എന്നാണ് സർക്കാർ വ്യക്തമാക്കിയിരിക്കുന്നത്. അതിൽ എത്ര പേരെ ഒരു സമയം അനുവദിക്കും എന്ന കാര്യം സർക്കാർ പ്രഖ്യാപിക്കും.

അതേസമയം, സംസ്ഥാനത്തിനുള്ളിലെ യാത്രാ നിയന്ത്രണങ്ങൾ തുടരുമെന്നും പ്രീമിയർ ഗ്ലാഡിസ് ബെറെജെക്ലിയൻ പറഞ്ഞു.
ഉൾനാടൻ ന്യൂ സൗത്ത് വെയിൽസിലേക്കുള്ള യാത്ര ഈ ഘട്ടത്തിൽ അനുവദിക്കില്ല.
സാമൂഹിക അകലം പാലിക്കലും, കൂടുതൽ പരിശോധനകളുമെല്ലാം സാധ്യമായാൽ മാത്രമേ ഇളവുകൾ അടുത്ത ഘട്ടത്തിലേക്ക് കടക്കാൻ കഴിയുള്ളൂവെന്നും സർക്കാർ വ്യക്തമാക്കി.

വിക്ടോറിയൻ സർക്കാർ ഇളവുകൾ നൽകുന്ന കാര്യം തിങ്കളാഴ്ചപ്രഖ്യാപിക്കും എന്നാണ് അറിയിച്ചിരിക്കുന്നത്.

People in Australia must stay at least 1.5 metres away from others. Check your state’s restrictions on gathering limits. Testing for coronavirus is now widely available across Australia.

If you are experiencing cold or flu symptoms, arrange a test by calling your doctor or contact the Coronavirus Health Information Hotline on 1800 020 080. The federal government's coronavirus tracing app COVIDSafe is available for download from your phone's app store.

SBS is committed to informing Australia’s diverse communities about the latest COVID-19 developments. News and information is available in 63 languages at sbs.com.au/coronavirus.


Share

Published

Updated

By Deeju Sivadas

Share this with family and friends


Follow SBS Malayalam

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Malayalam-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service