L-Innu Nazzjonali Awstraljan u l-wegħda taċ-ċittadinanza bil-Malti
Qlibna l-Innu Nazzjonali Awstraljan u l-wegħda taċ-ċittadinanza f’ħafna mil-lingwi mitkellma mal-Awstralja kollha.
Published
Source: SBS
L-SBS jirrikonoxxi lill-Popli Aboriġini u Torres Strait Islander madwar l-Awstralja bħala s-Sidien Tradizzjonali tal-Pajjiż, u l-konnessjoni kontinwa tagħhom mal-art, l-ilmijiet, u l-komunità.
Il-lirika oriġinali ta’ Advance Australia Fair inkitbet fl-1878 mill-għalliem tal-iskola u kompożitur Awstraljan Peter Dodds McCormick. Il-kanzunetta ġiet ikkonfermata bħala l-innu nazzjonali tal-Awstralja fid-19 ta’ April 1984.
Fl-2021 il-kliem fit-tieni vers tal-Innu ġie aġġornat minn “żagħżugħ u ħieles” għal “wieħed u ħieles” biex jirrifletti l-inklussività’.
L-Innu jindaqq f’ċerimonji uffiċjali, kompetizzjonijiet sportivi u avvenimenti oħra komunitarji.
Il-lirika tal-Innu Nazzjonali Awstraljan
Awstraljani ejjew ilkoll nifirħu,
Għax aħna magħqudin u ħielsa;
Għandna art fertili u prosperità bix-xogħol;
Darna mdawra bil-baħar;
Artna mimlija b’riżorsi naturali
Ta’ sbuħija, għana u rari;
F’kull paġna tal-istorja, kull stadju
Ejjew nimxu ’l quddiem.
B’ilħna għolja ferrieħa mela nkantaw,
Ejjew nimxu ’l quddiem.
Taħt il-kwiekeb jiddu tas-Southern Cross tagħna
Naħdmu b’qalbna u b’idejna;
Biex nagħmlu dan il-Commonwealth tagħna
Magħruf mad-dinja kollha;
Għal dawk li ġew minn pajjiżi oħra
Għandna art bl-abbundanza x’naqsmu;
B’kuraġġ ejjew ningħaqdu lkoll
Biex iIkoll nimxu ’l quddiem.
B’ilħna għolja ferrieħa mela nkantaw,
Ejjew nimxu ’l quddiem.
- Credit: Don Arnold/Getty Images
Il-wegħda taċ-Ċittadinanza Awstraljana
Mindu kienet introdotta ċ-ċittadinanza Awstraljana fl-1949, aktar minn sitt miljun persuna saru ċittadini permezz tal-għoti formali taċ-ċittadinanza Awstraljana.
Iċ-ċerimonji taċ-ċittadinanza huma organizzati mill-kunsilli lokali, fosthom f’Jum iċ-Ċittadinanza Awstraljana fis-17 ta’ Settembru.
Bħala parti miċ-ċerimonja, jindaqq l-Innu Nazzjonali Awstraljan, u n-nies jagħmlu l-wegħda li jaċċettaw ir-responsabbiltajiet taċ-ċittadinanza Awstraljana.
Hemm żewġ verżjonijiet tal-wegħda, li waħda minnhom issemmi lil Alla.
Verżjoni tal-1 wegħda
Minn issa 'l quddiem, f'isem Alla,
inwiegħed il-lealta' tiegħi lejn l-Awstralja u l-poplu tagħha,
li t-twemmin demokratiku tagħhom jien inħaddan,
li d-drittijiet u l-libertajiet tagħhom nirrispetta, u
li l-liġijiet tagħhom jien se nsostni u nobdi.
Verżjoni tat-2 wegħda
Inwiegħed il-lealta' tiegħi lill-Awstralja u lill-poplu tagħha,
li t-twemmin demokratiku tagħhom jien inħaddan,
li d-drittijiet u l-libertajiet tagħhom nirrispetta, u
li l-liġijiet tagħhom jien se nsostni u nobdi.
Read and listen Australian National Anthem and citizenship pledge in your language
Share
Listen to our podcasts
Independent news and stories connecting you to life in Australia and Maltese-speaking Australians.
Interviews and feature reports from SBS News
Get the latest with our exclusive in-language podcasts on your favourite podcast apps.
