Il-Maltin u l-Għawdxin fl-Awstralja qed juru appoġġ sħiħ lill-kantant Aiden, li nhar il-Ġimgħa 15 ta' Mejju, kmieni fil-5am (ħin tal-Awstralja) se jkunu qegħdin isegwuh dirett fuq SBS TV jinterpreta l-kanzunetta ‘Bella’ għal Malta. Aiden se jkanta fl-14-il post fit-tieni semi finali. ‘Bella’ hija kanzunetta romantika li serqet il-qlub tal-kbar u ż-żgħar madwar id-dinja. Aiden huwa kburi ħafna li wara 54 sena se jkun hu fuq il-palk tal-Eurovision li jkanta bil-lingwa Maltija.
Share
