Opportunità ta’ bidla fil-ħajja, wara li Lawrence ħareg mill-ħabs

Li ssib xogħol wara li tkun għamilt żmien il-habs mhix ħaġa faċli. Dwar dan tista’ tistaqsi lil xi wieħed minn dawk li issa ħargu mill-ħabs u ġew imqabbda xogħol minn Fruit2Work, bħal Lawrence, raġel ta’ nisel Malti. Permezz ta’ dan il-proġett innovattiv jitqassam frott, ħalib u affarijiet oħra tal-ikel lill-negozji f’żewġ stati Awstraljani, bil-għan li xogħol bħal dan jibda jsir mal-Awstralja kollha. Imma dan il-proġett huwa ħafna aktar mit-tqassim tal-ikel.