Монгол хэл бичгийн асуудал хил дамнан хөндөгдөж буй өнөө үед орхигдуулж болохгүй нэг зүйл нь эх хэлээ өвлүүлэх явдал юм. Гадаад улсад олон жилээр оршин суугаа монголчуудын хувьд тухайн орны боловсролын системийн дэмжлэггүйгээр үр хүүхэддээ эх хэлээ өвлүүлэн үлдээнэ гэдэг тийм ч амар даваа биш.
Харин технологийн хурдацтай хөгжлийн ачаар хилийн хориг харгалзахгүйгээр Монгол хэлний хичээлийг анхан шатнаас нь авах боломжийг санал болгох байгууллагууд олширч байна. Үүнээс гадна, соёл эх хэлээ авч үлдэхэд Австралийн талаас ч дэмжлэг үзүүлэх боломж байсаар байгааг тус улсын боловсролын салбарт ажиллаж буй монголчууд хэлсэн юм.
