Өнгөрсөн 9-р сарын эцсээс хойш Австрали улсын хэмжээнд хоол хүргэж амьжиргаагаа залгуулдаг таван ч хүн авто тээврийн ослоор амиа алдаад байна. Ийнхүү амиа алдах болсон шалтгааны нэг нь хоол хүргэлтийн компаниудаас ирдэг шахалт гэдгийг Алекс Роксбюру хэлж буй.
Одоогоор ямар нэгэн тодорхой зохицуулалтгүй байгаа хоол хүргэлт зэрэг байнгын бус ажлын байрны салбарт зориулсан хуулийн зохицуулалт хийх хэрэгтэй гэдгийг Австралийн төрийн зохих түвшний хүмүүс хэлж эхэллээ. Үүнтэй холбогдуулж, UberEats зэрэг хоол хүргэлтийн үйлчилгээ үзүүлдэг компаниудад шалгалт хийх зорилгоор Шинэ Өмнөд Уэльсийн захиргаанаас ажлын хэсэг байгуулаад байна.
