Австралид суугаа монголчуудын амжилтын буухиа үргэлжилсээр.
Бид энэ удаа та бүхэнд Австралийн Beach Sambo үндэсний шигшээ багийн ахлах дасгалжуулагч, Дэлхийн Beach Sambo Championship-д Австралийн багийг удирдсан, Дэлхийн болон олон улсын хэд хэдэн тэмцээнд тамирчин, дасгалжуулагч, төлөөлөгчөөр оролцсон Викториа мужийн Самбогийн Холбооны Ерөнхийлөгч, Melbourne Sambo Academy-ийн үүсгэн байгуулагчдын нэг Б.Саруулгэрэлтэй ярилцсаныг хүргэж байна.
Тэрээр өнгөрөгч зургаадугаар сард Филиппинд зохиогдсон Ази номхон далайн орнуудын Аварга шалгаруулах самбо бөхийн тэмцээнд Австралийн багийг дасгалжуулж, Австралийн түүхэнд анх удаа байлдааны самбогийн эмэгтэй төрөлд алтан медаль, спорт самбогийн нэмэх жин болон эмэгтэй жинд хүрэл медаль авчирч чаджээ.
Мөн энэхүү тэмцээний үеэр зэргээ ахиулж, олон улсын дасгалжуулагчийн эрх авах шалгалтад Австралиас таван дасгалжуулагч оролцож хоёр нь амжилттайгаар тэнцсэн бөгөөд тэд хоёулаа монгол залуус буюу Б.Саруулгэрэл болон Г.Сайханжаргал нар байв. Уг тэмцээнд Австралиас нийт дасгалжуулагч, шүүгч, тамирчин гээд 30-аад хүний өргөтгөсөн бүрэлдэхүүнтэй оролцжээ.
Түүнчлэн Б.Саруулгэрэл өнгөрсөн жил элсний самбогийн Дэлхийн аварга шалгаруулах тэмцээнд Австралийн шигшээ багийн ахлах дасгалжуулагчаар ажилласан байна.
Та Монгол хэлээр илүү олон подкаст сонсмоор байна уу?
Манай Facebook хуудсыг дагаж, Apple Podcast, Spotify сувагт бидэнтэй нэгдээрэй. Мөн долоо хоног бүрийн Мягмар гарагт 2-3 цагийн хооронд SBS 3-р сувгаар Монгол хэл дээрх хөтөлбөрөө хүлээн авч сонсоорой.
