Монашийн их сургуулийн зан үйлийн шинжээч Доктор Эрик Денисон спортын клубээс эхлээд уул уурхайн талбай хүртэл эрчүүд давамгайлсан орчинд яагаад гей хүмүүсийн тухай доромж хэллэг нийтлэг хэрэглэдгийг судалжээ.
Тэрээр хэлэхдээ, ийм орчинд эрчүүд “гомофоб (ижил хүйстнийг үзэн ядах үзэлтэй холбоотой)” хэллэгийг бусдад нийцэх, мөн өөрсдийгөө “гетеросексуал (эсрэг хүйстэнд татагддаг)” гэдгээ харуулахын тулд ашиглах хандлагатай байдаг гэлээ.
“Бидний олж мэдсэн зүйл бол, залуу эрчүүд эсвэл хөвгүүд маш эерэг эсвэл сөрөг хандлагатай байсан ч ялгаагүй, хоёулаа гомофоб үг хэллэг ашиглах магадлал адилхан байсан,” гэж тэр хэлэв.
Залуу эрчүүд бусдын зан үйлд нийцэж, хүлээн зөвшөөрөгдөх хүсэлдээ хөтлөгддөг бөгөөд хэрэв тэд энэ хэллэгийг ашиглахгүй бол хачин, бүлгийн нэг хэсэг биш гэж үзэгддэг.
“Зориуд үзэн ядах зорилгоор хэлээгүй ч иймэрхүү үг хэллэг нь LGBTQ залууст ноцтой хор хохирол учруулж чадна” гэж доктор Денисон хэлэв.
“Understanding Hate” подкастын энэ дугаарт ижил хүйстнийг доромжлох үг хэллэг болон хүчирхийллийн шалтгаанууд, мөн тэдгээрийн гей эрчүүдэд үзүүлэх нөлөөг авч үзнэ.
Та Монгол хэлээр илүү олон подкаст сонсмоор байна уу?
Манай Facebook хуудсыг дагаж, Apple Podcast, Spotify сувагт бидэнтэй нэгдээрэй. Мөн долоо хоног бүрийн Мягмар гарагт 2-3 цагийн хооронд SBS 3-р сувгаар Монгол хэл дээрх хөтөлбөрөө хүлээн авч сонсоорой.
